От ыйын 24

От ыйын 24 диэн Грегориан халандаарыгар сыл 205-с күнэ (ордук хонуктаах сылга 206-c күнэ). Сыл бүтүө 160 күн баар.

Бэлиэ күннэр

• Эквадорга уонна Венесуэлаҕа Симон Боливары ахтар күннэрэ.

Түбэлтэлэр

• 1682 сыллаахха остуруок оннугар Дьокуускай куораты тутуу саҕаламмыт.
• 1923 — Туурсуйа (ол саҕана өссө да Османнар Импиэрийэлэрэ) элбэх дойду коалициятын утары (Англия, Франция, Италия, Греция уонна Армения) 1919-1922 сылларга буолбут сэриигэ кыайыыны ситиһэр уонна ол түмүгүнэн бу күн Лозаннаҕа эйэ сөбүлэҥин түһэрсэр. Ол сөбүлэҥҥэ олоҕуран Османнар Импиэрийэлэрэ суох буолар уонна билиҥҥи Туурсуйа үөскүүр.
• 1987 — IBM «DOS» операционнай систиэмэ 3.3 биэрсийэтин таһаарбыт.
• 1990 — ССРС-ка 5 сыл ынараа өттүгэр киллэриллибит арыгы эргиэнин хааччахтааһыны суох гыммыттар.
• 1999 сыллаахха Ульяновскай уобалас түмэнэ Гончаров И. А. аатынан литэрэтиирэ бириэмийэтин олохтообут. Кэлин 2006 сыллаахха бу бириэмийэ РФ суруйааччыларын сойууһун быһаарытынан Гончаров 200 сааһыгар анаммыта. 2012 сылтан аан дойдутааҕы таһымнаммыта. 2017 сыллаахха "Уус-уран тыл маастара" диэн номинацияҕа бу бириэмийэни Николай Лугинов ылбыта.

Төрөөбүттэр

• 1828 — Чернышевскай Николай Гаврилович, Бүлүүгэ көскө олоро сылдьыбыт нуучча революционера, суруйааччыта.

Өлбүттэр

• 1910 — Архип Куинджи, худуоһунньук. Ыйы ойуулуурунан аатырар этэ.
• 1927 — Акутагава Рюноскэ — дьоппуон суруйааччыта.
• 1992 — Гавриил Илизаров (1921 төр.), хирург-травматолог, РАН академига, уҥуох тостуутун көннөрөргө анаммыт ортопедия аппараатын айбыта (Илизаров аппарата).