Ацумаса Тотисако

Бикипиэдьийэ диэн сиртэн ылыллыбыт
Перейти к навигации Перейти к поиску
Ацумаса Тотисако
枋迫篤昌
Дьарыга:

финансист, менеджер уонна урбаанньыт

Төрөөбүт сыла:

1953(1953)

Төрөөбүт сирэ:

Ономичи

Ацумаса Тотисако (дьоп. 枋迫 篤昌?, төр. 1953 сыл, Ономичи, Хиросима, Дьоппуон сирэ) — дьоппуон төрүттээх Эмиэрикэ финансиста, менеджера уонна урбаанньыта, Micromanos Corp. уонна Microfinance International Corporation (MFIC; 2012-с сылга диэри) тэрийээччитэ уонна салайааччыта[1][2][3][4][5].

Олоҕо[уларыт | биики-тиэкиһи уларытыы]

Оҕо сааһа, эдэр сааһа, үөрэҕэ[уларыт | биики-тиэкиһи уларытыы]

Ацумаса Тотисако 1953 сыллаахха Хиросима префектуратыгар баар Ономичи диэн дьоппуон куоратыгар төрөөбүт[2]. Оҕо сааһа быстар дьадаҥытык ааспыт[3].

Эдэр сылдьан көтөр аалы ыытааччы буолуон баҕарар этэ, ол эрээри баҕа санаата туолар кыаҕа суох буолан бастакы түбэспит үлэҕэ киирбитэ (Токио Бааныгар)[3].

Ацумаса 1976 сыллаахха Киотоҕа (Дьоппуон сирэ) баар Досися Университетыгар (ааҥл. Doshisha University) Аан Дойду урбааныгар уонна эргиэнигэр бакалавр таһымын уонна Дьордь Вашиҥтон Университетын (АХШ) МВА таһымын ылар[2][4]. Ону таһынан кини Гуанахуато Университетыгар үөрэнэ сылдьыбыта (ааҥл. Universidad de Guanajuato; Мексика)[4].

Бааҥҥа үлэтэ[уларыт | биики-тиэкиһи уларытыы]

27 сыл устата Тотисако The Bank of Tokyo-Mitsubishi UFJ (эрдэ Токио Баана) диэн бааҥҥа үлэлии сылдьыбыта[5][4][3]. Ол иһинэн 12 сыл Латыын Эмиэрикэтигэр баар филиалларга (Мексикаҕа, Эквадорга, Перуга уонна Панамаҕа) араас дуоһунаска үлэлии сылдьыбыттаах[4][3][6].

27 саастааҕар Мексикаҕа үлэлии сылдьан дойду хайдах курдук дьадаҥытын көрөн кэлэйбит этэ[7][3][2]. Бу көрбүтэ кини инники сайдыытыгар күүскэ дьайыаҕа[7][3].

Ол кэмҥэ Ацумаса баан биэрэр араас үлэтин (дьоппуон улахан хампаанньаларын уларытыы да буоллун, валюта дьайыылара да буоллун) барытын бастакынан ылан көхтөөхтүк үлэлии сылдьыбыта[3][4].

Тотисако баан бас представителин дуоһунастаах бааҥҥа үлэтин бүтэрбитэ[4].

Түмэт урбаана[уларыт | биики-тиэкиһи уларытыы]

2003 сыллаахха Ацумаса Тотисако дьадаҥытыйыыны утары охсуһар баҕалаах баан үлэтин быраҕар. Ол сыл кини Microfinance International Corporation уонна Micromanos Corp. диэн тэрилтэлэри тэрийэр уонна салайааччылара буолар[4].

Microfinance International Corporation[уларыт | биики-тиэкиһи уларытыы]

Вашиҥтон куоракка баар Microfinance International Corporation (MFIC) тэрилтэ сүрүн соруга Латыын Эмиэрикэтиттэн үлэлии сылдьар кэлиилэргэ дойдуларыгар аҕыйах ороскуоттаахтык харчы ыытар кыаҕы биэрии буолбута[2][6][8][3][5]. Кэлин хампаанньа интириэстэрэ Европаҕа уонна Аасыйаҕа тарҕаммыттара[3].

Хампаанньа бааннары, харчы ыытар хампаанньалары, мобильнай ситим оператордарын, электроннай киоскалары уонна оператордары ситимниир ARIAS диэн бэйэтэ оҥорбут систематын тарҕатар буолбута[8][3].

Хампаанньа харчы ыытарын таһынан микрофинансовай тэрилтэлэргэ араас эбии көмө оҥорор буолбута: кредит кыаҕын сыаналааһын, дьыалалары оҥоруу, ипотеканы уонна да атын оҥоһуктары тэрийии[3][8].

2007 сыллаахха Тотисако Microfinance International Corporation хампаанньаҕа үлэтэ Ашока Пуондатынан бэлиэтэммитэ[3].

