Скобелев Спиридон Данилович

Бикипиэдьийэ диэн сиртэн ылыллыбыт

Скобелев Спиридон Данилович — Саха сиригэр Гражданскай сэрии кыттыылааҕа, Аҕа дойду Улуу сэриитин кыттыылааҕа.

Марха улууһун Кукаакы нэһилиэгэр 1899 сыллаахха төрөөбүт. Новочеркасскай куоракка кавалеристар куурустарын бүтэрэн баран Уһук Илини дьоппуон сэриилэриттэн босхолуурга кыттыбыт. Именной сэрии сэбинэн наҕараадаламмыт. 1922 с. Нестор Каландарашвили этэрээтин кытта Саха сиригэр кэлбит. Отдельнай национальнай ротаҕа взвод хамандыырынан сылдьыбыт.

1927 сыллаахха Бүтүн Саха сиринээҕи үлэһит уонна кыһыл аармыйа дьокутааттарын сийиэһин дэлэгээтэ.

Марха улууһун исполкомун бэрэстээтэлинэн үлэлээбит.

1942 сыллаахха Сталинград аттыгар Грачев баалката диэн сиргэ хорсуннук охтубут. Манна өлбүттэри Кузьмичи бөһүөлэккэ баар бырааттыы ииҥҥэ көмпүттэрэ. Герасим Васильев суруйуутунан бу уҥуохха Алексеев Яков Иванович, Санников Яков Иванович, Афанасьев Степан Степанович, Кангаласов Алексей Иванович уонна да атыттар, барыта Ньурбаттан сэттэ уонча киһи уҥуохтара көмүллэ сыталлар[1].

Быһаарыылар[уларыт | биики-тиэкиһи уларытыы]

  1. Сталинграды көмүскэспит буойуннар. Г. И. Васильев — Дьокуускай, Бичик, 2013