Олимпия оонньуутун ымыыта

Бикипиэдьийэ диэн сиртэн ылыллыбыт
Перейти к навигации Перейти к поиску
Олимпия оонньууларын норуоттар икки ардыларынааҕы кэмитиэтэ

Олимпия сайыҥҥы оонньууларын ымыылараОлимпия оонньууларын үгэс буолбут төрүт бэлиэлэриттэн биирдэстэрэ, 1968 сылтан Олимпия оонньууларын булгуччулаах атрибута. “Улахан олимпия энциклопедията” этэринэн[1], рекламнай-коммерческай суолталаах бэлиэ. Үксүгэр Олимпия оонньуулара буолар дойдута эбии харчы киллэринэригэр туттар ньымата. Олимпия оонньууларын тэрийээччилэрин бас билиитигэр киирэр. “GEO” сурунаалга этиллэринэн[1], Олимпия оонньууларын ымыыта - «оонньуу ыытыллар дойдутун тыынын көрдөрөр, спортсменнарга ситиһиини аҕалар итиэннэ үөрүүлээх өрө көтөҕүллүү эйгэтин тэрийэр кыахтаах». Үксүгэр оонньуу ыытыллар дойдутун киэҥник тарҕаммыт ханнык эмэ кыыла-көтөрө, биитэр дьон айан таһаарбыт харамайа буолар.

Остуоруйатыттан[уларыт | биики-тиэкиһи уларытыы]

1968 сылга диэри Олимпия оонньууларын сүрүн атрибута – Олимпия оонньууларын норуоттар икки ардыларынааҕы кэмитиэтигэр бигэргэммит Төрүт бэлиэ буолар эбит.

1968 сыл олунньу ыйыгар аан бастакы ымыы баар буолбут. Ол эрэн кини киэҥник биллибэтэх, онтон эмиэ ити сыл алтынньы ыйыгар Мексикаҕа ыытыллыбыт Олимпия сайыҥҥы оонньууларыгар саҥа ымыыны — Чичен-Ица диэн былыргы Маайа омук олоро сылдьыбыт[1] куоратын хаһыыларыгар көстүбүт ойууга майгыннатан Кыһыл ягуары билиһиннэрбиттэр.

Анаан-минээн “Олимпия оонньууларын ымыыта” диэн өйдөбүлү кумааҕыга 1972 сыл сайыныгар Мюнхен куоракка буолбут Олимпия ХХ оонньууларын кэмигэр ыытыллыбыт Олимпия оонньууларын норуоттар икки ардыларынааҕы кэмитиэт сиэссийэтигэр бигэргэппиттэр. Онтон ыла хас оонньуу аайы дириҥ ис хоһоонноох ымыы баар буолуохтаах диэн үгэскэ кубулуйбут.

Сайыҥҥы оонньуулар ымыылара[уларыт | биики-тиэкиһи уларытыы]

Кыһыл ягуар (Мехико, 1968)

Вальди таакса (Мюнхен, 1972)

Амик буобура (Монреаль, 1976)

Миша эһэ оҕото уонна Вигри муора котига (Москва, 1980)

Сэм хотой оҕото (Лос-Анджелес, 1984)

Ходори баабыр оҕото (Сеул, 1988)

Коби ыт оҕото (Барселона, 1992)

Иззи (Атланта, 1996)

Олли, Сид уонна Милли (Сидней, 2000)

Феб уонна Афина (Афины, 2004)

Фува (Пекин, 2008)

Венлок уонна Мандевиль (Лондон, 2012)

Винисиус уонна Том (Рио де Жанейро, 2016)


Быһаарыылар[уларыт | биики-тиэкиһи уларытыы]

  1. 1,0 1,1 1,2 Олимпийский талисман — статья из Большой олимпийской энциклопедии (М., 2006)