Балаҕан ыйын 10

Балаҕан ыйын 10 диэн Григориан халандаарыгар сыл 253-с күнэ (ордук хонуктаах сылга 254-c күнэ). Сыл бүтүө 112 күн баар.

Бэлиэ күннэр

• Саха Өрөспүүбүлүкэтэ Саха Өрөспүүбүлүкэтэ — Чөл олох пропагандатын күнэ (2021, балаҕан ыйын иккис бээтинсэтигэр бэлиэтэнэр)
• Бэйэҕэ тиийиниини тохтотуу аан дойдутааҕы күнэ

• Гайана Гайана — Америка индеецтэрин утумнарын күнэ (Гайана) (ааҥл. Amerindian Heritage Month)
• Гибралтаар Гибралтаар — Гибралтаарга Дойду күнэ (1967 сыллаахха ылыллыбыт тутулуга суох буолууну бэлиэтииллэр)
• Гондурас Гондурас — Оҕо күнэ (ааҥл. Children's_Day
• Кытай Кытай — Учуутал күнэ
• Украина — Физкультура уонна спорт күнэ

Түбэлтэлэр

• 1229 — Хайме I ыраахтааҕы христиан сэриилэрэ Майорка арыытын сэриилээһини саҕалаабыттар.
• 1622 — Японияҕа 52 киһини христиан итэҕэллээхтэрин иһин суутунан өлөрбүттэр, ол иһигэр омуктар бааллара.
• 1756 — Ыраахтааҕы Елизавета Петровна уурааҕынан Арассыыйаҕа бастакы тыйаатыр олохтоммут — Александринскай тыйаатыр.
• 1918 — Арассыыйаҕа Гражданскай сэрии: Кыһыл Аармыйа Казань куораты ылбыт.
• 1927 — Ксенофонтов-Артемьев саагыбарыгар (конфедералистар хамсааһыннарыгар) уорбаламмыт саха интэлигиэнсийэтин ОГПУ маассабайдык хаайан саҕалаабыт. Саагыбар салайааччылара бэйэлэрин дойдуларыгар хорҕойбуттар: Павел Ксенофонтов — Арҕаа Хаҥаласка, Михаил Артемьев — Амма улууһугар.
• 1943 — Сэбиэскэй сэриилэр Мариуполь куораты босхолобуттар.
• 1960 — XVII сайыҥҥы Олимпийскэй оонньууларга марафоҥҥа сенсациялаах кыайыыны атах сыгынньах сүүрбүт Эфиопия спортсмена Абебе Бикила ылбыт. Кини "хара Африкаттан" сылдьар бастакы олимпийскэй чөмпүйүөн буолбута.
• 2008 — Швейцария Женеватыгар Улахан адрон коллайдера үлэтин саҕалаабыт. Бу коллайдеры аан дойду устуоруйатыгар саамай улахан билим эксперимиэнэ диэн ааттыыллар.
• 2010 — Москубаҕа Виктор Лебедев 55 кг диэри ыйааһыҥҥа көҥүл тустууга аан дойду чөмпүйүөнэ буолбут.

Төрөөбүттэр

• 1920 — Дмитрий Сирдитов — Аҕа дойду Улуу сэриитин кыттыылааҕа, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Амма улууһун ытык киһитэ.
• 1934 — Еремей Аввакумов — Саха АССР култууратын үтүөлээх үлэһитэ, РСФСР норуот үөрэҕириитин туйгуна, Сунтаар улууһун уонна Элгээйи нэһилиэгин бочуоттаах олохтооҕо.
• 1938 — Петр Иванов — мэдиссиинэ дуоктара, профессор, Саха АССР үтүөлээх бырааһа.
• 1962 — Никита Аржаков — «Сахафильм» туруорааччы режиссера, СӨ ускуустубатын үтүөлээх диэйэтэлэ.

Өлбүттэр

• 1943 — Дмитрий Гуляев — Аҕа дойду Улуу сэриитин кыттыылааҕа, саха бастакы аатырбыт бэргэн ытааччыта. Снайпер бойобуой ахсаана 122 өстөөххө тиийбитэ. Кини "Кыһыл Знамя" уордьанынан наҕараадаламмыта.