Каландаришвили Нестор

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Нестор Александрович Каландаришвили

Каландарашвили Нестор Александрович (1876, бэс ыйын 26, Кутаиси күбүөрүнэтэ – 1922, кулун тутар 6, Дьокуускай), сорох оччотооҕу дөкүмүөннэргэ Карандашвили диэн суруллар - Саха сиригэр Гражданскай сэрии кыттыылааҕа. Анархист.

1892 сылга дылы Кутаиси гимназиятыгар, онтон Тифлиска учуутал сэминээрийэтигэр үөрэммит. 1895 – 1897 сс. аармыйаҕа сулууспалаабыт. Аармыйа кэнниттэн сэминээрийэҕэ салгыы үөрэнэр.

1903 сылга Гури бааһынайдара өрө турууларыгар кыттыһар. 1907 сыллаахха Сибииргэ ыытыллыбыт. 1917 сылтан анархист-коммунист, кыһыллар диэки буолбута. 1918 сылга Центросибиир этэрээттэр командующайдара этэ. Кини этэрээтэ Амма кытылыгар кэлбит, онтон үөһээ Өлүөнэ бартыһаанныы фронт командующайа буолбут.

1920 сыл ахсынньытыгар Саха уобалаһын уонна Хотугу кыраай кыһыллар сэриилэрин тойоно (командующай). Кулун тутар 6 күнүгэр 1922 сыллаахха Дьокуускайга киирэн иһэн Табаҕа аттыгар этэрээтин кытта тоһуурга түбэһэн өлбүт. 1918 сыллаахха кини Сибииргэ бартыһаанныыр этэрээтигэр сылдьыбыта биллэр. "Сибирский дед" диэн уус уран киинэҕэ көстөн ааһар.


Наҕараадалара[уларыт | биики-тиэкиһи уларытыы]

Кыһыл Сулус уордьана

Кэриэс[уларыт | биики-тиэкиһи уларытыы]

Дьокуускайга кини аатын киин уулуссалартан биирдэстэрэ сүгэр.

ИркутскайДьокуускайЛенскэйУлан-УдэУсть-Кут уонна атын куораттар уулуссалара кини аатынан ааттаммыттара. 

Дьокуускай – Покровскай суолга пааматынньык турар. 

Дьокуускайга «Каландаришвили» диэн оҕо лааҕыра баар.