Бикипиэдьийэ:Бырайыак:Түмэт урбаанньыттарыгар анаммыт күрэc

Түмэт урбааныгар улахан кылаатын иһин Нобель бириэмийэтин ылбыт Мухаммад Юнус, Grameen Bank тойоно.

Түмэт урбааныгар анаммыт күрэc 2014 сыл бэс ыйын 14 күнүгэр (Москуба кэминэн) түмүктэннэ.

Кыттааччыларга ыҥырыы

Күндү доҕоттоор, сындалҕаннаах, күүрүүлээх күрэспит түмүктэннэ. Барыгытыгар Саха бикипиэдьийэтин аатыттан махталбытын тиэрдэбит! Бикипиэдьийэ олоҕун сэргэхситтигит, саха дьонугар туһалааҕы оҥордугут! Аны маннык сорук турар. Күрэс кэмигэр куоталаһыы ухханыгар таба суруйуу, истиил өттүнэн чочуйуу, ойууннан киэргэтии, категориялааһын, ис-тас сигэлэринэн атын ыстатыйалары кытта ситимнээһин, интервики туруорааһын эҥин үлэтигэр улахан болҕомто ууруллубатаҕа кистэл буолбатах. Бу үлэни бэйэҕит суруйбут ыстатыйаҕытыгар уонна атын да дьон киэнигэр ыытыҥ эрэ диэн ыҥырабыт! Бу үлэҕит астык, силигэ ситэри, дьоҥҥо утары уунарга да кыбыстыыта суох буоларын мэктиэтэ. Бары үтүөнү, айымньылаах үлэни баҕарабыт! Салгыы үлэлиэххит диэн саарбахтаабаппыт!

Ыйытардаах буоллаххытына, хоруйдуохпут.

— Дьүүллүүр сүбэ

Марафон соруга - түмэт урбаанын уонна бу эйгэ биллэр урбаанньыттарын туһунан суолталаах ыстатыйалары суруйуу уонна тупсарыы. Марафон муус устар 27 күнүттэн бэс ыйын 14 күнүгэр дылы ыытыллар.

Түмэт урбаан — диэн түмэккэ (уопсастыбаҕа) туһалаах урбаан (предпринимательство), кини түмэт кыһалҕаларын быһаарар. Атын урбаантан уратыта: түмэти кытта үлэлээһин — сыал-сорук оҥостон түмэт боппуруостарын быһаарыы уонна түмэт сайдыытын хааччыйыы; харчыны киллэрии уонна тутааҕа хаҥнаабат буолар - ол курдук урбаантан харчы кииритиитэн түмэт проблемаларын быһаарыы; урбаан ньымата — түмэт урбаанньытын сыалы туруоран боппуоруостары быһаарыы, дьону түмэн араас саҥа үлэ ньыматын таһаарыы, түмэккэ уһун түмүгэр биһириир дьайыыны оҥоруу. — Бикипиэдьийэ

Тэрийээччилэр

1. «Викимедиа РУ» НП
2. «Биһиги кэскилбит» (Наше будущее) эрэгийиэннээҕи түмэт Пуондата

• 
• Билэ:Nashe buduschee.png

Быраабылата

1. Марафоҥҥа муус устар 27 күнүттэн UTC 00:00 саҕалаан бэс ыйын 14 күнүгэр дылы суруллубут ыстатыйалар ааҕыллаллар.
2. Сотуллубут ыстатыйа кыттыбат. Суруллубут ыстатыйа суһаллык уларытыллар эбэтэр сотуллар туруктаах буолуо суохтаах.
3. Кыттааччы бэйэтин ыстатыйатын аллара баар тиһиккэ киллэриэхтээх.
4. Биир ыстатыйа тиһиккэ биирдэ эрэ киириэхтээх.

5. Марафон биир номинациянан ыытыллар. Ыстатыйа икки арааһа бэлиэтэнэр:

Бастакыта: Арассыыйаттан атын дойдуларга үлэлиир түмэт урбаанньыттарын уонна тэрилтэлэрин туһунан ыстатыйалар, ону тэҥэ атын дойдуларга түмэт урбаанньыттарыгар түмэн көрүү ыстатыйалара.

