Чириков Василий Семенович

Бикипиэдьийэ диэн сиртэн ылыллыбыт

Чириков Василий Семенович (03.11.1944 с. -24.09.2000 с. )— Саха Өрөспүүбүлүкэтин үтүөлээх учуутала, ССРС үөрэҕириитин туйгуна(1985 с.),РСФСР үөрэҕэриитин туйгуна (1979 с.), Үөһээ Дааҥы оройуонун Бочуоттаах олохтооҕо (1994 с.), Аан дойдутааҕы "Саха-Азия оҕолоро» пуонда стипендиата этэ, 1996 с. ыытыллыбыт хомус охсооччулар күрэхтэрин лауреата. Саха сиригэр черчение хамсааһына сайдарыгар сүҥкэн оруоллаах , Үөһээ Дьааҥы ытык киһитэ. Кини Үөһээ Дьааҥы оройуонун Бөтөҥкөс бөһүөлэгэр төрөөбүтэ. Намнааҕы педагогическай училищены 1967 с. бүтэрбитэ, ол кэннэ өлүөр диэри Адыаччы орто оскуолатыгар черчение, уруһуй, үлэ уруогун учууталынан үлэлээбитэ. Үрдүк категориялаах учуутал. Учуутал-маастар, учуутал-методист. Үөрэнээччитин уонна кэллиэгэтин Н.С. Стручкову кытта "Уһуйаан " оскуола- студияны тэрийбиттэрэ. Кини үлэтин уопута "Народное образование" (1988 с.) диэн Россия сурунаалыгар уонна "Мастера педагогического труда Верхоянья" методическай брошюраҕа (1996 с.), өрөспүүбүлүкэтээҕи уонна оройуоннааҕы хаһыаттарга сырдатыллыбыта. Бэйэтэ туспа суоллаах-иистээх улахан уус быһыытынан киэҥник эмиэ биллибитэ. Ордук тимиргэ, хомус охсуутугар ситиһиилэрин үгүс республикатааҕы быыстапкаҕа кыттыыта туоһулуур. Кини охсон оҥорбут хас да хомуһа Дьокуускайдааҕы хомус түмэлигэр хараллан быыстапкаҕа тураллар. Кини аата нууччалыы уонна сахалыы тылынан суруллубут кинигэлэргэ киирбитэ:

  • "Педагогическая энциклопедия". 1 том;
  • "Трудовая слава Якутии: почетные граждане республики Саха (Якутия)"
  • "Чириков Василий Семенович",2009 с. (таҥан оҥорооччу - Ущницкая Л.В.)

Көмүс уҥуоҕа төрөөбүт, олорбут уонна өлбүт сиригэр кистэммитэ.

Кини аатын Адыаччы орто оскуолата 2008 сыл кулун тутар 25 күнүттэн сүгэр[1].

Быһаарыылар[уларыт | биики-тиэкиһи уларытыы]

  1. О присвоении имени... Архыыптаммыт 2016, Кулун тутар 5 күнүгэр. СӨ Бэрэсидьиэнин ыйааҕа