Династия (пуонда)

Династия Пуонда («Династия» коммерцията суох программалар пуондата, «Династия» пуонда, Дмитрий Зимин «Династия» пуондата) — Зимин Дмитрий Борисович Россиятааҕа фундаментальнай науканы өйүүр Рассыыйаҕа бастакы коммерцията суох дьиэ кэргэн түмэт инвестицияларын пуондата.

Ыам ыйын 2015 Россиятааҕы Юстиция министиэристибэтэ «Династия» пуонданы иностраннай агеннар ахсааннарыгар киллэрбит. Онтон сылтаан пуонда тэрийээччитэ Дмитрий Зимин пуонданы үбүлүүрүн тохтоторун уонна пуонданы сабарын туһунан тыл эппит. Бэс ыйыгар сүбэ мунньах кэнниттэн пуонда үлэтэ сыл бүтүөр дылы үлэлиирин туһунан биллэрбит.

Пуонда структурата

2009, Кулун тутар 31 күнүттэн Пуонда сэбиэтин салайааччытынан Александр Изосимов талыллыбыт. Кини Дмитрий Зимини солбуйбут. 2010 муус устар 21 күнүгэр Пуонда сэбиэтин салайааччытынан Сергей Гуриев талыллыбыт.

Пуонда ситэриилээх директора Анна Пиотровская . Совет Фонда.

Пуонда Сэбиэтэ:

• Сергей Гуриев, «Высшая Школа экономики» ректора, «Династия» Пуонда Сэбиэтин салайааччыта.
• Рубен Варданян, «Сбербанк» ААУо председателин сүбэһитэ, биллэр финансист, банкир.
• Дмитрий Зимин, «Вымпелком» («Билайн») ААУо бочуоттаах президена, «Династия» пуонда төрүттээччитэ.
• Борис Зимин, «БМТ Менеджмент Лимитед» инвестиционнай хампаанньа директора.
• Александр Изосимов, «Вымпелком» («Билайн») ААУо урукку президена, председатель Совета фонда «Династия».
• Сергей Петров, Государственнай Дума депутата, «Рольф» компания төрүттээччитэ.
• Борис Салтыков, «Российский дом международного научно-технического сотрудничества» ассоциация президенэ.
• Евгений Ясин, «Высшая школа экономики» национальнай чинчийэр университет наукатын салайааччыта, «Либеральная миссия» пуонда президена.
• Берни Сачер, «Атон» банк стратегическай сайдыытын тутулуга суох директора.
• Валерий Рубаков, РАН академига, профессор, «Институт ядерных исследований РАН» тутаах научнай үлэһитэ, «Династия» пуонда Учуонай сэбиэтин салайааччыта.
• Сергей Филонович, «Высшая школа экономики» декана, профессор.
• Марк Шмулевич, Acronis компания стратегия уонна операционнай үлэтин директора.

Үбүлүүр программалара

• Науканы уонна үөрэхтээһини өйөөһүн. Манна бастатан туран физик-теоретиктары (студеннартан саҕалаан наука доктордарыгар тиийэ), эдэр математиктары уонна биологтары уонна үрдүк дьоҕурдаах оскуола оҕолорун өйөөһүн. Өссө оскуола физика, математика, химия, биология учууталларын өйөөһүн. Сорох программалара Россия экономистарын бэлэмниир хайысханан үлэлиир. Пуонд өйөөһүнүнэн Россияҕа бастакы кырдьыы молекулярнай ис тутулугун чинчийэр лаборатория арыллыбыта. 2008 сылтан Россияҕа кылгас кэмҥэ омук дойду учуонайдара кэлэн сылдьар программалата үлэлиир, 2010 эдэр учуонайдар аан дойдутааҕы кылгас кэмнээх тэрээһиннэргэ кыттар программата үлэлиир.

• Наука киэҥник тарҕатыы. Фундаментальнай наука туһунан «Элементы» сайт пуонда үлэтин биир сүрүн хайысхата. Ону таһынан: «Династия» пуонда библиотеката, аан дойдуга биллэр учуонайдар аһаҕас лекциялара, «Научный музей в XXI веке» күрэс, научнай кафелар.

• Общественнай наукалар туһунан сырдатыы. Программалар уонна проектар сүрүн үлэтинэн — дьоҥҥо гражданскай общество туһунан киэҥник тарҕатыы уонна сырдатыы буолар. Экономика уонна түмэт сфератыгар уларыйыылара дьон олоҕор-дьаһаҕар хайдах дьайарын туһунан.

• Араас аналлаах проектар культураны да, түмэт проблемаларын быһаарыытынан да сибээстээх проектар. «Династия» пуонда сүрүн хайысхатын кытта сөп түбэспэт ол гынан баран кини суолтатыгар сөп түбэһэр сорох уникальнай проектары өйүүр. Онтон биирдэстэрэ «Московское время» — диэн культуураны сырдатар проект.