Бикипиэдьийэ диэн сиртэн ылыллыбыт
- 1880 с. Далыр нэһилиэгин таҥаратын дьиэтин Дьокуускай уонна Бүлүү епискоба Дионисий тиийэн сибэтии гыммыт.
- 1920 сыллаахха Сибревком уурааҕынан Саха уобалаһа оройуон быһыытынан Иркутскай губернияҕа бэриллибит. Максим Аммосов (Сибревком уполномоченнайын дуоһунаһыгар сылдьан) Сибревкомҥа уонна Емельян Ярославскайга бу хардыыны утарар телеграммалары ыытар. Саха сирэ уонна Иркутскай губерния сыһыаннарын дьүүллэһэр хамыыһыйа тэриллэр, сэкиритээринэн кэлин саҥа былааһы утаран ВЯОНУ бэрэстээтэлэ буолбут Георгий Ефимов үлэлиир.
- 1937 — Нам, Горнай уонна Бүлүү оройуоннар уһук сельсоветтарыттан туспа Кэбээйи оройуона тэриллибитэ. Киинэ Кэбээйи сэлиэнньэҕэ.
- 1962 — чинчийээччи Клиорина И.Л. "Кыым" хаһыакка аатырбыт Мытыйыкы уус туһунан "Л.Н. Толстой мэтириэтин көрдөөһүн" диэн ыстатыйатын бэчээттэппитэ.
- 1971 — Саха Сиринээҕи геология управлениетын (ЯТГУ) начаалынньыга Ворона И. Д. (төр. 07.11.1930) Социалистыы Үлэ Дьоруойа ааты ылбыт.
- 1994 — Саха Өрөспүүбүлүкэтин Төрүт сокуонугар кэккэ уларытыылар киирбиттэр: Үрдүкү Сэбиэт оннугар Ил Түмэн, министирдэр кабинеттара уонна премьер-министр оннугар "Бырабыыталыстыба", "Бырабыыталыстыба бэрэстээтэлэ","куорат уонна оройуон сууттара" диэн оннугар "улуус (куорат) сууттара" буолбуттара, олохтоох салайыныы сорох боломуочуйата чопчуламмыта. Ол саҕана Ил Түмэн икки балааталаах этэ: Өрөспүүбүлүкэ балаатата уонна Бэрэстэбиитэллэр балааталара. Бастакыны Е. Ларионов салайара, иккиһи - А. Илларионов.
- 2014 — уруккута сопхуос ыанньыксыта (үрдүк көрдөрүүтүн иһин Албан аат уордьанын толору кавалера буолбута), ол саҕана "Удьуор" бааһынай хаһаайыстыба салайааччыта Байаҕантай нэһилиэгин олохтооҕо Михаил Готовцев Арассыыйа Үлэҕэ дьоруойун аатын ылбыт.
- 2017 — Ойуунускай аатынан Судаарыстыбаннай бириэмийэ Кэбээйи улуһун I Лүүчүн нэһилиэгиттэн төрүттээх Саха тыйаатырын артыыһыгар Николаев Анатолий Павловичка анаммыт.
