Добрынин Прокопий Иванович

Добрынин Прокопий Иванович

Добрынин Прокопий Иванович — Саха сириттэн төрүттээх бастакы идэтийбит скульптор.

Дьокуускайга олунньу 28 күнүгэр (эргэнэн кулун тутар 13) 1909 с. төрөөбүт. 1922 сыллаахха бүтүн арассыыйатааҕы художественнай техническэй институуту (ВХУТЕИН) Москваҕа бүтэрбит. Онтон 1936 с. Художество академиятын Ленинградтааҕы живопись, скульптура уонна архтектура институутун бүтэрэр. Үөрэҕин бүтэрэн баран Москваҕа үлэлии хаалар. Сэрии иннинээҕи айымньылара дойдуну көмүскээһин уонна күөн-күрэс тиэмэлэригэр анаммыттара, аатырбыт ВДНХ-га скульптууралары оҥорор. 1941 с. сэриигэ барар. Сэрии кэнниттэн сэрии кыттыылаахтарыгар аналлаах станковай портреттары онорор. Олортон биллибиттэрэ «На привале», «Сэбиэскэй Сойуус дьоруойа Ишутин портрета», «Бартыһаан рахведчик Ваня Лунь портрета» буолаллар.

Сэрии кэнниттэн ВДНХ-га биллиилээх архитектор Топуридзе ны кытта икки монументальнай мозаикалаах фонтан оҥорор: Бажов остуоруйаларын матыыбыгар «Каменный цветок» (1952—1954 сс.) уонна «Золотой колос» (1951—1953). Бу үлэлэрин иһин Художество академиятын Кыра кыһыл көмүс мэтээлин ылар.

Элбэх үлэтэ Саха сирин кытта ситимнээх. Добрынин саха орнаменын дириҥник билэр киһинэн ааҕыллара. Хас да олоҥхо уонна саха остуоруйаларын сюжеттарыгар аналлаах үлэлээх. Улахан муостаҕа турар чорооннору оҥорбута, фарфортан уонна фаянстан иһиттэри айбыта.

Үлэлэрэ

Булчут саха, 1963 сыл

Москваҕа "Каменный цветок" фонтан 1952-1954 сыллар

• «Портрет народного художника Якутии П. П. Романова», 1947;
• «Туйаарыма Куо», 1955, фарфор;
• «Олонхосут», 1955, майолика;
• «Якутка с песцом», 1955, майолика;
• «Портрет Л. М. Габышева», 1955, бронза;
• «Навеки вместе», 1957, фарфор;
• «Портрет народной артистки России А. И. Егоровой», 1960, мрамор;
• «Пой, шаман, солнцу!», 1961, майолика;
• «Портрет певицы Анегины Ильиной», 1961, бисквит;
• «Якут-охотник», 1963, мрамор).

Добрынин 100 саастах юбилейын выставткатын афишата

• фонтан «Каменный цветок» (1952—1954)
• фонтан «Золотой колос» (1951—1953; архитектор К. Т. Топуридзе)

• «Иван-царевич», 1947;
• «Ненаписанная сказка», 1956;
• «Чурумчуку», 1957;
• «Конек-горбунок», 1961.

• Композиция «Полевой Цветок с женихом Бэргэном» (1959)

Скульптор алтынньы 9 күнүгэр 1966 с. Москваҕа өлбүтэ. Дьокуускайга Үрүҥ күөл үрдүнээҕи хайаҕа көмүллүбүтэ.

Сигэлэр

Национальнай художественнай музей

Ылыллыбыт сирэ

• "Вторник" хаһыат, №18 (1111) 12.05.2009
• Выставка к 100-летию скульптора П.И. Добрынина Архыыптаммыт 2014, Олунньу 22 күнүгэр.