Йунус Киинэ

Бикипиэдьийэ диэн сиртэн ылыллыбыт
Перейти к навигации Перейти к поиску
Йунус Киинигэр баар Grameen Bank киинэ

Йунус Киинэ (Yunus Centre) — Дакка куоракка (Бангладеш) баар аналитик киин. Дьадаҥытыйыы таһымын кыччатарга анаммыт түмэт урбааныгар сыһыаннаах киини 2006 сыллаахха Нобель Эйэ премиятын лауреата Мухаммад Йунус тэрийбитэ. Киин салайааччыта Ламия Моршед[1][2][3].

Остуоруйата[уларыт | биики-тиэкиһи уларытыы]

2006 сыллаахха Мухаммад Йунус уонна кини Grameen Bank Нобель Эйэ премиятын ыланнар профессор офиһын тэрийэллэр («Йунус Секретариата»). Бу Офис Йунус бизнес-философиятын уонна санаатын тарҕатар уонна түмэт урбаанынан дьарыктаныан баҕалаахтарга көмө оҥорор. 2008 сыл от ыйыгар «Йунус Секретариата» Йунус Киинигэр кубулуйбута[1]. 2009 сыл тохсунньутугар Йунус Киинэ уонна ниэмэс CR хампаанньата Grameen Creative Lab-ы тэрийэллэр[4].

Сыаллар-соруктар уонна бырайыактар[уларыт | биики-тиэкиһи уларытыы]

Йунус Киинэ саҥа түмэт бырайыактарын сайыннарар, саҥа түмэт стартаптарга көмөлөһөр, түмэт урбааныгар сыһыаннаах биир санаалаах дьону булар уонна түмэр. Ону таһынан Киин үс ыйга түмэт урбааныгар саҥа арыйыылар туһунан билгэ-бюллетень таһаарар, дьадаҥы дьоҥҥо анаммыт чэпчики сыаналаах, ол эрээри үрдүк таһымнаахтык оҥоһуллубут оҥоһуктары тарҕатар. Йунус Киинин уонна Grameen Healthcare Trust өйөбүлүнэн Бангладеш түмэт урбааныгар BASF, Danone[5][6][7][8], Intel[9] уонна Veolia[10]курдук улахан хампаанньалар харчынан көмөлөһөллөр.

2009 сыллаахха Йунус Киинэ уонна Grameen Creative Lab Түмэт урбаанын Глобальнай Саммитын тэрийбиттэрэ. 2014 сыллаахха Йунус Киинэ «Саҥа урбаан бырайыагын» нөҥүө 385 араас бырайыагы үбүлүүр.

Йунус Киинэ Гарвард университетын, Боккони университетын, Флоренция университетын, Макгилл университетын, Каледония университетын, Салфорд университетын (Улахан Манчестер) уонна Аасыйа технология институтын (Патхумтхани) кытары түмэт урбааныгар үөрэтии пособияларын оҥорор.

Быһаарыылар[уларыт | биики-тиэкиһи уларытыы]

  1. 1,0 1,1 The Yunus Centre (en). To Catch A Dollar: Muhammad Yunus Banks on America. Тургутулунна 28 Муус устар 2015.
  2. About Us (en). YunusCentre. Тургутулунна 28 Муус устар 2015.
  3. Интервью - Мухаммад Юнус, лауреат Нобелевской премии мира. Ведомости. Тургутулунна 28 Муус устар 2015.
  4. History of The Grameen Creative Lab (en). Grameen Creative Lab. Тургутулунна 28 Муус устар 2015.
  5. Social Business - a new business idea from Bangladesh (en). German Embassy Dhaka. Тургутулунна 28 Муус устар 2015.
  6. BASF invests in Social Business in Bangladesh (en). German Embassy Dhaka. Тургутулунна 28 Муус устар 2015.
  7. BASF Grameen (en). YunusCentre. Тургутулунна 28 Муус устар 2015.
  8. Grameen Danone (en). YunusCentre. Тургутулунна 28 Муус устар 2015.
  9. Grameen Intel (en). YunusCentre. Тургутулунна 28 Муус устар 2015.
  10. Grameen Veolia (en). YunusCentre. Тургутулунна 28 Муус устар 2015.

Сигэлэр[уларыт | биики-тиэкиһи уларытыы]