Николай Владимирович Кобляков

Бикипиэдьийэ диэн сиртэн ылыллыбыт
Николай Владимирович Кобляков
Дьарыга:

урбаанньыт, быраабы көмүскээччи

Төрөөбүт күнэ:

1973 олунньу 26 к. (42 саастаах)

Төрөөбүт сирэ:

Уфа, СССР СССР

Дойдута:

Россия Россия, Франция Франция

Николай Владимирович Кобляков (төр. 1973 сыл олуннььу 26 к. Өфө куоракка, ССРС) — ньуучча урбаанньыта, Senior Group диэн Ньуучча сиригэр саамай улахан кырдьаҕастар дьиэлэрин тэрийээччитэ[1]. Russie-Libertes (нууч. Свободная Россия) диэн Франциятааҕы быраабы көмүскээччилэр ассоциацияларын активиһа. Аан Дойду үрдүнэн розыска сылдьар.

Олоҕо[уларыт | биики-тиэкиһи уларытыы]

Николай Кобляков 1973 сыл олунньу 26 күнүгэр Өфөҕө төрөөбүт. М.В. Ломоносов аатынан МГУ физическай уонна юридическай факультеттарын уонна Лондоннааҕы политика уонна экономика оскуолаларын бүтэрбит.

1995 сылтан 2001 сылга диэри Кобляков "Коббольд" диэн аудио- уонна видеооҥоһуктары атыылыыр тэрилтэ тойоно буола сылдьыбыта. Ону таһынан 1995 сыллаахха "Узел Развлечений" диэн дистрибьюторскай хампаанньаны тэрийсибитэ. 2003 сыллаахха Парижка Librairie du Globe историческай кинигэ маҕаһыынын атыылаһан ылбыт. 2007 сыллаахха StankoFrance диэн урукку сэбиэскэй "Станкоимпорт" диэн хампаанньа иһинэн киирэ сылдьыбыт тэрилтэни атыылаһан ылар. Ол сыл Group Almage диэн Франция тэрилтэтин көмөтүнэн Senior Group диэн кырдьаҕастар дьиэлэрин тэрийэр хампаанньаны аһар. Ону таһынан Кобляков Moninot диэн кырдьаҕастар дьиэлэрин 49 % бас билэр.

2010 сыллаахха төрөөбүт күнүгэр Москватааҕы дьиэтин бэрэбиэркэлииллэр[2], онтон Кобляков бэйэтэ Следственнай комитекка ыҥырыллар[3]. 2010 сыл от ыйыгар Кобляков Россияттан Киевка, онтон Францияҕа куотар уонна онно гражданство ылар. Ол кэннэ кинини заочно туталлар уонна Аан Дойдутааҕы розыска биэрэллэр, улахан албыннааһыҥҥа буруйдаан уголовнай дьыала тэрийэллэр. 2010 сыл алтынньы 14 к. Горки куоракка түмэт үөрэтээччилэрин уонна үлэһиттэрин мунньаҕар Дмитрий Медведев ыҥырар. 2011 сыллаахха Кобляков Senior Group бэйэтин аҥарын атыылыыр уонна Прибалтикаҕа элитнай кырдьаҕастар дьиэлэрин тутуунан дьарыктанар. Парижка Кобляков Russie-Libertes диэн быраабы көмүскүүр түмсүүнү тэрийэр (Николай бэйэтэ этэринэн, тэрийээччи буолбатах[4]). Бу түмсүү 2011 сылтан Парижка Россияҕа быраабы уонна көҥүлү көмүскүүр хас да протестнай акция тэрийэр (Pussy Riot көмүскэһии уо.д.а.)[5].

Уголовнай дьыала[уларыт | биики-тиэкиһи уларытыы]

Кобляков Францияҕа барбытын кэннэ СКР этиитинэн заочно тутуллар уонна Аан Дойдутааҕы розыска киирэр. Урбаанньыты утары ч. 4 ст. 159 УК РФ (улахан албыннааһын) тутуллар.

Следственнай комитет этэринэн 2004-2005 сс. Николай Кобляков Сагадат Хабировка тас дойдутааҕы активтары таһаарарга көмөлөспүт. Следствие этэринэн, Кобляков уонна Хабиров урукку салайааччыны Михаил Егорову устан бэйэлэрин киһилэрин Франсуа Деверы олоппуттар үһү. Онтон француз адвокаттара сымыйанан €1,5 млн иэс оҥорон филиал малын Голландия хампаанньатыгар атыылыыр кыах биэрбиттэр. Бу курдук албыҥҥа албынчыктар €5,5 млн ылыахтарын сөп этилэр.

«Станкоимпорт» филиалын халааһынын туһунан дьыала Франциятааҕы активтар сүппүттэрэ биллибитин кэннэ 2007 сыллаахха саҕаламмыта. Следствие сабаҕалааһынынан бу курдук "Станкоимпорт" филиаллара өссө 19 дойдуга халаммыт буолуохтарын сөптөр, ол иһигэр Бельгияҕа, Германияҕа, Канадаҕа, Мексикаҕа, АХШга уонна Финляндияҕа. Бастатан туран Татьяна Найденованы уонна Владимир Полютову буруйдаабыттара. кинилэргэ ч. 3 ст. 286 УК РФ (былаастарын аһары туттуу) сыһыарбыттара. 2012 сыллаахха Мосгорсуд присяжнайдара Найдёнованы уонна Полютову буруйдаахтарынан билиммиттэрэ. Дьүүл Татьяну Найдёнованы 3 сылга хаайыыга укпута уонна 2,5 млрд тахса солк төнүннэрэргэ уураахтаабыта. Владимир Полютов бэйэтигэр тиинэн өлбүтэ. Сагадата Хабиров биллибэккэ Израильга өлбүтүн кэннэ дьыала сабыллыбыта.

2014 сыл от ыйын 29 к. София аэропордугар Кобляков тутуллубута РФ Болгарияҕа Коблякову Ньуучча сиригэр ыытарга сурук ыыппыта[7]. Атырдьах ыйын 1 к. София дьүүлэ Коблякову босхо ыытар. Дьүүл бастатан туран Кобляков Франция гражданина буоларын, эрдэ сууттана илигин уонна бэйэтэ бизнестааҕын көрбүтэ[7]. Алтынньы 21 күнүгэр София дьүүлэ Коблякову Россияҕа ыытарга аккаастаабыта. 

Кобляков санаатынан уголовнай дьыала политиканы кытта уонна бастатан туран Russie-Libertes үлэтин кытта ситимнээх.

Быһаарыылар[уларыт | биики-тиэкиһи уларытыы]