Иззи
Иззи (ааҥл. Izzy) — 1996 сыллаахха АХШ Атланта куоратыгар ыытыллыбыт Олимпия сайыҥҥы XXVI оонньууларын бигэргэтиллибит ымыыта.
Хайдах баар буолбута
[уларыт | биики-тиэкиһи уларытыы]Бу ымыыны тэрийээччилэр компьютер көмөтүнэн оҥорорго быһаарыммыттар. Ханнык да харамайга майгыннаабат дьикти буолан тахсыбыт. Маҥнайгы көрүҥэ айаҕа да, мунна да суох, атах сыгынньах эбит. Өр кэмҥэ ити бастакы оҥоһугу ситэриигэ элбэх киһи үлэлээбит. Ол түмүгүнэн улахан айахтаах, Олимпия оонньууларын тиэрбэстэрин илдьэ сылдьар кутуруктаах, үрүҥ тарабах үтүлүктээх уонна бачыыҥкалаах буолан тахсыбыт. Кэлин тииһэ суох гыммыттар, ол оннугар хараҕар сулус быһыылаах чоҕулу эбэн биэрбиттэр.
Ким да ханнык да харамайга майгыннаппатаҕын иһин кинини тэрийээччилэр Иззи, ол аата англия тылыттан What is it? диэн этии («Тугуй бу?») кылгатыытынан ааттаабыттар.
Бу ымыы Олимпия оонньууларын ханнык да кэмнээҕэр табыллыбатаҕынан ааҕыллар[1].