Иккиһэ: Арассыыйаҕа сыһыаннаах түмэт урбаанньыттарыгар анаммыт ыстатыйалар, ону тэҥэ Арассыыйаҕа түмэт урбаанньыттарыгар түмэн көрүү ыстатыйалар.

7. Күрэскэ кыттар ыстатыйалар суолта киритиэрийэгэр хоруйдуур буолуохтаахтар.

8. Ханнык баҕарар күрэскэ кыттар ыстатыйа соторго ууруллуон сөп. Өскө сотор процедураны бара турар, ол эрэн сотулла илик буоллаҕына күрэскэ кыттар толору бырааптааҕынан ааҕыллар уонна дьүүллүүр сүбэ сыанатыгар ол дьайбат. Өскө түмүк таһаарар кэмҥэ хайыы-үйэ сотуллубут буоллаҕына дьүүллүүр сүбэ бу ыстатыйаҕа 0 баалы туруорар (кыһыл сигэлээх аата табылыыссаҕа хаалар).

Марафон кыттааччылара

Суруйан баран аллараа баар тиһик таблицаҕа кыттааччы аатын бэйэтэ киллэрэр. Манна суруллубут эрэ ыстатыйалар күрэххэ кытталлар

Кыттааччылар тиһиктэрэ

NB 1: Бары күрэстэһээччилэргэ: Атын күрэстэһээччилэри ытыктааҥ, fair play ирдэбиллэрин тутуһуҥ. Холобур, күрэскэ кыттар буоллаххытына эрдэ биллэриҥ. Ыстатыйаны бүтэһик күҥҥэ дуу чааска дуу табылыыссаҕа киллэрии омос эрэ көрүүгэ сүрдээх үчүгэй ньыма курдук көстөр, дьиҥэр бырайыакка наадата суох кыйаханыыны, күүркэтиини эрэ үөскэтэллэр. Элбэх ыстатыйаны саҕалаабакка эрэ бэйэ суруйуутугар хаһаана сатааһын эмиэ оччото суох быһыы-майгы, ыстатыйалары биирдиилээн утуу-субуу суруйуҥ. Кураанах ыстатыйалар эбэтэр отой кылгас ыстатыйа омоонноро көһүннэхтэринэ сотуллуохтара.

NB 2: Саҕалааччыларга: Дьүүллүүр сүбэ чилиэннэрэ, дьаһабыллар уонна атын уопуттаах кыттааччылар ыстатыйаҕытын табылыыссаҕа киллэрэргэ көмөлөһүөхтэрин сөп. Оннук көмөнү быһаччы көрдүөхтээххит (ханнык баҕарар аһаҕас да сабыылаах да ньыманан). Күрэс ыытылллар кэмигэр суруллубут, ол эрээри этиллибит болдьоххо табылыыссаҕа киирбэтэх ыстатыйалар күрэскэ кыттыбаттар.

Дьүүллүүр сүбэ

Дьүүллүүр сүбэҕэ бикипиэдьийэ 3 уопуттаах кыттааччыта киирэр, ол иһигэр сүбэ бэрэссэдээтэлэ.

• Кыттааччы:HalanTul - бэрэссэдээтэл
• Кыттааччы:Egerman
• Кыттааччы:TumatUola

Бириис

Бирииһи "Биһиги кэскилбит" ("Наше будущее") эрэгийиэннээҕи түмэт бырагыраамаларын Пуондата туруорда. Бириис пуондатын кээмэйэ Саха Бикипиэдьийэҕэ 40 тыһыынча солкуобай. Элбэх баалы ылбыт 3 бастакы кыттааччы кыайыылааҕынан ааҕыллар.

Икки кыттааччы тэҥ баалы ылар түгэнигэр кыайыылааҕынан иккис көрүҥнээх ыстатыйаны элбэхтик суруйбут кыттааччы ааҕыллар (сотуллубут ыстатыйалары ааҕвн туран). Ол да үрдүнэн тэҥ буоллахтарына, кыайыылааҕынан иккис көрүҥнээх ыстатыйаларга элбэх баалы ылбыт кыттааччы билиниллэр.

