Алтынньы 4

Алтынньы 4 диэн Грегориан халандаарыгар сыл 277-с күнэ (ордук хонуктаах сылга 278-c күнэ). Сыл бүтүө 88 күн баар.

Бэлиэ күннэр

• Хамсыыр харамайдар көмүскэллэрин күнэ
• ХНТ ХНТ — Аан дойдутааҕы космос нэдиэлэтэ саҕаланар
• Арассыыйа Арассыыйа — Космос сэриилэрин күнэ
• Арассыыйа Арассыыйа — МЧС гражданскай оборона сэриилэрин күнэ
• Швеция Швеция — Корицалаах булка күнэ

Түбэлтэлэр

• 1582 — Рим папата Григорий XIII уурааҕынан григориан халандаара ылыныллыбыт. Аныгыскы күн алтынньы 15 күнэ буолар диэн биллэриллибит.
• 1853 — Нуучча адмирала Геннадий Невельский Сахалиҥҥа Арассыыйа былааҕын көтөхпүт.
• 1883 — Аатырбыт Илиҥҥи экспресс бастакы рейсэ Парижтан Истанбулга айаннаабыт.
• 1957 — Байконур полигонуттан Сир бастакы искусственнай аргыһа «Спутник-1» ыытыллыбыт. Космос эрата саҕаламмыт.
• 1959 — «Луна-3» космос аппарата ыытыллыбыт. Бу аппарат бастакынан Ый улаҕа өттүн фотографиялаабыта. Инньэ гынан Сэбиэскэй Сойуус Ый ньуурун улаҕа өттүнээҕи эбийиэктэригэр аат биэрэр кыахтаммыта.
• 1993 — Арассыыйа бэрэсидьиэнэ Борис Ельцин Үрдүкү Сэбиэт үлэтин тохтотоору Москубаҕа тааҥкалардаах аармыйа киллэрбит уонна Үрүҥ Дьиэни штурмалаабыт. Икки нэдиэлэлээх былаас былдьаһыытыттан Борис Ельцин кыайыылаах тахсыбыт.

Төрөөбүттэр

• 1868 — Петр Афанасьев — түмэт диэйэтэлэ, саха бастакы үөрэхтээхтэриттэн биирдэстэрэ, Дүпсүн улууһун кулубата, "Сахалар сойуустарын" тэрийсээччи. Cири хорутан бурдук, оҕуруот ыһыытын пропагандалаабыт, тыа хаһаайыстыбатыгар аналлаах техниканы маҥнайгынан боруобалаан дьон туһанарыгар холобур буолбут. Ону кытары сири нүөлсүтэр соруктаах Саха сиригэр бастакы аһыллар-сабыллар быһыты туттарбыт уонна кыыл-сүөл түмэлин арыйан үлэлэппит киһи.
• 1901 — Лука Харитонов — филология билимин дуоктара, профессор, РСФСР уонна Саха АССР үтүөлээх наука диэйэтэлэ.
• 1939 — Прокопий Яковлев — РФ уонна Саха АССР үтүөлээх бырааһа. 1979-1990 сылларга СГУ Медико-лечебнай факультетын декана, 1994-1999 сылларга СӨ Доруобуйа харыстабылын миниистирэ. Кэбээйи улууһун Ытык олохтооҕо.

Өлбүттэр

• 1669 — Рембрандт — Недерланд уhулуччулаах уруhуйдьута.
• 1872 — Владимир Даль — нуучча суруйааччыта, фольклор хомуйаччыта, аатырбыт лексикограф, «Тыыннаах нуучча тылын быһаарыылаах тылдьытын» ааптара.
• 1947 — Макс Планк — Германия физигэ, квантовай механиканы арыйбытын иһин Нобель бириэмийэтин лауреата.
• 1957 — Тарас Местников (22.02.1904 төр.) — артыыс, ырыаһыт, драматург, Саха АССР норуодунай артыыһа. Саха тыйаатырын 1930-40-с сс. уонна 1955-57 сс. дириэктэрэ. 1948—1955 сс. Ньурба уонна Нуучча тыйаатырдарын дириэктэрэ, Саха араадьыйатыгар муусука эрэдээксийэтин эппиэттээх эрэдээктэрэ.
• 2005 — Георгий Бессонов — биллиилээх педагог, РСФСР оскуолатын үтүөлээх учуутала, Социалистыы Үлэ Дьоруойа.