Barefoot College

Бикипиэдьийэ диэн сиртэн ылыллыбыт

The Social Work and Research Centre (SWRC), быдан ордук Barefoot College диэн биллэр[1] (ааҥл. «атах сыгынньахтар колледжтара») — Аан Дойду саамай дьадаҥы дойдуларын тыа сирдэригэр күн күүһүнэн, уунан, эминэн уонна үөрэҕинэн хааччыйар Индия хампаанньата уонна волонтердар тэрилтэлэрэ[2].

Остуоруйата[уларыт | биики-тиэкиһи уларытыы]

Баай ыалтан төрүттээх Бункер Рой үчүгэй үөрэҕи ылан 1967 сыллаахха Индия биир саамай дьадаҥы провинциятын олохтоохторугар кудуктары (колодецтары) тутарга сананар[3][4].

Бункер Рой 2008 сыл алтынньы 30 к.

Бункер Рой, 100 курааннаах оройуоннарга оҥоһуллубут кудуктары чинчийэн баран, 1972 сыллаахха Индиятааҕы Радьастаан кумах куйаарыгар баар Тилония диэн сиргэ (англ. Tilonia) The Social Work and Research Centre (SWRC) хампаанньаны тэрийэр (билигин Barefoot College диэн биллэр)[5][4][6][7][2].

Сотору буолан баран хампаанньа нүөлсүтүүнэн буолбакка тыа сирэ бэйэтэ бэйэтин хааччыйыытын уонна тирэхтээх буоларын туһугар дьарыктанар[5][4]. Рой тэрилтэтэ тыа дьонун эмчит, үөрэтээччи, инженер, дизайнер, тутааччы уонна тиис эмтээччитин үөрэҕэр үөрэтэр эбит[5][4].

ХНТ дакалаатыгар этэллэринэн, 20 сыл иһигэр Barefoot College-у  бүтэрбит дьон уопсайа 30 хаалан иһэр дойдуга 1 024 дэриэбинэҕэ 36 000 дьиэни күн күүһүнэн хааччыйбыттар[3]. Бу үлэни араас дойду 300 үөрэҕэ суох тыа эмээхсинэ оҥорбут[3].

2012 сыллаахха ЮНЕСКО кыргыттар уонна дьахталлар үөрэҕириилэрин программатын Barefoot College бастакы кыттыылаах буолбут (ааҥл. Global Partnership for Girls' and Women's Education[8].

Колледж[уларыт | биики-тиэкиһи уларытыы]

Колледж дьиэтэ 8 акр кээмэйдээх сиргэ тутуллубут уонна бу дьиэни күҥҥэ 1 доллартан аҕыйаҕы өлөрөр Индия дьадаҥы дьоно салайар[9][3][10].

Дьиэ «дьадаҥы үөрэнээччилэргэ табыгастаах буоларын курдук» сир муосталаах уонна ороно суох[9].

Бу колледж Индия тыа сирин үрдүнэн соҕотох бүтүннүү күн күүһүгэр үлэлиир[7].

Колледж принциптара Махатма Ганди үөрэҕэр олоҕурар[3][7]. Холобур, бу үөрэх кыһатыгар үөрэтээччи үөрэнээччи, онтон үөрэнээччи үөрэтээччи буолуон сөп[3].

«Атах сыгынньахтар колледжарыгар» сүрүннээн олоххо туһалаах уонна үлэҕэ сыһыаннаах билиини биэрэргэ болҕомто уураллар[3].

Колледжка үөрэтээччи, эмчит, акушерка, тиис эмтээччитин, балыаһа үлэһитин, күн күүһүн инженерын, сири хаһааччы, төлөпүөн оператардарын, тимир ууһун, тутааччы, көмпүүтэр үөрэҕириитин үөрэтээччитин, бухгалтер уонна да атын тыа сиригэр туһалаах үөрэхтэргэ үөрэтэллэр[7].

Barefoot College сүрүн болҕомтотун күн күүһүгэр уурар[7]. Колледж сыл аайы Индияттан 100 уонна сайдыыта суох дойдулартан (сүрүннээн Африка уонна Аасыйа) 80 эмээхсинин төрөөбүт тыаларын күн күүһүнэн хааччыйалларыгар үөрэтэллэр[7].

Barefoot College бүтэрээччилэргэ үөрэҕи ааспыттарын туһунан туоһу сурук биэрбэт, үөрэхтээх киһи билиилээҕин бэйэтэ бигэргэтиэхтээх[3].

Ону таһынан, колледж үлэлээх дьоҥҥо анаан киэһээҥҥи оскуоланы арыйбыт[11]. 2008 сыллаахха 150 киэһээҥҥи оскуолаҕа 3000 киһи үөрэнэ сылдьыбыт, сүрүннээн эдэр кыргыттар эбит[12][13].