2008 сыллахха Nikkei диэн дьоппуон премиятын ылбыта[9].

2009 сыллаахха Тотисако АRIAS систематын Федеральнай резервнай бааны кытта ситимнээбитэ[6].

2009 сыл от ыйын 8 күнүгэр Newsweek диэн дьоппуон хаһыата Тотисаконы Microfinance International Corporation-ҥа үлэтин иһин «Аан Дойду ытыктабылын ылбыт 100 дьоппуон» ахсааныгар кииллэрбитэ[6].

Ацумаса Тотисако 2012 сыллаахха MFIC инники сайдыытын боппуруостарыгар менеджменты кытта биир санааҕа кэлбэккэ хампаанньаттан барар уонна иккис тэрилтэтигэр болҕомтотун уурар[1].

Micromanos Corp.[уларыт | биики-тиэкиһи уларытыы]

Роквиллга (Мэриленд) кииннээх Micromanos Corp. кэлиилэргэ үлэни биэриинэн дьарыктаммыта[3][10][5].

Холобур, хампаанньа гостиница бизнеһын, тутуу, атыы, аһыыр сир, бэчээт уо.д.а. дьыалалары сайыннарар[10].

Ону таһынан хампаанньа туоһу суруктаах медицина үлэһиттэрин бэлэмниир[10]

Хампаанньа үлэни биэрии өттүнэн аутсорсинговай көмө оҥорор: үлэҕэ ылыыны, хонтуруолу, хамнаһы биэриини уонна налогу төлөөһүнү тэрийэр; үлэһиттэри үөрэтии уо.д.а.[10]

Ацумаса Тотисако 2012 сыллаахха MFICттан барбытын кэннэ бизнеһын сороҕун Micromanos-ка көһөрөр, холобур: харчыны ыытыы, чектары харчыга көһөрүү, кредит остуоруйатын сыаналааһын уо.д.а[1][10]

Micromanos Corp. үлэтэ ситиһиилээх түмэт урбаанын быһыытынан Шваб Пуондатынан бэлиэтэммитэ[5].

Эбии[уларыт | биики-тиэкиһи уларытыы]

Ацумаса Тотисако дьоппуонну, английскайдыы уонна испанскайдыы холкутук саҥарар[4].

Быһаарыылар[уларыт | биики-тиэкиһи уларытыы]

  1. 1,0 1,1 1,2 Daniel Isenberg Myth #3 Entepreneurs Must Be Young // Worthless, Impossible and Stupid: How Contrarian Entrepreneurs Create and Capture Extraordinary Value. — Harvard Business Press, 2013. — 256 с. — P. 42-51. — 256 p. — ISBN 1422186997, 9781422186992
  2. 2,0 2,1 2,2 2,3 2,4 Microfinance International. Atsumasa Tochisako. (en). Social Entrepreneurship Program of Tokyo Institute of Technology. Tokyo Institute of Technology (2010). Тургутулунна 19 Ыам ыйын 2015.
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 ATSUMASA TOCHISAKO (en). Ашока (фонд). Тургутулунна 19 Ыам ыйын 2015.
  4. 4,0 4,1 4,2 4,3 4,4 4,5 4,6 4,7 4,8 Executive Profile Atsumasa Tochisako (en). Bloomberg. Тургутулунна 19 Ыам ыйын 2015.
  5. 5,0 5,1 5,2 5,3 5,4 Atsumasa Tochisako (en). Фонд Шваба. Тургутулунна 19 Ыам ыйын 2015.
  6. 6,0 6,1 6,2 6,3 Tetsuya Nakano. An ex-Japanese banker's way of doing business with the FRB The second stage of MFIC's 'remittance revolution' (en). Japan Business Press (Халыып:TranslateDate/en). Тургутулунна 19 Ыам ыйын 2015.
  7. 7,0 7,1 治部 れんげ. ノーベル平和賞で話題のマイクロファイナンス 東京銀行出身者が米国で活躍 「支援ではなくビジネスとして成功すれば普及する」 (ja). Nikkei (1 Сэтинньи 2006). Тургутулунна 19 Ыам ыйын 2015.
  8. 8,0 8,1 8,2 Company Overview of Microfinance International Corporation (en). Bloomberg. Тургутулунна 19 Ыам ыйын 2015.
  9. Seventh Japan Innovators Award – the Grand Prize Goes to Mr. Atsumasa Tochisako for His Microfinance (en). NikkeiBP. Тургутулунна 19 Ыам ыйын 2015.
  10. 10,0 10,1 10,2 10,3 10,4 Company Overview of Micromanos Corp. (en). Bloomberg. Тургутулунна 19 Ыам ыйын 2015.

Сигэлэр[уларыт | биики-тиэкиһи уларытыы]