Иһинээҕитигэр көс

Егоров Николай Васильевич

Сигэни эп
Бикипиэдьийэ диэн сиртэн ылыллыбыт
Николай Васильевич Егоров
Үлэтэ:

учуутал, методист

Төрөөбүт күнэ:

3 ахсынньы 1903({{padleft:1903|4|0}}-{{padleft:12|2|0}}-{{padleft:3|2|0}})

Төрөөбүт сирэ:

Куорамыкы, Иккис Үөдүгэй нэһилиэгэ, Бүлүү уокуруга,
Саха уобалаһа

Дойдута:

Россия империята Россия империята → ССРС ССРС

Өлбүт күнэ:

12 кулун тутар 1982({{padleft:1982|4|0}}-{{padleft:3|2|0}}-{{padleft:12|2|0}}) (78 сааһыгар)

Наҕараадалара:
Ленин уордьанаҮлэ Кыһыл Знамятын уордьанаОрден Красной Звезды
«Хорсунун иһин» мэтээл — 1943«Хорсунун иһин» мэтээл — 1944«Бойобуой өҥөлөрүн иһин» мэтээл — 1944
«Сталинград көмүскэлин иһин» мэтээл
«Сталинград көмүскэлин иһин» мэтээл

Егоров Николай Васильевич — РСФСР уонна Саха АССР оскуолаларын үтүөлээх учуутала. Аҕа дойду Улуу сэриитин кыттыылааҕа. Ленин уордьанын кавалера.

Олоҕун олуктара

[уларыт | биики-тиэкиһи уларытыы]
  • 1903 сыл ахсынньы 3 күнүгэр Үөһээ Бүлүүгэ Куорамыкы сэлиэнньэҕэ төрөөбүт.
  • 1915 сыллаахха Үөһээ Бүлүүтээҕи түөрт кылаастаах инородческай оскуоланы бүтэрбит. Ол кэнниттэн Бүлүү куоракка педагогическай хайысхалаах үрдүкү II стүпеннаах оскуоланы 1922 с. бүтэрбит.
  • 1922 сылтан алтынньытыттан Марха улууһун (билигин Ньурба улууһа) Үөдэй алын сүһүөх оскуолатыгар учууталлаабыт. "Ол саҕана Үөдэй оскуолата 4 кылаастааҕа, 36 оҕо үөрэнэрэ. Бу түөрт кылааһы мин соҕотоҕун сарсыардаттан киэһээҥҥэ диэри үөрэтэрим, тэҥҥэ оскуола сэбиэдиссэйин эбээһинэһин толорорум." - диэн ахтыбытын 60 сааһыгар 1963 с. тахсыбыт ыстатыйаҕа кэпсээбиттэр. Ол саҕана улуус исполкомун штааты таһынан инструкторынан үлэлээбит[1].
  • 1924 сылтан Үөһээ Бүлүү сэттэ кылаастаах оскуолатыгар сэбиэдиссэйинэн анаммыт, учууталлаабыт. Онно 1929 с. диэри үлэлээбит.
  • 1929 сыллаахха алтынньыга Таатта улууһар Э. К. Пекарскай аатынан Игидэй төрүт оскуолатыгар сэбиэдиссэйинэн анаммыт. Манна үлэлии сылдьан билиминэн уонна методиканан дьарыктаммыт.
  • 1930 сыллаахха Г. Л. Хойутановтыын уонна Н. Е. Афанасьевтыын суруйбут «Сайдыы суола» диэн кинигэтэ тахсыбыт.
  • 1932—1937 сс. Хаптаҕай оскуолатыгар учууталлаабыт. Сорох источниктарга 1932 сылтан 1939 с. диэри Дьокуускайдааҕы опытнай-показательнай оскуолаҕа учууталлаабыт диэн суруллар. Бу оскуолаҕа үлэлиир сылларыгар саха начаалынай оскуолатын учуобунньуктарын суруйуунан дьарыктаммыт. Саха оскуолаларыгар "Бастакы чуораан", "Тиһэх чуораан", "Оскуола чиэһин иһин", "Букубаар күнэ", "За спортивную честь", "Интэринээтчик күнэ" диэн тэрээһиннэри бастаан тэрийбитэ, Саха сирин үрдүнэн тарҕаммыта[1].
  • 1942—1945 сс. — сэриигэ кыттыбыт. Гвардия старшината.
  • Сэрии кэнниттэн Дьокуускай 2 №-дээх оскуолатыгар үлэлээбит: учуутал уонна завуч.
  • 1954 сылтан Дьокуускайга учууталлары үөрэтэр институтка методистаабыт (методкабинет сэбиэдиссэйэ).

Айымньылара

[уларыт | биики-тиэкиһи уларытыы]
  • Сайдыы суола. (Ааптардар Г. Л. Хойутанов, Н. Е. Афанасьев, Н. В. Егоров).
  • Книга для чтения для II класса, 1934.
  • Якутский язык. Грамматика для III класса начальной школы. 1939.
  • Книга для чтения для IV класса якутской начальной школы. 1939, 1940.
  • Төрөөбүт саҥабыт. Начаалынай оскуола 2 кылааһыгар ааҕар кинигэ. 8-с тахсыыта. Дьокуускай. Якуткнигоиздат, 1961, 260 с.
  • Саха тыла. Грамматика, таба суруйуу, тылы сайыннарыы. Нач. оскуола 3 кылааһыгар. Дь., Якгиз, 1956. 120 с.

Наҕараадалара уонна ытык ааттара

[уларыт | биики-тиэкиһи уларытыы]

Быһаарыылар

[уларыт | биики-тиэкиһи уларытыы]
  1. 1 2 Самыгина М.Г., Тарский Г.С., Сыроватский А.Д. Календарь знаменательных и памятных дат Якутской АССР, 1963 год. — Якутск: Якутское книжное издательство, 1963. — С. 76-77. — 91 с. — 1000 экз.
  2. ↑ Наградные документы в электронном банке документов «Подвиг Народа»
  3. ↑ Наградные документы в электронном банке документов «Подвиг Народа»
  4. ↑ Наградные документы в электронном банке документов «Подвиг Народа»
  5. ↑ Почетные граждане Вилюйского улуса

Ылыллыбыт сирэ

[уларыт | биики-тиэкиһи уларытыы]
Төрдө — «https://sah.wikipedia.org/w/index.php?title=Егоров_Николай_Васильевич&oldid=428795»