Халыып:Бу күн:10-06
- Аан дойдутааҕы (кыыл-сүөл, үүнээйилэр) олохсуйуу сирдэрин харыстабыл күнэ
Арассыыйа — Арассыыйа страховщигын күнэ
Беларусь — Архивист күнэ
Казахстаан — Бухгалтер уонна аудитор күнэ
Түркменистаан — Кэриэстэбил күнэ
АХШ — Ньиэмэс американецтар күннэрэ
Түбэлтэлэр
[биики-тиэкиһи уларытыы]- Б. э. иннинэ 105 сыл — риимнэр Араузион таһыгар германецтартан улаханнык кыайтараллар.
- 1790 — Швейцария Женеватыгар олохтоох ювелир Якоб Швепп гаастаах ууну оҥоруу процеһын көрдөрбүт.
- 1920 — Кремльгэ Англия фантаст суруйааччыта Герберт Уэллс уонна Владимир Ленин көрсүбүттэр
- 1921 — Владивостоктан ыытыллыбыт есаул Валериан Бочкарёв үрүҥ этэрээтэ Охотскайы ылбыт. Бочкарёв баандата Халымаҕа уонна Чукоткаҕа икки сыл тухары аҥардастыы айбардаабыта.
- 1948 — Туркменистан киин куоратыгар Ашхабадка 7,3 магнитудалаах сир хамсааһына буолбут. Куорат 100 тыһыынча кэриҥэ олохтооҕуттан үс гыммыт биирэ өлбүт. Дьиэ-уот үксэ сиикэй кирпииччэнэн тутуллубут буолан сир хамсааһынын тулуйбакка урусхалламмыт. Бу аан дойду устуоруйатыгар саамай алдьатыылаах сир хамсааһыннарыттан биирдэстэрэ.
- 1962 — «Доктор Ноу» диэн Джеймс Бонд спецагент туһунан бастакы киинэ премьерата буолбут.
- 1973 — Эгипет уонна Сирия Израильга саба түспүттэр.
- 2010 — Инстаграм диэн фото уонна видео тарҕатыы, ону кытары социальнай ситим өҥөтүн оҥорор сервис төрүттэммит.
Төрөөбүттэр
[биики-тиэкиһи уларытыы]- 1887 — Ле Корбюзье — аатырбыт Франция архитектора, модерн архитектура уонна омуктар икки ардыларынааҕы истиил саҕалааччыларыттан биирдэстэрэ.
- 1923 — Яшар Кемаль — курд омуктан төрүттээх Турция реалист-прозаига, бэйиэтэ уонна быраабы көмүскээччитэ. Элбэх төгүл литэрэтиирэҕэ Нобель бириэмийэтигэр хандьытаат буолбутунан, ону кытта, тутулуга суох Курдистаны олохтооһун уонна Турцияҕа гражданскай уопсастыбаны тэрийээһин актыыбынай кыттыылааҕа буоларынан биллибит.
- 1926 — Михаил Сергеев — үйэ аҥарын кэриэтэ тутууга үлэлээбит Социалистыы Үлэ Дьоруойа.
- 1946 — Дмитрий Наумов — Ил Түмэн IV ыҥырыытын дьокутаата, 1995-2000 сыллардаахха Амма улууһун кулубата, 2000-2003 сыллардаахха Саха сирин тыа хаһаайыстыбатын миниистирэ, Амма улууһун Ытык олохтооҕо. Хас да бэчээккэ тахсыбыт кинигэлэрдээх.
Өлбүттэр
[биики-тиэкиһи уларытыы]- 1942 — Эрилик Эристиин (24.01.1892 төр.) — саха бэйиэтэ, прозаига, биир биллэр айымньыта — "Маарыкчаан ыччаттара". Кини аатынан литератуураҕа бириэмийэ олохтоммута.
- 1957 — Михаил Тимофеев-Терешкин (05.12.1883 төр.) — саха бастакы үрдүк үөрэхтээхтэриттэн биирдэстэрэ, бэйиэт, ССРС Суруйааччыларын сойууһун чилиэнэ (1944), экэнэмиис, этнограф.
- 1998 — Владимир Колбунов — cэрии иннинэ Ааллаах Үүн бириискэлэригэр, Хаҥалас шахтатыгар үлэлээбит Сэбиэскэй Сойуус Дьоруойа.