Саха суруйааччыларын сойууһа
Саха суруйааччыларын сойууһа — Саха АССР, Саха ССР уонна Саха Өрөспүүбүлүкэтигэр суруйааччылары түмпүт уонна түмэр түмэт тэрилтэлэр ааттара.
Сойуус устуоруйата
[уларыт | биики-тиэкиһи уларытыы]Төрүттэниитэ
[уларыт | биики-тиэкиһи уларытыы]Бастакы Саха сирин суруйааччыларын сойууһа 1934 сыл ахсынньы ыйыгар, Саха сирин суруйааччыларын бастакы конференцияларын кэмигэр төрүттэммитэ.
Онно бырабылыанньа талыллыбыта, бырабылыанньа бастакы бэрэссэдээтэлинэн Платон Алексеевич Ойуунускай буолбута.
Хайдыыта
[уларыт | биики-тиэкиһи уларытыы]1991 сыллаахха Сэбиэскэй Сойуус үрэллибитин кэннэ Суруйааччылар сойуустара икки аҥыы хайдан, Саха Өрөспүүбүлүкэтигэр икки сойуус үөскээбитэ: Саха Өрөспүүбүлүкэтин суруйааччыларын сойууһа уонна Саха сирин суруйааччыларын сойууһа.
Холбуу сатааһын
[уларыт | биики-тиэкиһи уларытыы]2015 сыллаахха оччотооҕу СӨ бэрэсидьиэнэ Егор Борисов көҕүлээһининэн бэс ыйын 5 күнүттэн бу икки сойууһу бииргэ үлэлэтэр, кинилэр үлэлэрин сүрүннүүр соруктаах "Саха сирин суруйааччылара" диэн ассоциация (Ассоциация "Писатели Якутии") үөскээбитэ. Бэрэстээтэл Олег Амгин. Маны таһынан суруйааччылар атын да түмсүүлэрэ (улуустарынан, эбэтэр атын бэлиэнэн) кэмиттэн кэмигэр үөскүүллэр, үлэлииллэр.
Бырабылыанньа бэрэсэдээтэллэрэ
[уларыт | биики-тиэкиһи уларытыы]1934-1938 - Платон Алексеевич Ойуунускай;
1939-1948 - Серафим Романович Кулачиков-Эллэй;
1948-1953 - Николай Гаврилович Золотарев-Якутскай;
1953-1958 - Василий Андреевич Протодьяконов-Кулантай;
1958-1961 - Николай Гаврилович Золотарев-Якутскай;
1961-1979 - Семен Петрович Данилов;
1979-1993 - Софрон Петрович Данилов;
Саха сирин суруйааччыларын сийиэстэрэ
[уларыт | биики-тиэкиһи уларытыы]I сийиэс - 1939 сыл от ыйын 1-5 күннэрэ;
II сийиэс - 1948 сыл бэс ыйын 28 - от ыйын 1 күннэрэ;
III сийиэс - 1953 сыл ол ыйын 30-31 күннэрэ;
IV сийиэс - 1958 сыл алтынньы 23-25 күннэрэ; Баартыйа XX сийиэһин кэнниттэн мустубут сийиэс үрдүк көтөҕүллүүлээхтик ыытыллыбыта диэн САССР бибилэтиэкэтэ таһаарар "Бэлиэ күннэр халандаардарыгар" этиллэр[1]. Холобур, сийиэс буолуон иннинээҕи 1957 сыл саха литэрэтиирэтигэр "саамай үүннүүлээх" буолбута ахтыллар: нууччалыы тылбаастанан Н. Якутскай "Көмүстээх үрүйэтэ", Сэмэн Данилов икки хомуурнньуга, Күннүк Уурастыырап "Хотугу кустуга, Эллэй "Саха ырыалара" (Песни якута), Н. Габышев "Ыраах Амычааҥҥа", Сергей Васильев "Мои журавли", Кындыл Уйбаан "В дальний путь" айымньылара тахсыталаабыттар.
V сийиэс - 1963 сыл муус устар 3-4 күннэрэ. Бырабылыанньа бэрэссэдээтэлинэн Сэмэн Данилов өссө төгүл талыллыбыт. Бу сийиэс Өксөкүлээҕи, Ноструойабы уонна Алампаны ааҕааччыга "төннөрөр" 1962 сыллааҕы обкуом уурааҕын кэнниттэн буолбута. Уураах "расчистил пути к творческому освоению этого выдающегося наследия, к его широкому использованию и популяризации" диэн суруллар, бибилэтиэкэ 1963 с. халандаарыгар.
VI сийиэс - 1965 сыл тохсунньу 12-13 күннэрэ;
VII сийиэс - 1968 сыл кулун тутар 5-6 күннэрэ;
VIII сийиэс - 1973 сыл бэс ыйын 5-6 күннэрэ;
IX сийиэс - 1978 сыл алтынньы 19 күнэ;
X сийиэс - 1983 сыл алтынньы 25 күнэ;
XI сийиэс - 1988 сыл балаҕан ыйын 15-16 күннэрэ. Саха сирин суруйааччыларын барыларын түмпүт бүтэһик сийиэс. Бу кэнниттэн сойуус икки аҥыы хайдан, икки сойуус тус-туһунан сийиэстэри ыытар буолбуттара.
Эбии көр
[уларыт | биики-тиэкиһи уларытыы]- Саха АССР суруйааччыларын сойууһа
- Саха сирин суруйааччыларын сойууһа
- Саха Өрөспүүбүлүкэтин суруйааччыларын сойууһа
- ↑ Самыгина М.Г., Тарский Г.С., Сыроватский А.Д. Календарь знаменательных и памятных дат Якутской АССР, 1963 год. — Якутск: Якутское книжное издательство, 1963. — С. 43-44. — 91 с. — 1000 экз.