Дональд Джон Трамп

Бикипиэдьийэ диэн сиртэн ылыллыбыт
Перейти к навигации Перейти к поиску
Дональд Джон Трамп
Дональд Джон Трамп


Incumbent
Assumed office 
2017 сыл тохсунньу 20
Vice President Майк Пенс
Кини иннинэ Барак Обама
Кини кэнниттэн буола илик

Төрөөбүтэ Бэс ыйын 14 1946 (1946-06-14) (age 72)
Нью-Йорк
Birth name Дональд Джон Трамп
Олохтоох Американес
Политика партията Республиканскай партия
Ойоҕо * Ивана Зельничкова (1977 муус устар 7 - 1992 сыл)
Оҕолоро * Дональд кырата Трамп
Резиденцията White House, --> Вашингтон (Официальнай резиденцията)
Alma mater Пенсильвания университетын Вартон оскуолата Экономика бакалавра
Идэтэ урбаанньыт
тэлэбиисэринэн ыытааччы
Итэҕэлэ Христос холбоһуллубут сыаркаба
Илии баттааhына Дональд Джон Трамп's signature
Уэбсайта WhiteHouse.gov

Дональд Джон Трамп (ааҥл. Donald John Trump; 1946, бэс ыйын 14, Нью Йорк, АХШ) — АХШ 45 баһылыга, бэрэсидьиэн буолуон иннинэ биллэр урбаанньыт (сүрүннээн дьиэ тутуутун эйгэтигэр), миллиардер, тэлэбиисэринэн ыытааччы[1].

Олоҕун олуктара[уларыт | биики-тиэкиһи уларытыы]

Дональд Трамп 1946 сыллаахха, бэс ыйын 14 күнүгэр Нью Йорк куоракка, Куинс диэн оройуонугар төрөөбүтэ. Аҕата — Фред Крист Трамп (1911, алтынньы 111999, бэс ыйын 25), ийэтэ — Мэри Энн Маклауд (1912, ыам ыйын 102000, атырдьах ыйын 7). Аҕатын өттүнэн төрүттэрэ ниэмэс иммиграаннара (эһээтэ Фридрих Трумп диэн ааттаах киһи). Дональд Трамп бииргэ төрөөбүттэрэ бэһиэлэр, икки ини-биилээх, икки аҕаастаах балыстаах. 3 кэргэннэнэ сылдьыбыт, 5 оҕолоох.

Карьерата[уларыт | биики-тиэкиһи уларытыы]

Урбаан[уларыт | биики-тиэкиһи уларытыы]

Бастакы сылларга аҕатын «Trump Organization» диэн тэрилтэтигэр орто дьоҕус ыалга дьиэ куортамныыр эбит. 1971 сылтан, Нью Йорк Манхэттэн оройуонугар тутуулары саҕалыыр. 1995 сыллаахха «Trump Entertainment Resorts» диэн Атлантик-сити куоракка казинолары уонна гостиницалары бас билэр хампаанньаны арыйар. 1996 сылтан «Мисс Аан дойду» (ааҥл. Miss Universe, нууч. Мисс Вселенная) күрэс бас билээччитэ.

Политика[уларыт | биики-тиэкиһи уларытыы]

2015, тохсунньу 25, АХШ Республикатааҕы партия мунньаҕар бэрисидиэн быыбарыгар кыттыан баҕарарын иһитиннэрбит[2]. Бэс ыйын 16 «Трамп тауэр» диэн ыстааб-квартиратыгар официальнайдык бэрэсидиэн быыбарыгар турарын туһунан эппит[3]. Бэрэсидиэн быыбарыгар партия биллэр политиктарын Марк Рубионы, Джеб Буһу уонна Скотт Уокеры хоппут. 2015, Сэтинньи 10 Сиирийэҕэ Арассыйа исламистар утары охсуһуутун өйөөбүт[4]. Быыбар кэмигэр мусулмааннар утары хаста даҕаны тыл этэн турардаах уонна ол этиилэри программатыгар киллэрбит.

От ыйын 14, Трамп АХШ вице-бэрэсидиэнинэн Индиана штат аҕа баһылыга Майкл Пенс буолар диэбит. От ыйын 18-21 чыыһылалырыгар, АХШ Республикатааҕы партия сийиэһигэр Дональд Трамп партия аатыттан официальнай хандьыдаатынан бигэргэммит. Сэтинньи 8 АХШ баһылыгар быыбар буолан ааспыт уонна ол түмүгүнэн сэтинньи 9 быыбардааччылар коллегияларын кыайыыга анлаар 270 куолаһы ылан демократ Хиллари Клинтоны быыбарга кыайан АХШ 45-с баһылыга буолбут[5]. Сэтинньи 19, официальнай бүтэһик түмүк оҥоһуллубут, онно Дональд Трамп 304 быыбардааччы куолаһын ылбыт[6].

