Макаров Олег Григорьевич

ССРС маарката: «Космонавтар В. А. Джанибеков уонна О. Г. Макаров „Союз-27“ космос комплексыгар көтүүлэрэ — „Салют-6“ — „Союз-26“» (1979, 4 харчы, ЦФА №  4972, Скотт №  4758)

ССРС маарката: «Космонаавтар Л. Д. Кизим, Г. М. Стрекалова уонна О. Г. Макаров „Союз Т-3“ транспортыыр хараабылынан көтүүлэрэ» (1981, 10 харчы, ЦФА №  5169, Скотт №  4920)

Оле́г Григо́рьевич Мака́ров (тохсунньу 6, 1933, Удомля, Тверь уобалаһа (ол саҕана — Москуба уобалаһа), ССРС — ыам ыйын 28, 2003) — сэбиэскэй космонавт, икки төгүллээх Сэбиэскэй Сойуус Дьоруойа.

Олоҕо

Удомля сэлиэнньэҕэ (билигин Тверь уобалаһын куората) тохсунньу 6 күнүгэр 1933 сыллаахха байыаннай кэргэнигэр төрөөбүт. Нуучча.

1957 сыллаахха Москубатааҕы Н. Э. Бауман үрдүкү техника училищетын бүтэрбит, Королев конструктор бюротугар — ОКБ-1 үлэлээбит, бастакы киһилээх хараабыллары айарга кыттыбыт.

1966 сыллаахтан космонаавтар этэрээттэригэр киирбит, космоска көтүү уопсай кууруһун, Сойуус хараабылларынан көтүү уонна Ыйга көтүү куурустарын бүтэрбит.

1961 сыллаахтан ССКП чилиэнэ. ССКП XXVI сийиэһин дэлэгээтэ.

Ыам ыйын 28 күнүгэр 2003 сыллаахха сүрэҕинэн ыалдьан өлбүт. Москубаҕа Останкинотааҕы кылабыыһаҕа көмүллүбүт.

Дьиэ кэргэнэ

• Аҕата — Макаров Григорий Васильевич.
• Ийэтэ — Макарова (Зверева) Ольга Степановна.
• Балта — Бундзен (Макарова) Нинель Григорьевна.
• Ойоҕо — Макарова (Солдатова) Валентина Ивановна.
• Уола — Макаров Леонид Олегович.
• Уола — Макаров Константин Олегович.

Наҕараадалара уонна ытык ааттара

• Иккитэ Сэбиэскэй Сойуус Дьоруойун «Кыһыл Көмүс Сулус» мэтээлинэн.
• Түөртэ Ленин уордьанынан.
• «Күөх Ниил» уордьан (Эфиопия).
• ССРС лүөччүк-космонааба.
• Джезказган (Казахстан), Ровно (Украина), Дьокуускай (Арассыыйа) куораттар ытык олохтоохторо.
• Дьокуускай куорат ытык киһитэ (1977)

Мэҥэ

• Сэбиэскэй Сойуус икки төгүллээх дьоруойа Макаров О. Г. боруонса бүүһэ дойдутугар Удомля куоракка туруоруллубута.

Классноһа

• 3-с кылаастаах Космонавт-испытатель (сэтинньи 29, 1973).
• 2-с кылаастаах Космонавт-испытатель (тохсунньу 2, 1976).
• 1-кы кылаастаах Космонавт-испытатель (муус устар 28, 1979).

Эбии көр

• Союз-12
• Союз-17
• Союз-18а
• Союз-27
• Союз Т-2
• Союз Т-3
• «Мир» орбита станцията

Сигэлэр

 Макаров Олег Григорьевич. Cитим-сир «Герои Страны».

• Олег Григорьевич Макаров: Биография(нууч.). Тургутулунна алтынньы 1, 2008.
• ССРС уона Арассыыйа космонаавтарын тиһигэ(нууч.). Тургутулунна алтынньы 1, 2008.