Рыкунов Николай Михайлович

Бикипиэдьийэ диэн сиртэн ылыллыбыт
Перейти к навигации Перейти к поиску

Рыкунов Николай Михайлович (1936.11.23 - 1995.04.08) - хоһоонньут. 1985 сылтан ССРС СС (Суруйааччылар Союзтарын) чилиэнэ.

Нам улууһун Бастакы Хомустаах нэһилиэгэр төрөөбүтэ. Оскуоланы бүтэрэн баран Сэбиэскэй Сэриигэ сулууспалыыр. 1959 сыллаахха Дьокуускайдааҕы педагогическай училищеҕа үөрэнэр, 1964 сыллаахха СГУ устуоруйа-тыл факультетын саха салаатын бүтэрэр. Мэҥэ Хаҥаласка Дьабыыл оскуолатыгар үөрэтээччинэн үлэлиир. 1965 сылтан Нам улуустааҕы хаһыатыгар үлэлиир, онтон редактор солбуйааччыта буолар, түмүгэр редактордыыр .

Кини хоһоонноро аан маҥнай 1954 сыллаахха "Эдэр коммунист" хаһыакка тахсыбыттара. 1962 сыллаахха "Хатыҥ ырыата" диэн бастакы хомуурунньуга тахсар. Н. Рыкунов "Дьол сулуһа", "Кэбиһиилээх оттор", "Стойбище стихов" уо.д.а. хомуурунньуктар ааптара.

1982 сыллаахха "Лыжный след" диэн ньууччалыы тылынан хомуурунньуга тахсар (С. Кузнецова тылбааһа). Хоһоонньут БАМ туһунан хоһооннордоох, поэмалары да суруйара.

Кинигэлэр[уларыт | биики-тиэкиһи уларытыы]

  • Хатыҥ ырыата. Хоhооннор, поэма. - Дьокуускай, 1962.
  • Дьол сулуһа. Хоhооннор, поэмалар. - Дьокуускай, 1969.
  • Кэбиһиилээх оттор. Хоhооннор, поэмалар. - Дьокуускай, 1975.
  • Лыжный след. Стихи. / Пер.С.Кузнецовой. - Якутск, 1982.

Сигэлэр[уларыт | биики-тиэкиһи уларытыы]