Бикипиэдьийэ:Кэпсэтэр сир/Этии киллэрии

Кэпсэтэр сир — Этии киллэрии

Сигэ: БП:Ф-Этии

лат. «форум»

Кэпсэтэр сир салаата. Манна быраабыланы кытта сибээһэ суох этиилэр ырытыллаллар

Саҥа кэпсэтиини саҕалааһын · FAQ · Архыып

Уопсайынан кэпсэтии · Сонуннар · Этии киллэрии · Сиэр-туом · Ыйытыылар · Кыттааччылар болҕомтолоругар · Техническэй · Ааптар бырааба · International

[1]

Актуально

Сиэри-туому ырытыы
Холобур

Украиналарга эҕэрдэ

Украина биикитэ тохсунньу 30 күнүгэр 10 сааһын туолар эбит. Онно видео эҕэрдэ оҥоробут дуо? Бүгүн биир уол эрийэ сырытта Киевтан. Таһардьа туман быыһыгар турар аҕыйах киһи сахалыы-нууччалыы саҥарыа этилэр. Иллэрээ сыл Альберт Габышевтыын башкиирдарга сэлии түмэлиттэн оннук эҕэрдэ-ролик устан ыыппыттаахпыт. Башкортостаан тэлэбиисэригэр көстүбүтэ буолуо ;) --HalanTul (ырытыы) 14:13, 14 Тохсунньу 2014 (UTC)

Украино-якутская неделя сотрудничества

Наши украинские коллеги внесли идею провести в марте совместную неделю сотрудничества (смотрите на моей страничке). В рамках которой в нашей википедии могут появиться статьи об Украине, украинских деятелях культуры, науки и проч., а в украинской - аналогичные статьи на якутскую тематику. Обсудим? Сахалыы да суруйуохха сөп. Бу дьоммут өйдөөтүннэр диэн нууччалаатым ;) --HalanTul (ырытыы) 02:43, 13 Тохсунньу 2014 (UTC)

Үчүгэй ыстатыйаҕа хандьыдааттар

Аламай. Сорудах ылбыт киһи быһыытынан. Үчүгэй ыстатыйалары талыахха уонна куоластыахха диэн этии киллэрэбин. Мин бу күҥҥэ үс ыстатыйаны ыйабын, ааҕар-көрөр дьоннор эбии суруйуҥ, көрүҥ, талыҥ, уларытыҥ. 4 ыстатыйаны талабыт быһыылаах.--Ykt www (ырытыы) 07:57, 12 Ыам ыйын 2013 (UTC)
Винокуров Захар Порфирьевич
Александр Самсонов - Айыы Уола
Донской Феодосий Семенович

Аналлаах сирэй оҥоруох баар эбит. Хандьыдаат ыстатыйалары ырытар. --HalanTul (ырытыы) 12:02, 13 Ыам ыйын 2013 (UTC)

Кинигэтэ суруйуохха

Доҕоттоор, өр кэмҥэ иитийэхтии сылдьыбыт санаабын үллэстэбин. Уонна кыттарга ыҥырабын. Бикипиэдьийэ туһунан дьоҕус кинигэтэ суруйан таһаарыахха эрэ. Бикипиэдьийэ диэн тугун сорох дьон өйдөөбөттөр, тылдьыт курдук көрөллөр, туох туһунан суруйалларын билбэттэр. Кумааҕы барылынан эмиэ тахсара ордук хотуулаах буолуо этэ. Сэргээбит дьон миэхэ суруйуҥ. --HalanTul (ырытыы) 03:22, 18 Кулун тутар 2013 (UTC)

2013 сылга ыытыллар тэрээһиннэр

Доҕоттоор, бэҕэһээ Викимедиа РУ дириэктэрэ Медейко эрийэ сырытта. Былааннарын оҥоро сылдьаллар эбит, харчы тыыраары. Ким эмит тугу эрэ ыытыан баҕалаах буоллаҕына миэхэ суруйаргытыгар көрдөһөбүн. --HalanTul (ырытыы) 00:20, 25 От ыйын 2012 (UTC)

Бикипиэдьийэ 4 сылын бэлиэтиэххэйиҥ!