Атын тылынан суруллар Бикипиэдьийэлэр күрэскэ кыттыылара

Саха Бикипиэдьийэтиттэн ураты, күрэс маннык салааларга буолар:

• Нууччалыы бикипииэдьийэҕэ күрэс балаһыанньата
• Башкиирдыы бикипиэдьийэҕэ күрэс балаһыанньата
• Осетин тылынан бикипиэдьийэҕэ күрэс балаһыанньата

Дьүүллүүр сүбэ (3 киһи) 3 бириистээх миэстэни быһаарар:

1. Бастакы миэстэни ылбыт кыттааччы 20 000 солкуобайы ылар.
2. Иккис миэстэни ылбыт кыттааччы 12 000 солкуобайы ылар.
3. Үһүс миэстэни ылбыт кыттааччы 8 000 солкуобайы ылар.

Күрэс тиэмэтигэр литэрэтиирэ

Кинигэлэр

1. Борнштейн Д. Как изменить мир. Социальное предпринимательство и сила новых идей. Альпина Паблишер, 2012 г. 499c. ISBN 978-5-9614-1741-8
2. Зверева Н. И. Создание успешного социального предприятия. Альпина Паблишер, 2015 г. 155с. ISBN 978-5-9614-4897-9
3. Кикал Дж., Лайонс Т. Социальное предпринимательство. Миссия — сделать мир лучше. Альпина Паблишер 2014 г. 304с. ISBN 978-5-9614-4458-2
4. Московская А. А. Социальное предпринимательство в России и в мире. Практика и исследования. Высшая школа экономики 2011 г. 288с. ISBN 978-5-7598-0883-1

Сурунааллар:

• Журнал «Эксперт». Специальный выпуск «Социальный бизнес» от 23 июня 2014 г. (pdf)
• «Бизнес-журнал». «Социальное предпринимательство», специальный проект фонда «Наше будущее» в «Бизнес-журнале» за май 2014 г. (pdf, с. 50—61)

Сыһыаннаах ыстатыйалар

• Түмэт
• Түмэт урбаан

Дьүүллүүр сүбэ быһаарыыта

Дьүүллүүр Сүбэ 2015 с. бэс ыйын 29 күнүгэр мунньахтаан баран маннык быһаарыылары ылла:

• Күрэс түмүктэммит кэмин аан дойду кэминэн ааҕарга, ол аата Күрэскэ кыттыбытынан ааҕыллаллар UTC 2015 сыл бэс ыйын 14 күнүн 23 чааc 59 мүнүүтэтигэр диэри күрэскэ киирбит (бикипиэдьийэ сурунаалыгар, ыстатыйа устуоруйатыгар киирбит күнү-дьылы көрөн) ыстатыйалар.
• Күрэс түмүгүн таһаарарга, хас биирдии Күрэскэ кыттар ыстатыйаны биирдии баалынан сыаналыырга.
• Бириистээх миэстэҕэ тиксибит кыттааччылартан хайалара эрэ бириис ылартан батынар түбэлтэтигэр (ол эбэтэр 2015 с. от ыйын 3 күнүн Дьокуускай кэминэн 18.00 чааһыгар диэри күрэс тэрийээччилэрэ ирдиир дааннайдарын Дьүүллүүр сүбэҕэ тиксэрбэтэҕинэ), бириистээх миэстэни кини кэнниттэн буолбут кыттааччыга биэрэргэ (бу түгэҥҥэ, ол аннынан миэстэни ылбыт дьон Күрэс табылыыссатыгар эмиэ үөһэ сыҕарыйан биэрэллэр).
• Күрэс түмүгүн бигэргэтэр быһаарыыны 2015 с. от ыйын 3 күнүн Дьокуускай кэминэн 21.00 чааһыгар ылынарга.

Түмүк

Дьүүллүүр Сүбэ 2015 с. от ыйын 3 күнүгэр маннык быһаарыыны ылла:

• Тэрийээччилэр ирдэбиллэригэр хоруйдаабатах (2015 с. от ыйын 3 күнүн Дьокуускай кэминэн 18.00 чааһыгар диэри бэйэлэрин туһунан информацияны тэрийээччилэргэ уонна дьүүллүүр сүбэҕэ ыыппатах) кыттааччылары күрэс таһынан кыттыбытынан ааҕарга, суруйбут ыстатыйаларыгар баал туруоруллубат.
• Кыайыылаахтар: Бастакы миэстэ - Kuchaai, иккис миэстэ - Tumarca, үһүс миэстэ - Сур Бөрө.