Ястремскай Сергей Васильевич

Бикипиэдьийэ диэн сиртэн ылыллыбыт
Перейти к навигации Перейти к поиску
Ястремскай Сергей Васильевич

Сергей Васильевич Ястремскай (1857—1931) — Саха сиригэр көскө кэлэ сылдьан саха тылын грамматикатын үөрэппит киһи.

Харьков куоракка баан үлэһитэ дворянин Базиль Ястремскай дьиэ кэргэнигэр 1857 с. балаҕан ыйын 20 күнүгэр төрөөбүт. Харьковтааҕы гимназияны бүтэрэн баран Харьков университетын медициан факультетыгар үөрэнэ киирбит. Манна сылдьан революцтоннай хамсааһыҥҥа кыттыбыт. 1877 с. хаайыллыбыт уонна 1879 с. 10 сылга хаатыргаҕа бириигэбэрдэммит. 1886 с. кулун тутар 13 күнүгэр хаатыргаттан босхолонон Саха сиригэр көскө ыытыллыбыт. Бу сыл атырдьах ыйыгар Боотур Уус улууһугар III Дьохсоҕон нэһилиэгэр олордубуттар. Манна саха этнографиятын чинчийээччитин В. Ф. Трощанскай диэн көскө сылдьар киһини кытта биир дьиэҕэ олорбутттар. 1888 с. кулун тутарыгар Чурапчыга көһөрбүттэр. 1890 с. муус устарыгар Мэҥэ улууһун Тараҕай нэһилиэгэр көһөрүллүбүт, онтон 1892 с. бэс ыйыгар төттөрү Чурапчыга ыытыллыбыт. Онно икки сыл олорбут.

Саха сиринээҕи 1894—1896 сс. комплекснай экспедицияҕа кыттыбыт, сахалар тылларын уонна фольклордарын үөрэппит.

1896 с. бэс ыйын 2 күнүгэр С. В. Ястремскай Саха сириттэн барбыт. Иркутскайга быстах кэмҥэ олорон эрэн бастакы ыстатыйаларын бэчээттээбит.

Арассыыйа киинигэр 1900 с. атырдьах ыйыгар төннүбүт. 1902 с. алтынньытыгар Одессаҕа көспүт, онно бааннарга кассирынан үлэлээбит. Чуолкай өлбүт сыла биллибэт. Быһа барыллаан 1931 уонна 1934 сыллар ыккардыларыгар өлбүт буолуон сөп.

Сүрүн үлэтэ «Грамматика якутского языка». Саха тылын үөрэтээччилэр бу үлэтэ О. Н. Бетлингк чинчийиитин салҕааһынынан ааҕыллар. О. Н. Бетлингк саха тылын грамматикатын маҥнай чинчийбит киҥһинэн биллэр.

Кини үс олоҥхону хомуйар, 426 таабырыны, 223 үгэни.

Г. У. Эргис сөпкө тылбаастаммыт диэн этэн турардаах.

Өссө маны көр[уларыт | биики-тиэкиһи уларытыы]

1925 с. суруллубут автобиографията