B Lab
B Lab — кэммиэрсийэҕэ сыһыана суох тэрилтэ, Эмирикэ ХолбоһуктаахЫстааттарыгар Пенсильванияҕа Делавэр уокурукка баар.
2006 сыллаахха үс атастыылар - Джей Коен Гилберт[1][2], Барт Хоулахан уонна Эндрю Кэссой тэрийбиттэр[3]. B Lab хампаанньаларга аналлаах социаль уонна экология ирдэбиллэрин киритиэрийдэригэр сөп түбэһэр сэртипикээттэри оҥорбут (B Lab certification или B Corporation certification). Бу сэртипикээттэр көмөлөрүнэн, ону кытта бэйэтин эрийэтинин уонна аналитик матырыйаалларын туһанан, B Lab эконуомука саҥа сиэктэрин арыйбыт, үс ситимнэһэр бачыымнарынан системалыы уларыйыыны киллэрбит: Certified B Corporations туппут; инвестициялары социаль бырайыатар уонна тулалыыр эйгэни харыстааһын туһуларыгар тыырыыга сабыдыаллаабыт; социаль урбаанньыттааһын уонна инвестиция көмөтүнэн дьайыылар үрдүүллэригэр судаарыстыбаннай бырагырааммалары хамсаппыт[4][5][6].
B Lab дойду социаль уларыйыытыгар инновация кэммиэрчэскэй уонна кэммиэрчэскэйэ суох моделларын үлэлэтэр, ырыынак уһун кэмнээх хаппытаалын сайыннарар уонна бэйэтин сэртипикээттэрин сиэктэрин кэҥэтэр, корпорациялар устааптарын социаль эппиэтинэстээх буолууларын тупсарар, биизинэһи уонна социаль тэрилтэлэри холбуур. Сэртипикээттээһин ырыынагар B Lab Det Norske Veritas, Underwriters Laboratories уонна Technischer Überwachungsverein хатыһар. 2014 сыл сааһыгар 27 дойдуттан 60 араас экономуокука эйгэтин тыһыынча кэриҥэ хампаанньата B Lab сэртипикээтин ылбыт, өссө 16 тыһыынча хампаанньа бу тэрилтэ үнстүрүмүөннэринэн туһаммыт.
B Lab үлэтин саҥам саҕалыыр кэмигэр үгүс сакаасчыттар уонна инбиэстэрдэр өйөөбүттэр, ол — Рокфеллер пуондата, АХШ аан дойдутааҕы сайдыыга агеныстыбата, Deloitte, Prudential Financial уонна Halloran Philanthropies[7]. B Lab хампаанньалар саҥа көрүҥнэрин тэрийбит — B Corporation («B» диэн «барыыстаах»). Ити — юридиичэскэй бэлиэ уонна сэртипикээссийэ систиэмэтэ, хампаанньалары бэйэлэрин социаль өттүнэн эппиэтинэстээх туһанааччыларга уонна инбиэстэрдэргэ киллэрэр.
B Corporation статуһун уонна сэртипикээтин ыларга хампаанньа олохтуур дуогабарын менеджердар, акциялаахтар эрэ тустарыгар буолбакка, үлэһиттэр, тулалыыр уопсастыба интэриэстэрин көрөллөрүн курдук уларытыахтаах. Көннөрүүлэр урбаанньыттар тастан инбиэстэрдэри, үптэрин-баайдарын туһугар долгуйбакка, ылалларыгар кыах биэрэр[8][9].
2014 сыллаахха Сколл Пуондата B Lab -ы, аан дойду социаль тэрилтэлэрин куонкуруһугар тиһэх биэтэккэ тиийбитин иһин, наҕараадалаабыт[10].
Итини таһынан B Lab корпорациялар уонна сокуон туһунан иһитиннэрэ саайты дьаһайар[11].
Быһаарыылар
[уларыт | биики-тиэкиһи уларытыы]- ↑ Jay Coen Gilbert(ааҥл.). Skoll Foundation. Тургутулунна 11 Ыам ыйын 2015.
- ↑ Capitalist Monkey Wrench(ааҥл.). Forbes. Тургутулунна 11 Ыам ыйын 2015.
- ↑ Andrew Kassoy(ааҥл.). Skoll Foundation. Тургутулунна 11 Ыам ыйын 2015.
- ↑ The Non-Profit Behind B Corps(ааҥл.). B Lab. Тургутулунна 11 Ыам ыйын 2015.
- ↑ B Lab’s Bart Houlahan: Building More Socially Responsible Corporations(ааҥл.). Wharton School of the University of Pennsylvania. Тургутулунна 11 Ыам ыйын 2015.
- ↑ The “Benefit Corporation” Movement(ааҥл.). Massachusetts Institute of Technology. Тургутулунна 11 Ыам ыйын 2015.
- ↑ Corporate Responsibility Nonprofit, B Lab, Shows Strong Growth(ааҥл.). Forbes. Тургутулунна 11 Ыам ыйын 2015.
- ↑ A New Kind of Company: A "B" Corporation(ааҥл.). Inc.. Тургутулунна 11 Ыам ыйын 2015.
- ↑ B Corp and a Benefit Corporation are Not Created Equal(ааҥл.). Triple Pundit. Тургутулунна 11 Ыам ыйын 2015.
- ↑ 2014 Skoll Awardees(ааҥл.). Skoll Foundation. Тургутулунна 11 Ыам ыйын 2015.
- ↑ Benefit Corporation(ааҥл.). Тургутулунна 11 Ыам ыйын 2015.