Дьиэҕэ айан (уулусса хаһыата)

Бикипиэдьийэ диэн сиртэн ылыллыбыт
Перейти к навигации Перейти к поиску

Дьиэҕэ айан (2003 сылга диэри — «Түгэххэ») — 1994 сылтан тахсар Санкт-Петербургтааҕы уулусса хаһыата; 2003 сылтан саҕалаан ыйга иккитэ тахсар сурунаал[1]; 2008 сылтан төттөрү хаһыат буолбута[2].

Хаһыат сүрүн соруктара дьиэтэ суох дьоҥҥо сокуонунан харчы өлөрөргө кыах биэрии уонна дьон хаамаайыларга сыһыанын уларытыы[1].

Редактор — Аркадий Тюрин[2].

Бизнес-модель[уларыт | биики-тиэкиһи уларытыы]

Бизнес модель уулусса хаһыаттарын принциптарыгар олоҕурар[1]:

  • Тарҕатааччы дьиэтэ суох киһи буолуохтаах.
  • Тарҕатааччы хаһыаты сыанатын аҥарынан атыылаһар уонна толору сыанатынан атыылыыр.
  • Тарҕатааччы хаһыат сыанатын талбытынан уларытыа суохтаах.
  • Тарҕатааччы атыы уонна атыылаһааччыны кытта кэпсэтии сиэрин тутуһуохтаах.

Остуоруйата[уларыт | биики-тиэкиһи уларытыы]

А3 форматтаах «Түгэххэ» диэн хаһыаты[2]1993 сыллаахха Санкт-Петербургтааҕы «Ночлежка» диэн көмө пуондата тэрийбитэ уонна 1994 сыл балаҕан ыйын 5 к. бастакы нүөмэрин таһаарбыта[1][2][3].

Сорох дьон санаатынан хаһыат аата XX үйэ саҕаланыытыгар Москваҕа тахса сылдьыбыт П. Максимов хаһыатыгар таайтарар[1].

Сүрүннээн бу хаһыат куорат түбэлтэлэрин, публицистика, аныгы кэм искусствотын, ырыатын, киинэтин, Санкт-Петербург уонна Москва афишаларын туһунан этэ[1]. «Түгэххэ» хаһыакка дьиэтэ суох дьон суруйбут кэпсээннэрэ уонна хоһоонноро тахсаллара[1][4].

Хаһыаты оҥорор суруналыыстар, литератордар, ырытааччылар — Лариса Петрова, Андрей Кудряшов, Дмитрий Пиликин, Олег Юрченко, Нина Захарова, Алексей Варсопко, Анна Комарец, Евгений Майзель, Александр Покровский, Владимир Нахимов, Эмилия Кундышева уонна да атыттар, хаартыскаҕа түһэрээччилэр — Андрей Чежин, Игорь Лебедев, Андрей (Вилли) Усов, Дмитрий Виленский уо.д.а., уруһуйдьут — Александр Менус[1]. Марина Дмитриева редактор этэ, таһаарааччы — Валерий Соколов[1][3].

Хаһыат араас бырайыактарга «АХЕ» тайаатыр бөлөҕүн, «Галерея-21» уонна «Борей» көрүлтэлэри (галереялары), «Пушкинская 10» култуура киинин уонна «Кибер-феминклубу» кытта тэҥҥэ үлэлээбиттэрэ[1].

1995 сыллаахха хаһыат Аан Дойдутааҕы уулуусса хаһыаттарын ситимин чилиэнэ буолбута (ааҥл. The International Network of Street Papers, ааҥл. INSP)[1].

1999 сыллаах туругунан хаһыат ньочооттоох этэ, оросхуоттары атын бырайыактар сабаллара[3]. Биир нүөмэри бэчээттииргэ 12 500 доллар наада этэ[3]. Төһө да суруйааччылар төлөбүрэ суох үлэлээтиллэр, бу хаһыакка үлэлиир моднай этэ[3].

2000—2001 сылларга хаһыат тирааһа 23-25 тыһынча экземпляр этэ[1].

2000 сыллаахха хаһыат иһинэн дьиэтэ суох дьоҥҥо анаммыт арт-студия тэриллибитэ[5].

2003 сыллаахха ыам ыйын 27 к. идэлээх маркетологтары кытта сүбэ кэнниттэн «Түгэххэ» хаһыат сиэп форматтаах «Дьиэҕэ айан» сурунаалга кубулуйар[2][1].

2004 сыллаахха «Ночлежка» көмө пуондатын салайааччыта Валерий Соколов эбии хаһыат түөрт нүөмэрин таһаарар; уопсайа «Түгэххэ» диэн ааттаах хаһыат 168 нүөмэрдээх буолар[1].

2003 сылтан саҕалаан «Дьиэҕэ айан» сурунаал үлэһиттэрэ дьиэтэ суох дьоҥҥо футболга чемпионаттары тэрийэллэр[2].

2003—2004 сылларга, редактор Аркадий Тюрин этэринэн, сурунаал тирааһа аччыыр, ол гынан баран 2007 сыллаахха  «үчүгэй таһымҥа тахсаллар: куорат иһинэн 5 тыһынча экземпляр»[6].

2004 сыллаахха арт-студия үлэлэрин бастакы көрүлтэтэ (выставката) буолар[2].

2008 сыллаахха ыам ыйын 27 күнүгэр сурунаал төттөрү хыһыат буолар[2]. Ол кэмҥэ тахсар 5 000 экземпляры 12 куруутун үлэлиир тарҕатааччы атыылыыра[2].

Быһаарыылар[уларыт | биики-тиэкиһи уларытыы]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 П. В. Беспрозванная. НА ДНЕ (ru). Фонд имени Д. С. Лихачёва (Халыып:TranslateDate/ru). Тургутулунна 6 Ыам ыйын 2015.
  2. 2,0 2,1 2,2 2,3 2,4 2,5 2,6 2,7 2,8 Дарья Осина. Такой трудный путь домой. Как газета помогает бездомным (ru). Новый Бизнес (Халыып:TranslateDate/ru). Тургутулунна 6 Ыам ыйын 2015.
  3. 3,0 3,1 3,2 3,3 3,4 Валерий Панюшкин. Бомж — это звучит гордо (ru). Коммерсант (Халыып:TranslateDate/ru). Тургутулунна 6 Ыам ыйын 2015.
  4. Michael Denisov, St. Petersburg. hinzundkunzt.de (4 Олунньу 2014). Тургутулунна 6 Ыам ыйын 2015.
  5. Леонид ВИНОГРАДОВ. Рисунки петербургских бездомных – помощь бездомным московским (ru). Милосердие.ru. Тургутулунна 6 Ыам ыйын 2015.
  6. См.

Сигэлэр[уларыт | биики-тиэкиһи уларытыы]