Иһинээҕитигэр көс

Newman's Own

Бикипиэдьийэ диэн сиртэн ылыллыбыт

Newman's Own — бородуукта хампаанньата, актер Пол Ньюман уонна ааптар А. Хочнер 1982 сыллаахха тэрийбиттэрэ. Хампаанньа дохуотун 100%, атыыттан нолуоктарын төлөөбүтүн кэннэ, бэйэтин пуондатыгар аһарар, пуондата харчыны араас үөрэх уонна үтүөнү оҥорор тэрилтэлэргэ ыытар[1].

«Newman's Own» бородуукта хампаанньатын үлэтэ Ньюман салаакка ураты соус оҥорон доҕотторун уонна ыаллыы олорор дьону күндүлээбититтэн кэннэ саҕаламмыт[2]. Бородууктата табыллан, Ньюман салаат соуһун оҥорон таһаарар бэйэтин хампаанньатын тэринэргэ санаммыт[3].

Ньюман хампаанньатын 1982 сыллаахха арыйбыт, уонтан тахса араас бородууктаны оҥорон таһаарбыт: тоҥоруллубут пицца, попкорн, сальса, йуогуртар, арыгыта суох утахтар[4]. Бородууктатын хас биирдии этикиэккэтигэр араас көстүүмү кэппит Ньюман хаартыската баар.

1993 сыллаахха Ньюман кыыһа Нелл Ньюман хампаанньа алын салаатын «Newman's Own Organics» тэрийбитэ, 2001 сыллаахха туспа хампаанньа буолбута, дьиҥнээх бородуукталары эрэ оҥорон таһаарар: сакалаат, бичиэнньэ, туустаах кириэндэл уонна сүөһү аһылыга. Аҕата кыыһын кытта этикиэккэлэргэ анаан хаартыскаҕа түспүтэ[5].

2005 сыллаахха Ньюман кэммиэрсийэтэ суох «Newman's Own Foundation» пуонданы тэрийбитэ. 2014 сыллаахха пуонда 700 тэрилтэҕэ 30 мөл. дуолларынан көмөлөспүт. Ньюман пуондатын саайтынан, 1982-2014 сылларга пуонда үтүөнү оҥорууга 400 мөлүйүөн дуоллары босхо биэрбит[6].

«Newman's Own» хампаанньа Ньюман тэрийбит Hole in the Wall курдук олохторугар кутталы үөскэтэр ыарыылаах оҕолор лааҕырдарыгар дохуоттарын сүрүн төрүтэ буолар.

Быһаарыылар

[уларыт | биики-тиэкиһи уларытыы]
  1. ↑ Mike Allen (18 November 1998). "Making His Own Charity an Acquired Taste". New York Times. http://query.nytimes.com/gst/fullpage.html?res=9C07E6D71131F93BA25752C1A96E958260&sec=&spon=&pagewanted=all. Retrieved on 2008-09-30. 
  2. ↑ Nadine Brozan (22 December 1989). "From Paul Newman's Own Company, $250,000 for Neediest". New York Times. http://query.nytimes.com/gst/fullpage.html?res=9F07E4D91238F935A25752C1A9659C8B63&sec=&spon=&pagewanted=all. Retrieved on 2008-09-30. 
  3. ↑ Florence Fabricant (3 April 1991). "New Salsa Is True to Newman's Own Taste". New York Times. http://query.nytimes.com/gst/fullpage.html?res=9D0CEFDC1138F930A35757C0A967958260. Retrieved on 2008-09-30. 
  4. ↑ Ty Burr (28 September 2008). "Blue-eyed idol put an indelible stamp on movies, philanthropy". Boston Globe. http://www.boston.com/ae/movies/articles/2008/09/28/blue_eyed_idol_put_an_indelible_stamp_on_movies_philanthropy/?page=full. Retrieved on 2008-10-01. 
  5. ↑ Florence Fabricant (6 April 1994). "Food Notes". New York Times. http://query.nytimes.com/gst/fullpage.html?res=9C04E7DB1F3FF935A35757C0A962958260&sec=&spon=&pagewanted=all. Retrieved on 2008-09-30. 
  6. ↑ About us. Newman's Own Foundation

Сигэлэр

[уларыт | биики-тиэкиһи уларытыы]
Төрдө — «https://sah.wikipedia.org/w/index.php?title=Newman%27s_Own&oldid=335454»