Бу ыйга сахалыы бикипиэдьийэ инкубаатартан тахсан туспа домен ылбыта 4 сылын туолар. Бу нэдиэлэ бүтэһигэр аҕыйах буолан Дьокуускайга олорор кыттааччылар бэлиэтиэххэйиҥ эрэ. Yrdel кыттааччыга Москубаттан кэлбит биики-бириэмийэтин туттарыахпыт, мин Алматыыга буолбут мунньах уонна Москубаҕа, Пиитэргэ көрсүһүүлэрим туһунан кылгастык кэпсиэм, сайыҥҥы уонна күһүҥҥү былааннары кэпсэтиэхпит. Ким кэлиэн баҕарар чопчу күнүн-ыйын, сирин (ресторан, ким эрэ үлэтэ, айылҕа, болуоссат, конференц-саала) уонна чааһын миэхэ эбэтэр манна суруйуҥ. Бэйэм өттүбүттэн эппит саалаҕытын наймылаһарга, чэй-кофе, бичиэнньэ, пластик иһит ыларга бэлэммин. Субуота буоллаҕына ханна эрэ үөрэх да кыһатыгар көрсүөххэ сөп этэ. Үлэ күнүгэр мустар буоллахпытына массыына (микроавтобус) баар. --HalanTul (ырытыы) 23:41, 14 Ыам ыйын 2012 (UTC)

ИТНОЭ-2012

Бэс ыйын саҥатыгар Дьокуускайга университет АйТи-га сыһыаннаах кэмпириэнсийэ ыытар эбит. Онно бикимэдьиистэри ыҥырыахха сөп диэтилэр. Арассыыйаттан, баҕар, сатаннаҕына кыраныысса таһыттан. Ким туох санаалаах? Миэхэ суруйаарыҥ. --HalanTul (ырытыы) 01:59, 13 Муус устар 2012 (UTC)

Туох диэн темаҕа кэпсиэххэ нааданый? Мин Москва аттыгар баарбын, бу диэки буолар буоллаҕына кыттыбыт киһи, ыраах барара сатаан табыллыбата буолуо. --Egerman (ырытыы) 14:19, 13 Муус устар 2012 (UTC)

Хоруйуҥ иһин махтал. Сурутууга сиһилии ыыппытым (Хата, таарыйа онно суруттар диэн ыҥырабын http://subscribe.ru/archive/culture.people.sakhawikipedia). --HalanTul (ырытыы) 21:06, 13 Муус устар 2012 (UTC)

Биики мэҥэлэргэ мэҥийэр

Wiki Loves Monuments - 2012 күрэс Арассыыйатааҕы тэрийэр кэмитиэтэ биһиги өрөспүүбүлүкэбитигэр бэрэстэбиитэл көрдүүр: Бу сигэлэринэн киирэн көрүҥ ru:Википедия:Форум/Общий#Разыскиваются уонна сүрүннүүр сирэй commons:Commons:Wiki Loves Monuments 2012 in Russia. --HalanTul (ырытыы) 22:28, 11 Кулун тутар 2012 (UTC)

Коллегаларбытын өйүөххэйиҥ

Stop Online Piracy Act (SOPA эбэтэр H.R. 3261) — 2011 сыл алтынньы 26 күнүгэр АХШ кэнгириэһин Бэрэстэбиитэллэрин Балаататыгар Ламар Смит уонна 12 кинини өйүүр дьон киллэрбит сокуонннарын барыла. Бу сокуон барыла Интэриниэкэ дьон бас билиитин күөмчүлээһини утары охсуһарга Эмиэрикэ быраабы харыстааччы уорганнарын уонна бас билээччилэр бырааптарын кэҥэтэр. Маны туһанан, ханнык баҕарар интэриниэт-тэрилтэ — провайдертан саҕалаан поисковиктарга уонна реклаама биэрээччилэргэ тиийэ, — ханнык баҕарар правообладатель модьуйуутун толорон пирааттыырга буруйданар ресурска өҥө оҥорорун тохтотуохтаах, уонна кинини кытта ханнык баҕарар дьайыыны оҥорорун быһыахтаах; өскө ону толорботоҕуна ханнык баҕарар онно быһаччы эбэтэр туох эрэ сыһыаннаах контрагент соучастник быһыытынан ааҕыллыа.

Сиһилии нуучча бикипиэдьийэтигэр аах.

