Тарскай Григорий Семенович

Тарскай Григорий Семенович

Тарскай Григорий Семенович (30.01.1908—08.09.1982) — тылбаасчыт уонна библиограф, ССРС суруналыыстарын уонна суруйааччыларын сойуустарын чилиэнэ, Саха АССР култууратын үтүөлээх үлэһитэ.

Олоҕун олуктара

1908 сыллаахха тохсунньу 30 күнүгэр Дүпсүн улууһун Бастакы Өспөх нэһилиэгэр төрөөбүт. Дьокуускай совпарт оскуоланы бүтэрбит, Иркутскайдааҕы пед институтка үөрэммит (1931-1933 сс.). Дьокуускайга бибилитиэкэҕэ 21 сыл үлэлээбит, онтон 12 сыл - старшай библиограф (1947-1949 сс., 1961-1971 сс.); 1935 сылтан 1941 сыллаахха диэри - дириэктэри солбуйааччы уонна тэҥҥэ кыраайы үөрэтии салаатыгар сэбиэдиссэй. Г.С. Тарский саха тылыгар М. Горькай, Л. Толстой, И. Тургенев, А. Чехов, Р. Киплинг, Р. Роллан айымньыларын тылбаастаабыта. Өрөспүүбүлүкэ култууратын министиэристибэтин уонна өрөспүүбүлүкэтээҕи бибилитиэкэ "Бочуотун Кинигэлэригэр" киллэриллибитэ.

Библиография кинигэлэрин ааптара, ол иһигэр: "Русская художественная литература в переводе на якутский язык", "Русские писатели о Якутии", "Русская художественная литература Якутии за 25 лет", "П. Черных-Якутский". Ону таһынан "Летопись печати Якутской АССР", "Календарь знаменательных и памятных дат", "Писатели Восточной Сибири" диэн ыйынньыктары таһаарыыга кыытыбыта.

Ойоҕо Людмила Сергеевна Ковынина - бибилитиэкэ үлэһитэ этэ; оҕолоро: 2 уол уонна 5 кыыс.

Сигэлэр

• Переводчик и библиограф, «Якутия» хаһыат. Павлова В. — 19.01.2008.
• Национальная библиотека Республики Саха (Якутия):Тарский Григорий Семенович Архыыптаммыт 2011, Тохсунньу 5 күнүгэр.