Быыбар кэнниттэн «Forbes» сурунаал сабыдыаллаах дьоннор тиһиктэригэр Трампы иккис миэстэҕэ туруорбут[7]. «Time» сурунаал кинини «Сыл киһитэ» диэн ааттаабыт[8].

2017, тохсунньу 20, Дональд Трамп инаугурацията буолан ааспыт.

АХШ 45-с аҕа баһылыга[уларыт | биики-тиэкиһи уларытыы]

Тохсунньу 20, бэрэсидиэн буолаат сонно тута саҥа ураахтары таһаарбыт, ол быыһыгар Барак Обама «Obamacare» доруобуйа харыстабылын реформатын ууратыыта буолбут. Чуумпу акыйаан кыттыгаһыттан тахсыбыт[9]. Кыраныыссаны харабыллааһын уонна иммиграция туһунан уурааҕар Миэксикэни кытта саҥа күрүө тутар туһунан соруйбут[10]. 6 мусулмаан дойдуларыттан: Сиирийэттэн, Ирантан, Лиибийэттэн, Судаантан, Сомалияттан уонна Йиэмэнтэн АХШ-ка дьон киириитин боппут[11]. Дойду үп систематын реформатын туһунан ураах баттаабыт[12].

Сиирийэҕэ атааннаһыы[уларыт | биики-тиэкиһи уларытыы]

2017, муус устар 7, Хомс улууһугар баар Сиирийэ бырабыытылстыбатын авиабазатын 59 «Тамогавк» ракеталарынан ытыалаабыт. Ытыы Идлиб куоракка Башар Асад химичэскэй атаака оҥорбут диэн сабаҕалааһынтан оҥоһуллубут[13]. Бу быһыы Европаҕа уонна Арассыыйаҕа араас-араас ахсыанканы ылбыт.

Разведканы кытта атааннаһыы[уларыт | биики-тиэкиһи уларытыы]

2017, ыам ыйын 15 Дональд Трамп Сергей Лавровы кытта көрсүһүүгэ кистэлэҥ информация биэрбит диэн ЦРУ буруйдаабыт[14]. Бэрэсидиэн администрацията ол буруйу ылымматах. 2017, ыам ыйын 17 разведканы дьаһайар сенат комиссията Лавровы кытта көрсүһүү матырыйаалларын ирдээбит. «Washington Post» суруйбутунан кистэлэҥ информация таһыма олус үрдүк, ол иһин кыттыгастары да кытта билиһиннэриллибэтэх[15].

Флинн дьыалата[уларыт | биики-тиэкиһи уларытыы]

Джеймс Коми ФБР салайааччытыттан ууратыллан баран Дональд Трамп Майкл Флинн утары силиэстийэлээһини тохтоторго көрдөспүтүн кэпсээбит. Ол иннинэ Майкл Флинн айдааннаахтык госбезопасность советнигын аатыттан ууратыллыбыт эбит. 2017, ыам ыйын 17 АХШ юстиция министиэристибэтэ Роберт Мюллеры (ФБР урукку салайааччыта) Арассыыйа АХШ быыбарыгар кыттыгаһын силиэстийэлииргэ аналлаах прокуруорунан анаабыт[16].

Тус олоҕо[уларыт | биики-тиэкиһи уларытыы]

Дьиэ кэргэнэ[уларыт | биики-тиэкиһи уларытыы]

1977 28 саастаах Ивана Зельничкованы кэргэн ылбыт. Киниттэн 3 оҕолоох: кыра-Дональд, Иванка уонна Эрик. 1992 арахсыбыттар. 1993 Марла Мейплзы кэргэн ылбыт, киниттэн Тиффани диэн кыыстаах. 1999 сыллаахха арахсыбыт. 2005 Словенийаттан төрүттээх Меланья Кнавсы кытта холбоспут. 2006 уолламмыт, Бэррон Уильям диэн ааттаабыттар.

Дональд 8 сиэннээх, 5 — улахан уолун кыра-Дональд оҕолоро, 3 — Иванка оҕолоро.

Дональд гольфунан үлүһүйэр.

Баайа-дуола[уларыт | биики-тиэкиһи уларытыы]

«Forbes» аахпытынан Дональд Трамп баайа $3,7 млрд. дуолларга тэҥнэһэр эбит (АХШ-ка 113 миэстэҕэ турар)[17]. Ону таһынан баһаам элбэх дьиэлэри бас билэр эбит.

Култуураҕа сыһыана[уларыт | биики-тиэкиһи уларытыы]

Дональд Трамп Аатырбыттар Аллеяларыгар баар сулуһа

Киинэҕэ[уларыт | биики-тиэкиһи уларытыы]

Дональд Трамп бэйэтин хас да киинэлэргэ уонна сериалларга оонньообутунан биллэр, олор быыстарыгар: «Один дома 2: Потерянный в Нью-Йорке», «Няня», «Принц из Беверли-Хиллз», «Дни нашей жизни», «Любовь с уведомлением» уонна «Шалопаи» диэн киинэҕэ. Кинини бэйэтин сотору-сотору комиктар оонньууллар, ону таһынан Трамп араас ток-шоуларга уонна программаларга кыттыбыт.

