Бүлүү улууһун гербэтэ

Бикипиэдьийэ диэн сиртэн ылыллыбыт
Перейти к навигации Перейти к поиску
Бүлүү улууһун дьаралыга

Coat of Arms of Vilyuisky rayon (Yakutia).png

Сиһилии
Олохтоммут күнэ-дьыла

2005 сыл олунньу 16

ГГР

1834

Компьютернай
дизайн

А. М. Матвеев

Саха Өрөспүүбүлүкэтин "Бүлүү улууһа" олохтоох тэриллии гербэтэ — бу олохтоох тэриллии биир дьоһун бэлиэтэ буолар. Гербэ Бүлүү улууһун Мунньаҕын 2005 сыл олунньу 16 күнүнээҕи 184 №-дээх Быһаарыытынан бигэргэтиллибит.[1]
РФ Геральдическай регистрыгар 1834 нүөмэринэн киирбит.

Дьүһүнэ[уларыт | биики-тиэкиһи уларытыы]

Герб төгүрүк быһыылаах щит. Щит олдьу сэбирдэхтии икки өҥүнэн араарыллыбыт: хаҥас өттө —көмүс, уҥа өттө — халлаан күөҕэ. Уҥа, халлаан күөҕэ өҥнөөх лабаата, төлөнүнэн түмүктэммит; хаҥаһа — бэс лабаатынан. Герб баһыгар (үөһээ өттүнэн) сэттэ күөхтүҥү өҥнөөх саха аламай таастара (муннуктарыгар туруоруллубут түөрт тэҥ өрүттээх эттиктэр, хас биирдии эттик алта өлүүгэ араарыллыбыт: кириэстии уонна икки бэйэ-бэйэлэригэр тиксэр туһааннар) кустуктуу иэҕиллэн ууруллубуттар.

Ытык бэлиэ олоҕо[уларыт | биики-тиэкиһи уларытыы]

Герб иэнэ өҥүнэн икки аҥы арахсар — халлаан күөх уонна көмүс.

  • Халлаан күөх өҥ Саха Сирин арҕаа эҥэрин аһатан-сиэтэн олорор, аламай таас, нефть уонна айылҕа гааһынан баай Бүлүү өрүс сүрэ буолар. Бүлүү улууһа Саха Сирин Бүлүү эҥэр уонна киин улуустарын айылҕа гааһынан уонна уотунан хааччыйан олорор соҕотох улуус буолар. Итиини уонна сырдыгы тэҥинэн үллэрэр. Халлаан күөҕэ өҥнөөх төлөн ону туоһулуур.
  • Герб көмүс өҥнөөх өттө уонна бэс лабаата Бүлүү сирэ айылҕатын уратытынан "ыллыыр" кумахтааҕын уонна бэс мас хойуутук үүнэрин көрдөрөр. Бэс лабаата уонна күөх төлөн үстүү салаалаахтара сахалыы "Үс үөстээх Бүлүү" диэни кытары ситимнээх. Саха дьонун өйдөбүлүгэр «үс» — ытык ахсаан.

Сэттэ аламай таастар Саха Сирин гербэтигэр баар аламай таастарга дьүөрэлии ууруллубуттара, Бүлүү улууһун сирэ-уота Саха Өрөспүүбүлүкэтигэр киирэрин көрдөрөр.

Герб ааптара[уларыт | биики-тиэкиһи уларытыы]

  • Матвеев Артур Матвеевич

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]

Герб Вилюйского улуса (района)