Үп-харчы[уларыт | биики-тиэкиһи уларытыы]

Barefoot College-ы сүрүннээн дьон үбүлүүр. Хампаанньаны тэрийээччи Бункер Рой этэринэн: «Индия салалтатыттан биһиги аҕыйах харчыны ылабыт, ону таһынан Голландия, Франция уонна чааһынай пуондалар үбүлүүллэр. Дойдуга оҥорорбут иһин аҕыйах харчыны ылабыт»[4].

Наҕараадалар уонна премиялар[уларыт | биики-тиэкиһи уларытыы]

Barefoot College үлэтин уонна түмүктэрин Аан Дойду барыта билиммитэ уонна хас да Аан Дойдутааҕы пуондалар уонна тэрилтэлэр премияларынан бэлиэтэммитэ[3].

2012 сыллаахха Barefoot College туһунан «Күн Ийэлэрэ» диэн (ааҥл. Solar Mamas) киинэ уһуллубута[7].

Быһаарыылар[уларыт | биики-тиэкиһи уларытыы]

  1. ↑ The Barefoot College in Tilonia, 1997, Author: Sanjit (Bunker) Roy, Publisher:Indira Gandhi National Centre for the Arts, New Delhi
  2. ↑ 2,0 2,1 Sarita Brara (30 October 2012). "Lead kindly light". The Hindu. http://www.thehindu.com/life-and-style/society/lead-kindly-light/article4044171.ece. Retrieved on 23 November 2012. 
  3. ↑ 3,0 3,1 3,2 3,3 3,4 3,5 3,6 3,7 3,8 Sanjit 'Bunker' Roy(ааҥл.). ООН. Тургутулунна 29 Муус устар 2015.
  4. ↑ 4,0 4,1 4,2 4,3 4,4 Флориан Годовитц. Интервью. Чему забыли обучить наши университеты(нууч.). Великая Эпоха (The Epoch Times) (2 Алтынньы 2009). Тургутулунна 29 Муус устар 2015.
  5. ↑ 5,0 5,1 5,2 John, Mary (2003). Children's Rights and Power: Charging Up for a New Century. Jessica Kingsley Publishers. pp. 232–. ISBN 9781853026584. http://books.google.com/books?id=95aHsTYl-0sC&pg=PA232. Retrieved on 23 November 2012. 
  6. ↑ Elkington, John; Hartigan, Pamela (1 February 2008). The Power of Unreasonable People: How Social Entrepreneurs Create Markets That Change the World. Harvard Business Press. pp. 52–. ISBN 9781422104064. http://books.google.com/books?id=sgvbNQY_IFIC&pg=PT52. Retrieved on 23 November 2012. 
  7. ↑ 7,0 7,1 7,2 7,3 7,4 7,5 7,6 Barefoot College(ааҥл.). Фонд Сколла (2005). Тургутулунна 29 Муус устар 2015.
  8. ↑ India's Barefoot College and UNESCO join forces for Girls' and Women's Empowerment. United Nations Educational, Scientific and Cultural Organization. Тургутулунна 23 Сэтинньи 2012.
  9. ↑ 9,0 9,1 Mortenson, Greg. (29 April 2010) Sanjit 'Bunker' Roy The 2010 TIME 100. TIME. Retrieved on 2 June 2012.
  10. ↑ Jain, Sonu Tilonia's Barefoot campus, now the bare facts. The Indian Express (1 July 2002). Тургутулунна 27 От ыйын 2010. Төрүт сириттэн архыыптанна 27 От ыйын 2010.
  11. ↑ Osler, Audrey (2000). Citizenship and Democracy in Schools: Diversity, Identity, Equality. Trentham Books. pp. 170–. ISBN 9781858562223. http://books.google.com/books?id=e6mbW3wDwREC&pg=PA170. Retrieved on 23 November 2012. 
  12. ↑ Elkington, John ,; Hartigan, Pamela (1 February 2008). The Power of Unreasonable People: How Social Entrepreneurs Create Markets That Change the World. Harvard Business Press. pp. 52–. ISBN 9781422104064. http://books.google.com/books?id=sgvbNQY_IFIC&pg=PT52. Retrieved on 23 November 2012. 
  13. ↑ Fred de Sam Lazaro (6 October 2008). "School in India Teaches Women to Improve Lives, Towns". PBS. http://www.pbs.org/newshour/bb/asia/july-dec08/indiaschool_10-06.html. Retrieved on 18 November 2012. 

Цитата сыыһата: Бу <references> туттар маннык <ref> "awards-hindu2002" диэн тиэгэ бу иннинээҕи тиэкискэ туттуллубат эбит.

Сигэлэр[уларыт | биики-тиэкиһи уларытыы]

Төрдө — «https://sah.wikipedia.org/w/index.php?title=Barefoot_College&oldid=319278»