Маһмудов, Мустафа Хадьи Муса оҕлу

Бикипиэдьийэ диэн сиртэн ылыллыбыт
Перейти к навигации Перейти к поиску
Мустафа Хадьи Муса оҕлу Маһмудов

Мустафа Хадьи Муса оҕлу Маһмудов (азерб. Mustafa Hacı Musa oğlu Mahmudov; 1878, Күрдамир — 1937 сыл ахсынньы ый 20 күнэ, Баку куорат) — азербайдьаан уһуйааччыта, Арассыыйа Империятын Иккис ыҥырыылааы Судаарыстыбаннай Дуума Баку губерниятыттан дьокутаата, Азербайдьаан омук сүбэтин сэкрэтээрэ[1].

Олоҕо[уларыт | биики-тиэкиһи уларытыы]

Арассыыйа империятын II ыҥырыылаах Судаарыстыбаннай Дума мусульман дьокутааттара. Тураллар: Маһмудов М., Тевкелев К., Зейналов З., Бадамшин Г.; олороллор: Кощегулов Ш., Хасанов М., Усманов Х., Атласов Х., Мусин Г.

Мустафа Маһмудов 1878 сыллаахха Баку губерниятын Гэокчай уеһыгар Күрдамир дэриэбинэҕэ төрөөбүтэ (билиҥҥитэ Азербайдьаан Күрдамир оройуона). Гори куоракка Закавказскай учительскэй семинарияны үөрэнэн бүтэрбитэ. Семинарияны бүтэрэн баран Баку куорат бастакы нүөмэрдээх нуучча-татаар (азербайдьаан) оскуолатыгар учууталлаабыта, онтон директор буолбута. Бу курдук Мустафа Маһмудов Баку куорат бастакы нуучча-татаар (азербайдьаан) оскуолатын директорэ этэ.

1907 сыллаахха Арассыыйа империятын Икки ыҥырыылаах Судаарыстыбаннай Думаҕа Баку губерниятыттан дьокутаакка талаллыбыта. 1917 сыллаахха Мустафа Маһмудов "Мусават" баартыйаҕа киирбитэ. 1917 сыллаахха буолбут Олунньутааҕы өрөбөлүүссүйэ кэнниттэн "Мусават" баартыйа Азербайдьааҥҥа былааска кэлбитэ. "Мусават" Арассыыйа демократик өрөспүүбүлүкэ буоларын уонна Азербайдьаан ол өрөспүүбүлэкэ автономияланарын туруосубута. 1917 сыл бэс ыйыгар "Мусават" баартыйа "Түүр федералистарын баартыйатын" кытта холбоспүта уонна "Түүр демократик федералисттар-мусавиттар баартыйалара" диэн ааттаммыта.

1918 сылтан 1919 сылга диэри Мустафа Маһмудов Азербайдьаан омук сүбэтин сэкэрэтээрэ буолбута. Ону таһынан Мустафа Маһмудов Азербайдьаан Демократ Өрөспүүбүлүкэтин парламеныгар дьокутааттаабыта.

Бакуга Сэбиэскэй былаас олохтоммутун кэнниттэн Баку куорат 132 нүөмэрдээх оскуолатыгар үлэлээбитэ. Кини 1937 сыл сэтинньи 23 күнүгэр тутуллубута уонна репрессияланан ахсынньы 20 күнүгэр ытыллыбыта.

Мустафа Маһмудов Сафура-ханым диэн ааттаах биир кыыстаах этэ.

Эбии көр[уларыт | биики-тиэкиһи уларытыы]

Быһаарыылар[уларыт | биики-тиэкиһи уларытыы]

  1. Махмудов Мустафа-Гаджи


Сигэлэр[уларыт | биики-тиэкиһи уларытыы]