Бикипиэдьийэ:Ойуулар

Бикипиэдьийэ диэн сиртэн ылыллыбыт

Ыстатыйаҕытын ойууннан киэргэтиэххитин баҕардаххытына бастаан ол ойуугутун Биики ыскылаатыгар эбэтэр бикипиэдьийэҕэ бэйэтигэр киллэриэхтээххит.

Биики ыскылаатыгар киллэрэр ордук - оччоҕо ол ойууну ханнык баҕарар бырайыакка туһанар кыах баар буолуо (атын тылынан тахсар биикигэ, бикитиэкэҕэ иҥин).

Хантан ылабытый[биики-тиэкиһи уларытыы]

Баҕар ойуу хайыы-үйэ баара буолуо. Көрдөөн көр.

Өскө табыгастаах ойуу көстүбэтэҕинэ:

  • Хаартысканы Бэйэҥ түһэрэриҥ ордук. Сыыппара аппараатынан түһэрэн быһа угуохха сөп, биитэр көннөрү пленкалаах аппараатынан түһэрэн баран скаанердаан ылыахха сөп.
  • Ыстатыйаҕар туох эрэ схема дуу чертеж дуу наада буолла5ына эмиэ Бэйэҥ ханнык эрэ графика бырагыраамматыгар оҥороруҥ ордук. Нуучча биикитигэр Графика мастарыскыайа баар. Онно баар дьону көрдөһөн оҥотторуоххун сөп.
  • Атын ситим-сирдэртэн эбэтэр кинигэ ойуутун ылар буоллаххына, онтуҥ үтүөҕэ туттуу киритиэрийдэригэр эппиэттир буолуохтаах. Эбэтэр ол ойуу бар дьон бас билиитигэр киирбит буолуохтаах.
  • Өскө Бэйэҥ сатаан ойуу укпатаххына ыстатыйаҕар маннык халыыбы олордуоххун сөп {{Ойуута суох}}. Оччоҕо ким эмит кэлин манна бэйэтин ойуутун угуо.

Көрдөбүллэр[биики-тиэкиһи уларытыы]

Ойуу хас да көрдөбүлгэ эппиэттиэхтээх:

  • Ааптар быраабын тутуһуу: Атын киһи бас билэр ойуутун көҥүлэ суох хаһан да угума угума.
  • Ойуулар сөптөөх формааттаах буолуохтаахтар:
  • Киллэриллэр ойуу төһө кыалларынан үрдүк хаачыстыбалаах буолуохтаах. Бикипиэдьийэҕэ угуллар биир билэ муҥутуур кээмэйэ 100 мегабаайка тэҥ, онон сиэрбэргэ угаргытыгар кыччата сатаама! Ол оннугар ыстатыйаҕа угарга кээмэйин уларытан биэрээр. Билэ кыччатыллыбыт барыла 35 килобаайтан кыра буоларын ситиһэ сатаа (улааппыта 70 килобаайт).
  • Ойууга бэйэтин иһигэр сурук уга сатаама. Ойууну быһаарар суругу кэлин ыстатыйаҕа ойуу анныгар суруйар ордук. Бу атын омук тылынан ыстатыйаларга Эн ойуугун туһанарга хааччаҕы оҥоруо суоҕа.
  • Ханнык баҕарар ойуу ол ойуу туһунан тус сирэйдээх, ону Эн толоруохтааххын. Онно хантан ылбыккын, ойуу лиссиэнсийэтин туһунан хайаан да суруйуохтааххын.

Ааптар — фотограф эбэтэр худуоһунньук — аата баара бэрт буолуо этэ. Ойууга ким-туох көстөрүн быһааран суруйар эмиэ туһалаах буолар. Кылгастык. Хас да тылынан суруйуохха сөп.

Ойууну бикипиэдьийэҕэ киллэрии[биики-тиэкиһи уларытыы]

Бикипиэдьийэҕэ бэлиэтэммитэ 14 хонуктан ордубут, 20 көннөрүүнү оҥорбут эрэ киһи билэлэри суруттарар кыахтаах. Ити кэм иһигэр кыттааччылар киллэрии сиэрин кытта үчүгэйдик билсэллэр. Ол эрээри Биики ыскылаакка быһаччы киирэн бастакы күньтэн уган киирэн барар көҥүллэнэр.

«Аһаҕас» ол эбэтэр, бар дьон бас билиитигэр сылдьар ойуулары, Бэйэҥ оҥорбут ойууларгын Бикипиэдьийэҕэ буолбакка Биики ыскылаатыгар киллэрэр ордук. Оччоҕо ол ойуулары Бикимиэдьийэ Пуондатын бары бырайыактарыгар туһанар кыах баар буолар.

Атын, туох эрэ хааччахтаах, ол эрээри Эн санааҕар хайаан да бикипиэдьийэҕэ баар буолуохтаах ойуулары Саха Бикипиэдьийэтигэр угуоххун сөп.

Оччоҕо {{Көҥүл туттуллубат билэ}} диэн халыыбы туруораҕын, маны таһынан дьон хаартыскатыгар {{Personality rights}} диэн халыыбы туруорар наада.

Хайдах угар туһунан манна сиһилии сурулла сылдьар. Билэ аатыгар УЛАХАН уонна кыра буукубалар атын атыннар. Биир ааттаах атын ойууну уктахха эргэ ойуу көннөрүү устуоруйатыгар хаалан хаалар (син биир тиэкиһи уларытарга хааларын курдук). Өскө эргэ барылы отой суох гыныаххын баҕардаххына дьаһабылга этээр.

Сыыһа ааттаммыт билэни аатын уларытыахха сөп. Бикипиэдьийэ:Аат уларытыы көр.

Билэлэри киллэрии билэлэри киллэрии сурунаалыгар суруллар. Урут киллэриллибит билэлэри бу тиһиккэ эбэтэр бу галереяҕа көрүөххэ сөп, эбэтэр Категория:Бикипиэдьийэ:Билэлэр көрүөххэ сөп.