Ырыаҕа[уларыт | биики-тиэкиһи уларытыы]

Эмин Агаларов «In Another Life» диэн ырыатын килиибигэр уһуллубут[18].

ТВ-га[уларыт | биики-тиэкиһи уларытыы]

2000, «Симпсоннар» диэн уруһуй сериалга, «Bart to the Future» сиэрийэҕэ, кини бэрэсидьиэннээн бүппүтүн кэннэ дойду бүддьүөтүгэр улахан хорумньу оҥоһуллубут диэн кэпсэнэр. Сиэрийэни 2015 сылтан баһаам элбэхтик ахтыллар[19].

2003 Эн-Би-Си канаалга «Кандидат» диэн реалити-шоу ыытааччытынан уонна испольнительнай продюсерынан буолбут. 2007 ити шоуга кыттыбытын иһин Голливуд Аатырбыттар аллеяларыгар «сулус» ылбыт.

2007 Ларри Кинг «Ларри Кинг в прямом эфире» ток-шоутугар оччотооҕу АХШ баһылыгын Джордж Буһу Иракка сэриитин иһин киритикэлээбит. 2008 эмиэ ити ток-шоуга Джон Маккейнҥа куоластаан диэн ыҥырбыт.

Библиографийата[уларыт | биики-тиэкиһи уларытыы]

Дональд Трамп бу кинигэлэр ааптара:

  • «Выживание на вершине» (1990)
  • «Искусство выживания» (1991)
  • «Искусство возвращения» (1997)
  • «Америка, которую мы заслуживаем» (2000) (совместно с Дейвом Шифлеттом, ISBN 1-58063-131-2)
  • «Как стать богатым» (2004) — ISBN 978-5-9614-5887-9
  • «Путь наверх» (2004)
  • «Думай как миллиардер. Всё, что следует знать об успехе, недвижимости и жизни вообще» — ISBN 978-5-9614-5886-2 (2004)
  • «Мой лучший совет по игре в гольф» (2005)
  • «Почему мы хотим, чтобы вы были богаты» (2006) (в соавторстве с Робертом Кийосаки)
  • «Мысли по-крупному и не тормози!» (2007) (в соавторстве с Билли Занкером (англ. Bill Zanker), ISBN 978-0-06-154783-6)
  • «Мой лучший совет по недвижимости: 100 лучших экспертов делятся своими стратегиями» (2007)
  • «Формула успеха» (2007)
  • «Трамп никогда не сдаётся. Как я превратил мои самые большие проблемы в успех» (2008), ISBN 978-5-699-84898-0
  • Дональд Трамп, Тони Шварц. Искусство заключать сделки = The Art of the Deal. — М.: Юнайтед Пресс, 2010. — 288 с. — (Библиотека Pio Global). — ISBN 978-5-904522-66-7.
  • «Былое величие Америки» (2011), пер. на рус. Эксмо, 2016, ISBN 978-5-699-88577-0
  • «Дар Мидаса» (2012) (в соавторстве с Робертом Кийосаки)
  • «Изувеченная Америка: Как сделать Америку снова великой» (2015)

Ылыллыбыт сирэ[уларыт | биики-тиэкиһи уларытыы]

  1. Трамп олоҕун олуктара
  2. Миллиардер Дональд Трамп намерен побороться за пост президента США
  3. https://lenta.ru/news/2015/06/16/another_one/ Дональд Трамп поборется за пост президента США
  4. Трамп Путины өйүүр
  5. Эмиэрикэ талла
  6. http://uselectionatlas.org/RESULTS/index.html АХШ баһылыгар быыбар түмүгэ
  7. The World’s Most Powerful People
  8. Person Of The 2016 Year Donald Trump
  9. Трамп подписал указ о выходе США из Транстихоокеанского партнерства
  10. Трамп подписал указы об охране границы и иммиграции
  11. Трамп подписал новый указ об ограничении иммиграции в США
  12. Дональд Трамп подписал указы о реформировании финансовой системы США
  13. США нанесли ракетный удар по авиабазе в Сирии. Как это было
  14. «Trump 'shared classified information with Russia'», BBC, 16.05.2017
  15. «Трамп заявил о „полном праве“ делиться информацией с Россией»
  16. «Экс-главе ФБР поручили расследовать роль России в выборах в США», Би-Би-Си, 18.05.2017
  17. Donald Trump on Forbes Lists
  18. Дональд Трамп Эмину Агаларову: «Я очень устал от тебя, ты уволен!»
  19. «Симпсоны» потроллили кандидата в президенты США Дональда Трампа