Кулун тутар 22

Кулун тутар 22 диэн Григориан халандаарыгар сыл 81-с күнэ (ордук хонуктаах сылга 82-c күнэ). Сыл бүтүө 284 күн баар.

Бэлиэ күннэр

• ХНТ ХНТ, Уу ресурсаларын аан дойдутааҕы күнэ
• Таксист аан дойдутааҕы күнэ. Бу күн 1907 сыллаахха Лондоҥҥа счетчиктаах таксилар баар буолбуттар.
• Балтика байҕалын күнэ

• Казахстаан Казахстаан, Албания Албания, Азербайдьан Азербайдьан, Пакистаан Пакистаан, Түркменистаан Түркменистаан, Ираан Ираан, Арассыыйа Арассыыйа (Дагестан, Башкорстостан, Татарстан уо.д.а.) уо.д.а. — Наурыз
• Лаос Лаос — Нортуот баартьыйатын күнэ
• Ливан Ливан, Иордания Иордания — Араб лигатын күнэ
• Пуэрто Рико Пуэрто Рико — Эмансипация күнэ (Кулуттааһыны суох гыныы күнэ)

Түбэлтэлэр

• 1772 — Англияҕа кулуттааһыны боппуттар.
• 1893 — Саха сирин губернатора Бүлүүгэ мунньах ыыппыт, онно араҥ ыарыһахтары Бүлүүттэн 15-18 биэрэстэлээх сиргэ, түҥ тайҕа быыһыгар, холуонньаны олохтооһун туһунан боппуруос көрүллүбүтэ. Ол бириэмэҕэ ыарыһахтарга анаан 9 балаҕан тутуллубута. Москубаттан үс сиэстэрэ — Соколова, Гладушкина, Немкова кэлэннэр ыарыһахтары көрбүттэрэ-истибиттэрэ. Кэнники эбии таҥара дьиэтэ тутуллубута. Холуонньа фермалааҕа, онно уон ынах баарын ыарыһахтар бэйэлэрэ көрөллөрө. Холуонньа көҥүл сиэртибэлээһин харчытынан үбүлэнэрэ. Саха уобалаһыттан бүтүннүүтүттэн ыарыһахтары булан, Бүлүүтээҕи лепрозорийга илдьэллэрэ.
• 1895 — Парижка бастакы киинэ көрдөрүүтэ буолбут. Ини-бии Люмьердар «Оробуочайдар фабрикаттан тахсаыылара» диэн киинэни көрөдөрбүттэр. Анаан ыҥырылллыбыт көрөөччүлэр фабрикаттан тахсан иһэр оробуочайдары көрбүттэр.
• 1937 — Максим Аммосов Киргизия обкуомун VIII пленумугар обкуом бастакы сэкиритээринэн талыллар. Бу күннэргэ V Суһал бүтүн киргиистэр Сэбиэттэрин сийиэһэ түмүктэнэр. Бу сийиэскэ Максим Кирович салалтатынан Киргизскай ССР Конституцията ылыллар. Онон Аммосов Киргизия судаарыстыбалаах буолуутугар сүдү улахан суолталаах киһинэн ааҕыллар.
• 1935 — Персия Ираан диэн ааттанар буолбут.
• 1940 сыллаахха Саха госудаарственнай тыйаатырыгар "Ньургун Боотур" диэн ааттаах музыкальнай драма аан бастаан көстүбүт. Либреттотын Суорун Омоллоон, муузукатын Марк Жирков уонна Генрих Литинскэй суруйбуттар, Василий Местников туруоруута.
• 1943 — Фашистар Белорусияҕа Хатынь дэриэбинэ олохтоохторун уоттаан өлөрбүттэр.
• 1945 — Араб Лигата тэриллибит.
• 1966 — Усуйаана оройуонун «Усуйаана» сопхуоһун кыыл иитээччитэ Матрена Аммосова (12.03.1930 төр.), Бүлүү оройуонун Степан Аржаков аатынан колхуос ньирэй көрөөччүтэ Петр Протопопов, уонна Сунтаар оройуонун «Элгээйи» сопхуос биригэдьиирэ Дмитрий Андреев (27.10.1912 төр.) Социалистыы Үлэ Дьоруойа буолбуттар.
• 2002 — Саха Өрөспүүбүлүкэтин вице-президенын дьаһалынан «Ытык аҕа» Бэлиэ олохтоммут.

Төрөөбүттэр

• 1917 — Виктор Афанасьев — Алданскай (17.12.1993 өлб.) — сатирик-бэйиэт, СӨ билимин үтүөлээх диэйэтэлэ, СӨ суруйааччыларын Сойууһун чилиэнэ, Алтаай кыраайын Хомсомуолун бириэмийэтин лауреата.
• 1927 — Чурапчы улууһугар Алаҕар нэһилиэгэр Анастасия Лыткина (1989 өлб.) — саха биллиилээх ырыаһыта, РСФСР уонна Саха АССР үтүөлээх артыыһа.

Өлбүттэр

• 1832 — Гете (Johann Wolfgang von Goethe, 1749.08.28 төр.) — ньиэмэс улуу суруйааччыта.