Тохсунньу 18 күнүгэр маны утаран 24 чаас устата Бикипиэдьийэ английскай салаата араарыллыа. Кинилэри өйүүрбүтүн биллэрэн хара баннеры сүрүн сирэйгэ ыйыахха Бикипиэдьийэ:SOPA. Туох дии саныыгыт? --HalanTul 12:47, 17 Тохсунньу 2012 (UTC)

Мин санаабар өссө тоҕо маннык гынабытый, хайдах Википедияҕа мэһэйдиэн сөбүй диэн суруйдахха быдан өйдөнүмтүө буолуо дии саныыбын. Egerman

Ыйыахха ээ. Туох да кусаҕана буолуо суоҕа, мин санаабар. Биир эрэ ыйытыыны көрөбүн - Бикипиэдьийэ бас принципыгар, нейтральнай сыһыаны көрдөрүү политикатыгар хайдах сөп түбэһэрэ буолаарай, диэн. Kyraha 23:15, 17 Тохсунньу 2012 (UTC)

Махтал, санааҕытын эппиккитигэр. Билигин ыйыам. Нейтральнай сыһыан диэн мин санаабар, ыстатыйа ис хоһоонугар сыһыаннаах (хатылааһын буолла, баалаамаҥ). Бырайыакка бүтүннүүтүгэр, кини кэскилин күөмчүлээһиҥҥэ сыһыаннаахха бикипиэдьийэһиттэр бэйэлэрин санааларын этэр толору бырааптаахтар. --HalanTul 07:37, 18 Тохсунньу 2012 (UTC)

Марафон туһунан

Быйылгы марафоммутун Ийэ тыл күнүгэр ыытыахха диэн санаа баар. Туох диигит? Олунньу 13 күнүгэр (Өрөспүүбүлүкэҕэ Ийэ тыл күнэ) саҕалаан баран олунньу 21 күнүгэр түмүктүөххэ (Аан дойдуга төрөөбүт тыллар күннэригэр). --HalanTul (ырытыы) 23:19, 10 Олунньу 2015 (UTC)

Кинигэлэр, киинэлэр ис хоһооннорун туһунан суруйдахха? Сахалыыны эрэ буолбакка, төһө кыалларынан хаба сатаатахха? --Сур Бөрө (ырытыы) 07:19, 11 Олунньу 2015 (UTC)

Аата туох буолуон сөбүй эн тиэмэҕин талар түгэҥҥэ? Мин санаам - төрөөбүт тылбытыгар сыһыаннааҕа буоллар бэрт буолуо этэ. --HalanTul (ырытыы) 21:02, 11 Олунньу 2015 (UTC)

Төбөбөр туох да киирбэт, арааһата гуминститут үлэһиттэрэ тугу эмит сүбэлиэ этилэр... --Сур Бөрө (ырытыы) 06:53, 12 Олунньу 2015 (UTC)

Мин солото суох сылдьабын, марафону Герман тэрийэн эрэр. Пресс-релиз суруйарга көмөлөһүөҥ буолаарай? --HalanTul (ырытыы) 11:25, 12 Олунньу 2015 (UTC)

"Биллиилээх дьон" күрэс

Сорох улуустар тустарынан ыстатыйаҕа улуустан төрүттээх элбэх биллиилээх киһи ааттаммыт, оттон сорох ыстатыйаҕа - биир-икки. Дьиҥинэн улуус аайы киэн туттар дьоно элбэх буоллаҕа. Бу балаһыанньаны көннөрөөрү Алла Ноговицына диэн Эдэр учуонайдар ассоциацияларын салайааччыта күрэс биллэрэр туһунан этии киллэрдэ. Онтун бассаапка СахаТылаБылыргытаИтэҕэлэ диэн бөлөххө суруйда. Ырытыы түмүгэр балаҕан ыйын 1-30 күннэригэр оҥоруохха диэн санаа этилиннэ. Ким өссө туох санаалааҕый? --HalanTul (ырытыы) 03:09, 14 Атырдьах ыйын 2015 (UTC)

"Кыым" тутаах эрэдээктэрэ Уйбаан Хабырыылайап бассаабынан сэҥээрдэ:

Өйөөн бөҕө буоллаҕа. Кэлэр нүөмэргэ ону сиһилии кэпсээн, быһааран интервью биэр эрэ. Бикипиэдьийэ ирдэбилин өйдөтөн биэр. Үчүгэйдик быһаардаххына, дьон пачканан суруйуо. Бэлэм да текст элбэҕэ буолуо.

Манна күрэскэ аналлаах сирэй оҥорон саҕалаатым: Бикипиэдьийэ:Бырайыак:Биллиилээх дьон. Алҕаһын көннөрүөххүтүн, эбэн-сабан биэриэххитин сөп. --HalanTul (ырытыы) 07:05, 14 Атырдьах ыйын 2015 (UTC)