Сон Степан Александрович
Сон Степан Александрович, (01.01.1934–18.08.2012), хапсаҕайга Саха АССР спордун маастара, Элгээйи нэһилиэгин бочуоттаах олохтооҕо.
Олоҕун олуктара[уларыт | биики-тиэкиһи уларытыы]
1931 с. - Үөһээ Бүлүү оройуонугар төрөөбүтэ.
1952-1956 сс. - Дьокуускайдааҕы педагогическай училищеҕа үөрэнэр. Бу сылларга туризмҥа, гимнастикаҕа, чэпчэки атлетикаҕа, хайыһарга, көҥүл тустууга уонна хапсаҕайга, гиирэҕэ уонна ытыыга, остуол тенниһигэр, волейболга, баскетболга 1-2 разрядтаах спортсмен буолбута.
1972 с. - Иркутскайдааҕы педагогическай институту "Педагогика и методика начального обучения" идэтин ылан бүтэрбитэ. Педагогическай үлэтин 1956 с. Үөһээ Бүлүү Далыр оскуолатыгар физкультура учууталынан саҕалаабыта.
1957-1959 сс. - Сунтаар орто оскуолатыгар физическэй иитии учууталынан үлэлээбитэ.
1959-1982 сс. - Элгээйи орто оскуолатын учууталынан үлэлээбитэ.
Степан Александрович Сунтаар оройуонун спортивнай чиэһин республика уонна Бүлүү зонатын элбэх күрэхтэһиилэригэр көмүскээбитэ. Саха АССР спордун маастара, хас да төгүллээх чемпиона.
Степан Александрович Сунтаар оройуонун спордун сайдыытыгар улахан өҥөлөөх. Кини иитиллээччилэрэ, ССРС спордун маастара Петр Попов, Альберт Захаров, Алкивиад Иванов Россия чемпионнара буолаллар. Элбэх ССРС, Саха АССР спордун маастардарын уонна спорт маастарыгар кандидаттары иитэн таһаарбыта. Саха сирин чемпионнара Владимир Данилов, Николай Николаев, Анатолий Амбросьев ааттара республика тас өттүгэр биллэр. Степан Александрович үөрэнээччилэрэ Валерий уонна Петр Уаровтар, Николай Николаев, Яков уонна Анатолий Амбросьевтар уонна да атыттар бэйэлэрин идэлэрин физическэй культура өттүнэн талбыттара[1].
Наҕараадалара, ытык ааттара [уларыт | биики-тиэкиһи уларытыы]
- Саха АССР спордун маастара.
- Элгээйи нэһилиэгин бочуоттаах олохтооҕо.
Быһаарыылар[уларыт | биики-тиэкиһи уларытыы]
- ↑ Книга педагогической славы Сунтарского улуса / Упр.образования Сунтар.улуса, Информ-метод.центр Сунтар.упр.образования ; редкол П.А.Потапов и др. – Якутск : ОАО «Медиа-Холдинг «Якутия», 2010
|
Бу күөн-күрэскэ сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп. |
 |
Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |