Спортинг

Спортинг — сааннан көтөр сыаллары ытыы.

Бу Саха Сиригэр саҥа тэнийэн, сайдан эрэр спорт көрүҥэ. Бултаан-алтаан айахпытын ииттэр дьылҕаланан, аар тайҕанан, киэҥ нэлэмэн туундаранан ыырдаммыт айылҕа оҕолоро буоларбытынан, саанан бэргэнник ытыы хааммытыгар баар буоллаҕа.

Спортинг федерациятын президенинэн, бу көрүҥү иилээн-саҕалаан тэрийбит, И.К.Макаров буолар. Аҕыйах сыл иһигэр республика чемпионата, уонтан тахса республика турнира ыытылынна. Бастыҥ ытааччылар Айаал Макаров, Иван Макаров «С» категорияҕа Россияҕа миэстэлэһэн, аан дойду чемпионаттарыгар кыттыбыттара хайҕаллаах суол. «Даймонд-парк» базатыгар ыытьгллыбыт курэхтэһиилэргэ Дьокуускай, Мэҥэ-Хаҥалас, Чурапчы, Уус-Алдан, Нам, Хаҥалас, Бүлүү, Сунтаар, Ньурба, Орто Халыма кытаанах илиилээх, кыраҕы харахтаах ытааччылара кыттыбыттара. Ордук үчүгэй бэлэмнээх хамаандаларынан «Мясной двор» (А. Макаров, Нь. Бястинов, С. Петров), «Булчут» (Ф.Борисов, Г. Барашков, Н. Додо-хов), «Рекорд» (И. Макаров, Ю. Куприянов, Я.Ефимов) буолаллар.