Винокуров И.Е. аатынан Намнааҕы педагогика кэллиэһэ

Бикипиэдьийэ диэн сиртэн ылыллыбыт
Перейти к навигации Перейти к поиску
Намнааҕы Винокуров И.Е. ааттынан технология уонна дизайн педагогика колледжа

Винокуров И.Е. аатынан Намнааҕы педагогика кэллиэһэ (урукку аата Намнааҕы педагогика училищета) - үлэ уонна уруһуй учууталларын бэлэмниир орто үөрэх тэрилтэтэ.

1963 сыллаахха Нам улууһун Нам сэлиэнньэтигэр Намнааҕы оскуола-интэриниээт оннугар аһыллыбыта. Ол туһунан РСФСР үөрэҕин миниистирин бирикээһэ 1963 сыл атырдьах ыйын 19 күнүгэр тахсыбыта. Бастаан училище начаалынай кылаас учууталларын 7 кылааһы бүтэрбит оҕолортон бэлэмниир этэ, ону тэҥэ учуутал идэлээх дьону 10 ыйдаах кууруска ылан математика учууталларын бэлэмниирэ. Бастакы сыл 60 оҕо Намҥа бэйэтигэр үөрэнэ киирбит, эбии 30 оҕо Бүлүү училищетыгар эксээмэн туттаран кэлбиттэр. Физика-математика бастакы кууруһун 1964 сыллаахха 22 киһи бүтэрбит[1]. Алын кылаастар учууталларын бэлэмниир отделение 1970 сыллаахха сабыллыбыта.

2002 сыл муус устар 26 күнүгэр үөрэх кыһата СӨ бэрэсидьиэнин ыйааҕынан Нам улууһуттан төрүттээх саха уһулучулаах судаарыстыбаннай диэйэтэлэ Винокуров Илья Егорович аатын сүкпүтэ.

Училище дириэктэрдэрэ[уларыт | биики-тиэкиһи уларытыы]

Араас сылларга училищеҕа үлэлээбиттэрэ үтүөлээх учуутал Гаврильева Р.Н., үөрэҕирии туйгуннара Азарова В.П., Шапошникова В.П., худуоһунньуктар холбоһуктарын чилиэнэ Крылов К.К. Ону таһынан Местникова К.Ф., Бережнов Н.И., Крылова В.П., Яковлева К.П. уонна да атыттар.

Билигин Намнааҕы Винокуров И.Е. ааттынан технология уонна дизайн педагогика колледжа диэн ааттаах

Өссө маны көр[уларыт | биики-тиэкиһи уларытыы]

Ылыллыбыт сирэ[уларыт | биики-тиэкиһи уларытыы]

  • Энциклопедия Якутии. Якутск, 2000.
  • И.Д. Пантелеева, Н.В. Гусева. Учитель, которого ждут - Дь.: Медиа-холдинг "Якутия". 2013. - 192 сир.