Ермолаев Семен Никонович

Бикипиэдьийэ диэн сиртэн ылыллыбыт
Перейти к навигации Перейти к поиску

Ермолаев Семен Никонович (Сиэн Өкөр) — драматург, киносценарист, суруйааччы, суруналыыс.

Олоҕун олуктара[уларыт | биики-тиэкиһи уларытыы]

  • 1960 сыллаахха балаҕан ыйын 9 күнүгэр Мэҥэ-Хаҥалас оройуонугар Павловскайга төрөөбүтэ.
  • Оскуоланы бүтэрээт төрөөбүт совхоһугар үлэлээбит.
  • 1977 сыллаахха Ленинградтааҕы киноинженердар институттарыгар туттарсан киирбит. Үөрэҕин бүтэрээт, өрөспүүбүлүкэ киинэтин систематыгар инженерынан үлэлээбит.
  • 1984 сылтан Саха Гостелерадиотыгар литературнай уус-уран биэриилэр редактордара.
  • 1999 сылтан Россия суруйааччыларын чилиэнэ.

Айар үлэтэ[уларыт | биики-тиэкиһи уларытыы]

1984 сылтан өрөспүүбүлүкэ хаһыаттарыгар литератураны ырытар ыстатыйалара бэчээттэнэллэр.
Бастакы «Булт» пьесата 1985 сыллаахха Саха телевидениетынан телеспектакль быһыытынан көстүбүтэ. Нөҥүө сылыгар «Старая игрушка» диэн ааттаах уус-уран телекиинэтэ уһуллубут. 1988 сыллаахха П. А. Ойуунускай аатынан драма театрыгар «Киин улуустарга ардах түһэрэ сабаҕаланар» спектакль туруоруллубута. 50-н тахса драма айымньыларын суруйбута. «Сахафильм»-ҥа 10-н тахса уус-уран киинэни уһулбут.

Театрга туруоруллубут айымньылара[уларыт | биики-тиэкиһи уларытыы]

  • «Үлүһүйүү» (Эдэр көрөөччүлэр театрдара, режиссер Александр Титигиров)
  • «Алаас ортотугар соҕотох бэс» (В. Николаев аатынан Сунтаар норуодунай театра, режиссер Т. Заровняева)
  • «Дириҥ»
  • «Абырах»
  • «Хаччаанай өтөҕө»
  • «Кураан кэнниттэн ардах»
  • «Дьаҥ»
  • «Халлаан арыллар кэмигэр»
  • «Суолга туманнаах сарсыарда»

2018 сыл. Халлаан арыллар кэмигэр. П.М решетников аатынан Чурапчытааҕы народнай театр(туруорааччы эдэр режиссер Аркадий Васильев)

«ӨКӨР ФЕСТ» фестиваль[уларыт | биики-тиэкиһи уларытыы]

2012 сылтан Ермолаев С. Н. — Сиэн Өкөр айымньыларын саха норуодунай театрдарын фестивальлара ыытыллар. Бастакы фестивальга 9 норуодунай театр кыттыыны ылбыт: В. Николаев аатынан Сунтаар норуодунай театра, Дириҥ (Чурапчы улууһа) норуодунай театра, Ороһу (Үөһээ Бүлүү улууһа) норуодунай театра, Хатас норуодунай театра, Нөмүгү (Хаҥалас улууһа) норуодунай театра, Өктөм (Хаҥалас улууһа) норуодунай театра, Амма норуодунай театра, Бэрдьигэстээх (Горнай улууһа) норуодунай театра уонна В. Свинобоев аатынан Суотту (Уус-Алдан улууһа) норуодунай театра.
Фестиваль кылаан бирииһин (гран-при) В. Николаев аатынан Сунтаар норуодунай театра туруорбут «Алаас ортотугар соҕотох бэс» (режиссер Татьяна Заровняева, Саха Өрөспүүбүлүкэтин культуратын туйгуна) спектакль ылбыт.

Документальнай киинэлэрэ[уларыт | биики-тиэкиһи уларытыы]

2012 сыллаахха Дьокуускайга «Улахан оһуохай түһүлгэтэ» уонна Ньурбаҕа «Уһун кэмнээх оһуохай» диэн аан дойду рекордарын туруоруллуутун туһунан режиссер-оператор Эдуард Новиковы кытта 26 мүнүүтэлээх документальнай киинэ оҥорон бэлэмнээбит[1].

Наҕараадалара уонна ытык ааттара[уларыт | биики-тиэкиһи уларытыы]

Библиография[уларыт | биики-тиэкиһи уларытыы]

  • Кураан кэнниттэн ардах: Кино-сценарийдар, пьесалар. — Дьокуускай: Бичик, 1995. — 192 с.
  • Алаас ортотугар соҕотох бэс: Пьесалар. — Москва: Айыына, 2000. — 203 с.

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]