Халыып:Бу күн:09-08

• ХНТ ХНТ Ааҕыы-суруйуу аан дойдутааҕы күнэ — Холбоһуктаах таассыйалар тэрилтэлэрин иһинэн бэлиэтэнэр күн.
• Физиотерапия аан дойдутааҕы күнэ (Физиотерапия конфедерацията төрүттэммит күнэ, 1951 сыл, Копенгаген).
• Суруналыыстар сомоҕолоһууларын күнэ.

• Андорра — Дойду күнэ.
• Испания Испания — Волонтер күнэ исп. Día del Cooperante.
• Хотугу Македония Хотугу Македония — Тутулуга суох буолуу күнэ (Югославияттан, 1991).
• Мальта Мальта — Кыайыы күнэ.
• Пакистаан Пакистаан — Пакистаан сэбилэниилээх күүстэрэ 1965 с. Ииндийэни кыайбыт күннэрэ (Дварка операция).
• Арассыыйа Арассыыйа — Бородино кыргыһыытын күнэ
• Ленинград көмүскээччилэрин ахтан ааһар күн. Ленинград блокаадатын саҕаланыыта (1941 сыл).

Түбэлтэлэр

• 1380 — Алтан Ордууга гражданскай сэрии ("Улуу Кэхтии") буола турдаҕына Куликово кыргыһыытыгар Дмитрий Донской салайар нуучча сэриитэ Мамай салайар татаар сэриитин кыайбыт.
• 1636 — Аан дойдуга биир бастыҥ Гарвард университета олохтоммут. Бу университеты 8 АХШ бэрэсидьиэнэ, 188 билигин баар миллиардердар уо.д.а. биллиилээх дьон бүтэрбиттэрэ. Ону кытары 160 Нобель бириэмийэтин лауреата Гарвардка үөрэммитэ эбэтэр үлэлээбитэ биллэр.
• 1923 — Бүтүн Арассыыйатааҕы көрбөттөр уопсастыбалара тэриллибит.
• 1925 — Сибиирдээҕи байыаннай уокурук командующайын бирикээһинэн Дьокуускайга Саха национальнай байыаннай оскуолатын (ЯНВШ) тэрээһинэ саҕаламмыт. Оскуола начаалынньыгынан 35-с Сибирскэй дивизия 106-с стрелковай полкатыгар рота хамандыыра В.Е. Пшенников анаммыт. Бу Былатыан Ойуунускай көҕүлээһининэн тэриллибит оскуола алын сүһүөх хамандыырдары 1927 сылтан 1941 сыллаахха диэри бэлэмнээн таһаартаабыта.
• 1930 — 3M хампаанньа үлэһитэ Ричард Дрю дьэҥкир сыстаҕас лиэнтэни (скотч) айбыт.
• 1941 — Ниэмэс аармыйата Ленинграды соҕуруу өттүттэн төгүрүйбүт, блокада саҕаламмыт. Блокада кэмигэр Ленинград 3 мөл. кэриҥэ олохтооҕуттан 600 тыһыынчаттан 1.5 мөлүйүөҥҥэ диэри киһи хоргуйан өлбүт. Блокада 872 күнүнэн 1944 сыл тохсунньу 27 күнүгэр түмүктэммитэ.

Төрөөбүттэр

• 1908 — Кондрат Мацкепладзе — Социалистыы Үлэ Дьоруойа, Өймөкөөн көмүһү хостуур бырамыысыланнаһын төрүттээччилэртэн биирдэстэрэ.
• 1946 — Василий Илларионов — олоҥхону үөрэтээччи, фольклорист, филология билимин доктора, профессор.
• 1948 — Зоя Попова — П.А. Ойуунускай аатынан Академическай Саха тыйаатырын артыыһа, киинэ артыыһа.
• 1958 — Ньургун Иванов — Саха сирин топонимнарын (сирдэр, уулар ааттарын) үөрэтэр чинчийээччи, филология билимин хандьыдаата, Багдарыын Сүлбэ улахан уола.
• 1960 — Василий Нестеров — СӨ үөрэҕириитин үтүөлээх үлэһитэ, СӨ үөрэҕириитин туйгуна.

Өлбүттэр

• 1982 — Григорий Тарскай — тылбаасчыт уонна библиограф, ССРС суруналыыстарын уонна суруйааччыларын сойуустарын чилиэнэ, Саха АССР култууратын үтүөлээх үлэһитэ.
• 2012 — Дмитрий Зверев (11.06.1939 төр.) — прозаик-публицист, Саха Өрөспүүбүлүкэтин суруйааччыларын Сойууһун чилиэнэ. Саха Өрөспүүбүлүкэтин культуратын үтүөлээх үлэһитэ.