Иһинээҕитигэр көс

Сэм Голдман

Бикипиэдьийэ диэн сиртэн ылыллыбыт
Сэм Голдман
Sam Goldman
Төрөөбүт аата:

Samuel Warrack Goldman

Дьарыга:

түмэт урбаанньыта уонна менеджер

Төрөөбүт күнэ:

1979

Төрөөбүт сирэ:

Спрингфилд (Массачусетс)

Дойдута:

 АХШ

Сэм Голдман (ааҥл. Sam Goldman, Samuel Warrack Goldman; төр. 1979 с., Спрингфилд, Массачусетс, АХШ) — Канада уонна Эмиэрикэ түмэт урбаанньыта уонна менеджер, Аан Дойду саамай дьадаҥы дьонун күн күүһүнэн хааччыйар соруктаах D.light Design (CEO, 2011) диэн хампаанньа тэрийээччитэ уонна салайааччыта; Neurio Technology Inc. (Канада) салайааччыларыттан биирдэстэрэ; өссө хас да хампаанньа уонна эргиэнэ суох тэрилтэ салайааччыта уонна сүбэһитэ[1][2][3][4][5][6].

Ванкувер куоракка (Канада) олорор[1].

Самуэль Голдман 1979 сыллаахха Спрингфилдка, Массачусетс ыстаакка, АХШга төрөөбүт[2]. Аҕата тыа хаһаайстыбатын экономиһынан Аан Дойду сайдыытын АХШ Агенствотыгар (USAID) үлэлээбит, ийэтэ — ийэлэр доруобуйаларынан дьарыктаммыт[2].

Кыра сылдьан Сэм Пакистаҥҥа, Перуга, Индияҕа уонна Арҕааҥҥы Африкаҕа олоро сылдьыбыт[2]. Өссө ол кэмҥэ айылҕаны харыстыыр туһунан санаалары өйүүр эбит[2].

Сэм Голдман Канадатааҕы Викторианскай университет биологияҕа уонна айылҕаны харыстабылга магистр таһымын ылбыт (1997—2001)[5][4].

Түөрт сыл (2001—2005) волонтёр быһыытынан Бениҥҥа (Африка) үлэлии сылдьан Эйэ Корпуһун кытары эргиэнэ суох GARPE-ONG диэн тэрилтэни тэрийбит уонна салайбыт[2]. Бу үлэлии сылдьан арыылаах моринга сэбирдэхтэриттэн балыаһаларга анаммыт аска эбиилэри оҥорор дойдуга бастакы собуоту туппут[4].

Сэм 2004 сыллаахха Бениҥҥа дьукааҕын оҕото кыраһыын лампаны тиэрэ тутан уокка сиэтэн өлө сыыспытын көрбүт[1][7]. Африкаҕа хас биирдии ыал светодиоднай лаампа баарын ааһан киһи олоҕор кутталлаах уотунан туттарыттан сүрдээхтик кэлэйбит[7].

Хотугу Эмиэрикэҕэ төннөн Стэнфорд университетыгар урбаан дизайныгар МВА курсугар үөрэххэ киирэр[1]. Үөрэнэ сылдьан Нед Тозуну кытта билсэр уонна киниэхэ дьадаҥы дойдуларга анаммыт сырдатар тэриллэри оҥоруон баҕарарын кэпсиир,[3].

2007 сыллаахха Сэм Голдман Нед Тозуну кытары D.light Design хампаанньаны тэрийэр уонна салайааччыларыттан биирдэстэрэ буолар (CCO)[8][9][10][4][11][12][3]. 2011 кулун тутарыгар хампаанньаны салайартан туораан стратегическай менеджмеҥҥа болҕомтотун уурар[4][13][11].

2010 сылтан Driptech, Inc. сүбэһитэ[4]

2013—2014 сылларга Kuli Kuli Inc. хампаанньаҕа сүбэһитинэн үлэлии сылдьыбыт[4]

Наҕараадалар уонна премиялар

[уларыт | биики-тиэкиһи уларытыы]

Голдман 2010 сыллаахха Давоска Аан Дойдутааҕы экономика форумугар Аан Дойду эдэр лидердарын ахсааныгар киирэр[6][1].

