Баснаев Петр Николаевич

Баснаев Петр Николаевич

Баснаев Петр Николаевич — П. А. Ойуунускай аатынан Саха академическай театрын артыыһа, театр уонна киинэ артыыһа, туруорааччы режиссер.

Олоҕун олуктара

• 1960 сыллаахха кулун тутар 27 күнүгэр Алексеевскай оройуон (билигин Таатта улууһа) Боробул с. төрөөбүт. Аҕата Николай Михайлович Баснаев сопхоска пилормщикаабыт, кыладыапсыктаабыт, мас ууһа киһи эбит. Тойуктуурун сөбүлүүрэ диэн артыыс ахтар. Ыалга сэттэ оҕолоохтор эбит. Петр биир убайа баянист, иккис убайа Москубаҕа эстрада мастарыскыайын бүтэрэн баран «Чороон» ВИА-ҕа солистаабыт.
• Орто оскуоланы бүтэрэн баран сопхуоска биир сыл үлэлээбит онтон аармыйаҕа икки сыл сулууспалаабыт. Онтон ыраһыт убайын сүбэтинэн М. С. Щепкин аатынан Үрдүкү Москватааҕы театральнай училище саха студиятын театр уонна киинэ артыыһын идэтигэр иккис кууруска киирбит (ол сыл эбии наборга 4 миэстэ тахсыбыт эбит). Онно Матрена Корниловалыын билсибит, кэргэннэммиттэр, кыыс оҕоломмуттар. 1985 сыллаахха үөрэнэн бүтэрбит.
• 1985 сылтан — П. А. Ойуунускай аатынан Саха академическай театр артыыһа. 2012 сыллаахтан кэргэнинээн Матрена Корниловалыын сүрүн үлэлэрин таһынан Олоҥхо тыйаатырыгар үлэлээбиттэр. Киинэҕэ бастакы оруолун Геннадий Багынанов «Төлөрүйүү» диэн киинэтигэр оонньообут.

Мосфильмҥа режиссер Владимир Тумаев «Белый ягель» киинэтигэр кэргэнинээн Матрёналыын уонна Саха тыйаатырын атын артыыстарын кытта (Ефим Степанов, Галина Тихонова уонна Ирина Михайлова) бииргэ оонньообут.

Айар үлэтэ

Театрга оонньуур сүрүн оруоллара

• Кириинньэ («Сүрэҕэ суох», Суорун Омоллоон)
• Смертник («Седьмой ангел», С. Ермолаев)
• Иирбит Ньукуус («Мной оставленные песни», В. Протодьяконов)
• Солдат («Танцплощадка», А. Борисов)
• Сорук Боллур («Улуу Кудаҥса», П. Ойуунускай)
• Треплев («Чайка» А. Чехов)
• Труффальдино («Привет, синьоры», Гольдони)
• Дыгыйдаан Бөҕө («Кыыс Дэбилийэ»)
• Ураанньык Ойуун («Наара Суох,» И. Гоголев)
• Макбет («Макбет», Э. Ионеско)
• Сан Саныч («Аанньаллар ытаабаттар», Д. Привалов)
• Анньыһар Боотур («Дыгын Дархан», И. Гоголев)
• Максим Аммосов («Көмүөл», В. Васильев — Харысхал)

Театр сценатыгар туруоруулара

• «Кустук» (Н. Лугинов), 2003

Киинэҕэ оонньообут оруоллара

• «Срединный мир», реж. А. Романов
• «Сэттээх сир», реж. С. Ермолаев
• 2022, Проклятие: Мёртвая земля (реж. Степан Бурнашев) — Егор
• 2021, "Холодное золото" (реж. Петр Хики) Савва Попов оруола
• 2017, "Чувак" (реж. Владимир Мункуев)
• 2014, "Белый ягель"
• 2009, "Тайна Чингис-Хаана" (реж. Андрей Борисов)

Наҕараадалара уонна ытык ааттара

• Саха Өрөспүүбүлүкэтин үтүөлээх артыыһа (2000)
• «Гражданскай килбиэн» ураты Бэлиэ (2010)
• Саха Өрөспүүбүлүкэтин Норуодунай артыыһа

Сигэлэр

• Саха Академический Театр им. П. А. Ойунского:Петр Баснаев