Махтал!

Бикипиэдьийэ диэн сиртэн ылыллыбыт
Перейти к навигации Перейти к поиску

«Махтал!» — Арассыыйаҕа бастакы үтүөнү оҥорор маҕаһыын[1][2], 2010 сыллаахха тэриллибитэ. Билигин 4 маҕаһыыннаах уонна таҥаска, атах таҕаһыгар, кинигэлэргэ уо.д.а. аналлаах 20 кэнтейнердаах атыы ситимэ. Маҕаһыын түмэт урбаан бириинсиптэрин тутуһарын туһунан биллэрэр.

Үлэтэ[уларыт | биики-тиэкиһи уларытыы]

2010 сыллаахха Санкт-Петербурга аһыллыбыт «Махтал!» маҕаһыын - Арассыыйаҕа бастакы үтүөнү оҥорор маҕаһыын буолар. Маҕаһыын хас да Арассыыйа үтүөнү оҥорор тэрилтэлэрин кытта үлэлэһэр. Маҕаһыын үлэлиир схематынан бэриллибит малтан 90 % үтүөнү оҥорор тэрилтэлэргэ барар эбэтэр босхо нэһилиэнньэ кыһалҕалаах дьонугар (кыра дохуоттаах дьиэ кэргэннэргэ, биэнсийэлээхтэргэ, кыаҕа суох дьоҥҥо уо.д.а.) түҥэтиллэр. Табаар атын 10 % атыыга барар[1][3]. Туһанарга сөбө суох таҥас хаттаан оҥоһууга ыытыллар. Атыыттан киирбит харчы административнай ороскуоттарга туһаныллар, ыраас дохуот быһа үтүөнү оҥорор тэрилтэлэргэ аһардыллар. Итини кытта маҕаһыын үтүөнү оҥорор тэрилтэлэр араас сувенирдарын атыылыыр, атыыттан киирбит харчы ол тэрилтэлэр бырайыактарыгар барар.

2014 сылтан Санкт-Петербурга маҕаһыын дьон биэрэр таҥастарын, атах таҥастарын, кинигэлэри о.д.а. хомуйарга аналлаах контейнердары туруорбута. 2015 сыл кулун тутарга куоракка оннук 20 контейнер туруоруллбут[4].

Көмөтө[уларыт | биики-тиэкиһи уларытыы]

Үлэтин бастакы сылыгар, Санкт-Петербурга биир эрэ «Махтал!» маҕаһыын баар эрдэҕинэ, маҕаһыын салайааччылара, бэйэлэрэ этэллэринэн, үбү аһардарга сүрэх бобуллуута ыарыылаах оҕолорго көмөлөһөр «Детские сердца» пуонданы уонна «Ночлежканы» талбыттар[5][2].

2015 сыл ыам ыйыгар «Махтал!» маҕаһыыннара үтүөнү оҥоруу соруктаах 3 765 255 солкуобайы хомуйбут[4].

Итини таһынан хас биирдии маҕаһыыҥҥа Ночлежка (тэрилтэ) харчы хомуйар иһиттэрэ туруоруллубуттара, ол иһиттэргэ дьон дьиэтэ суох дьоҥҥо анаан аһылыкка харчы сиэртибэлииллэр. 2015 сыл ыам ыйын 5 күнүнэн «Ночлежкаҕа» 86 225 солкуобайы хомуйан биэрбиттэр[4].

Быһаарыылар[уларыт | биики-тиэкиһи уларытыы]

  1. 1,0 1,1 Александра Вакар, Ольга Павлова. Купить добро: 10 лучших благотворительных магазинов России. Forbes (31 июля 2014). Тургутулунна 4 Ыам ыйын 2015.
  2. 2,0 2,1 Наталья Матюкова. Благотворительному магазину "Спасибо" исполнился год. Деловой Петербург (17 мая 2011). Тургутулунна 5 Ыам ыйын 2015.
  3. Наталья Белая. «Спасибо!» выживает и плодится (14 декабря 2011). Тургутулунна 5 Ыам ыйын 2015.
  4. 4,0 4,1 4,2 О благотворительном магазине «Спасибо!». Благотворительный магазин «Спасибо!». Тургутулунна 5 Ыам ыйын 2015.
  5. Елизавета Киктенко. Продай за «спасибо». Филантроп (24 сентября 2010). Тургутулунна 5 Ыам ыйын 2015.