2011 сыллаахха Сэм Голдман Ашока Пуондатынан уонна Эйэ Корпуһун Sargent Shriver Award for Distinguished Humanitarian Assistance премиятынан бэлиэтэнэр[1][14].

2012 сыллаахха African Leadership Network Сэм Голдманы Next Generation Leader for Africa диэн ааттыыр[1].

2013 сыллаахха Forbes эппитинэн Сэм Голдман уонна Нед Тозун 30 саамай ааттаах түмэт урбаанньыттарын ахсааннарыгар киирэллэр[15][16].

2014 сыллаахха Шваб Пуондата Сэм Голдмаҥҥа[3], Донн Тайска[17] уонна Нед Тозуҥҥа[18]D.light Design хампаанньаҕа үлэлэрин иһин сыл саамай ордук түмэт урбаанньыта ааты иҥэрэр.

Ол сыл Голдман The Charles Bronfman Prize тиксэр[19][1].

  1. 1 2 3 4 5 6 7 8 Sam Goldman(ааҥл.). The Charles Bronfman Prize (2014). Тургутулунна 20 Ыам ыйын 2015.
  2. 1 2 3 4 5 6 Samuel Warrack Goldman(ааҥл.). Ашока (фонд). Тургутулунна 20 Ыам ыйын 2015.
  3. 1 2 3 4 Sam Goldmann(ааҥл.). Фонд социального предпринимательства Шваба (2014). Тургутулунна 20 Ыам ыйын 2015.
  4. 1 2 3 4 5 6 7 Executive Profile Sam Goldman. Bloomberg. Тургутулунна 20 Ыам ыйын 2015.
  5. 1 2 Sam Goldman(ааҥл.). Фонд Сколла. Тургутулунна 20 Ыам ыйын 2015.
  6. 1 2 Sam Goldman(ааҥл.). Всемирный экономический форум. Тургутулунна 20 Ыам ыйын 2015.
  7. 1 2 Екатерина Халецкая. "Солнечная" Индия(нууч.). Новый Бизнес (29 Ахсынньы 2012). Тургутулунна 20 Ыам ыйын 2015.
  8. ↑ Джилл Кикал, Томас Лайонс Голоса с полей / D.light // Социальное предпринимательство. Миссия - сделать мир лучше. — М: Альпина Паблишер, 2014. — С. 213-215. — 378 с. — ISBN 5961433579, 9785961433579 (по Ханс Тапария, 16 июня 2010 года)
  9. ↑ Rashmi Bansal I Have a Dream. — Westland, 2011. — 349 с. — ISBN 9380658389, 9789380658384
  10. ↑ Helen Coster. ow a Five Year-Old Startup Attracted GE's Attention-- Without Selling in the U.S.(ааҥл.). Forbes (Халыып:TranslateDate/en). Тургутулунна 20 Ыам ыйын 2015.
  11. 1 2 Company Overview of D.light Design(ааҥл.). Bloomberg. Тургутулунна 20 Ыам ыйын 2015.
  12. ↑ Александр Шенаев. Как заработать на бедняках и привлечь внимание General Electric(нууч.). e-xecutive.ru (12 Муус устар 2011). Тургутулунна 20 Ыам ыйын 2015.
  13. ↑ Executive Profile Donn Tice(ааҥл.). Bloomberg. Тургутулунна 20 Ыам ыйын 2015.
  14. ↑ Sam Goldman. An Open Letter from d.light Founders Sam Goldman and Ned Tozun(ааҥл.). D.light Design (Халыып:TranslateDate/en). Тургутулунна 20 Ыам ыйын 2015.
  15. ↑ Sam Goldman and Ned Tozun(ааҥл.). Forbes (2013). Тургутулунна 20 Ыам ыйын 2015.
  16. ↑ Sam Goldman and Ned Tozun(ааҥл.). Forbes (2013). Тургутулунна 20 Ыам ыйын 2015.
  17. ↑ Donn Tice(ааҥл.). Фонд социального предпринимательства Шваба (2014). Тургутулунна 20 Ыам ыйын 2015.
  18. ↑ Ned Tozun(ааҥл.). Фонд социального предпринимательства Шваба (2014). Тургутулунна 20 Ыам ыйын 2015.
  19. ↑ См.
Төрдө — «https://sah.wikipedia.org/w/index.php?title=Сэм_Голдман&oldid=318305»