Кыыллаах

Кыыллаах нэһилиэк. Өлүөхүмэ улууһун нэһилиэгэ, киинэ Кыыллаах. Нэһилиэнньэтин ахсаана: Кыыллаахха 1044, Даппарайга 90 киһи (2007 сыл).

Улуус кииниттэн 45 км. арҕаа диэкки Өлүөнэ ортотугар Кыыллаах арыыга сытар.

Даппарай сэлиэнньэ өрүс уҥа кытылыгар турар уонна нэһилиэк манна көһөн эрэр. Ол халаан уутун сабыдыала. Сылтан сыл аайы арыы саас ууга барар буолбута.

Олохтоохтор дьарыктара ынах-сүөһү. Мэччирэҥнэрэ уонна оттуур сирдэрэ арыыга бааллар, ол иһин нэһилиэнньэ соччо көһүөн баҕарбат.

Нэһилиэктэн төрүттээхтэр

1884 сыллаахха төрөөбүтэ Шараборин Софрон Афанасьевич (1884-1952) - 1912 сыллааҕы Сахалар сийиэстэрин кыттыылааҕа.
1889 сыллаахха төрөөбүтэ Корнилов Николай Михайлович (1889—1970), үтүөлээх учуутал.
Туралысов Георгий Михайлович (22.04.1903—24.11.1970) — Саха АССР норуодунай худуоһунньуга.
1914 сыл ыам ыйын 3 күнүгэр төрөөбүтэ Корнилова Александра Тихоновна (1914—1985), сэбиэт уонна судаарыстыба үлэһитэ.
1915 сыл муус устар 11 күнүгэр төрөөбүтэ Корнилова Матрена Матвеевна (11.04.1915—04.09.1991) — Социалистическай Үлэ Геройа, оҕуруот аһын үүннэрээччи.
1939 сыл ыам ыйын 22 күнүгэр төрөөбүтэ Корнилова Зоя Афанасьевна — экономика билимнэрин кандидата.
Табунасов Никон Семенович — уус-уран киинэҕэ уһуллубут (1935) саха бастакы артыыһа.

Чахчылар

1969 — Кыыллаах Арыыттан халаан кэмигэр дьону таһаара сылдьыбыт Ми-2 бөртөлүөт лүөччүктэр буруйдарыттан сылтаан саахалламмыт, 25 киһи өлбүт. Лүөччүктэр иккиэн тыыннаах уонна биир пассажир хаалбыттар. Экипаж хамандыыра силиэстийэ кэмигэр суукка диэри тиийбэккэ эрэ биллибэт төрүөттэн өлбүт, иккиһин (штурманы) сууттаан өлөрөргө уурбуттар, ол эрээри кэлин 8 сыл хаайыынан солбуйбуттар.

Ылыллыбыт сирэ

Якутская АССР, словарь-справочник, Якутск, 1980 г.

Фотографиялар

Кыллах
Даппарай
Кыыллаах арыы халлан куйаартан көстүүтэ
Даппарай. Кыыллаах олохтоохторугар тутуллубут саҥа дьиэлэр