Багынанова Зоя Петровна

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Багынанова Зоя ПетровнаСаха Өрөспүүбүлүкэтин норуодунай артыыһа.

Олоҕун олуктара[уларыт | биики-тиэкиһи уларытыы]

  • 1942 сыллаахха муус устар 22 күнүгэр Үөһээ Бүлүү оройуонугар Үөдүгэй нэһилиэк Далыр сэлиэнньэтигэр төрөөбүтэ. [1].
  • 1961—1966 сс. — М.С. Щепкин аатынан Москватааҕы театральнай училищеҕа үөрэммитэ. Үөрэҕин бүтэрээт, Ньурбатааҕы Государственнай көһө сылдьар драматическай театрга үлэлээбитэ.
  • 1969—1983 сс. — П. А. Ойуунускай аатынан Саха академическай театрыгар үлэлээбитэ.
  • 1983 сылтан — Ньурба драматическай театрыгар, Нерюнгри куукула театрыгар үлэлээбитэ.
  • П. А. Ойуунускай аатынан Саха академическай театр артыыската.

Дьиэ кэргэнэ уонна аймахтара[уларыт | биики-тиэкиһи уларытыы]

Биэс оҕолоох.
Ииппит кыыһа — Потапова Елизавета Федотовна, Саха Өрөспүүбүлүкэтин үтүөлээх артыыһа.

Айар үлэтэ[уларыт | биики-тиэкиһи уларытыы]

Кэргэнин Потапов Ф. Ф. кытта Нерюнгри куоракка куукула театрын, республикаҕа соҕотох оҕо театырын, иилээн-саҕалаан үлэлэппиттэрэ. Оҕолорго анаан И. Гоголев остуоруйалара, П. Ойуунускай, Н. Заболоцкай айымньыларыттан быһа тардыылар оонньоноллор.
Хойукка кэмҥэ Зоя Багынанова театр сүгүрүйээччилэригэр Александр Пушкин, Михаил Лермонтов, Анна Ахматова, Борис Пастернак, Өксөкүлээх Өлөксөй, Анемподист Софронов, Платон Ойуунускай, Иван Арбита, Семен Данилов, Леонид Попов, Петр Тобуроков, Иван Гоголев айымньыларыттан иһиллибит моноспектакль толорор. Итини таһынан, Зоя Багынанова толоруутугар Варвара Потапова, Наталья Харлампьева, Саргылана Гольдерова, Антонина Гаврильева, Александра Григорьева, Анна Парникова, Дархаана, Венера, Умсуура хоһоонноро театр үрдүкү сценатыттан ааҕыллаллар.
Кэргэнин, Ф. Ф. Потапов, сырдык кэриэһигэр анаан «Дьээбэ» куукула театрын тэрийэн үлэлэтэр. Театр оҕо тэрилтэлэригэр, оскуолаларга оонньуур. Улуустары кэрийэн, инбэлиит-оҕолорго, тулаайах оҕолорго босхо спектакль көрдөрөр.

Наҕараадалара уонна ытык ааттара[уларыт | биики-тиэкиһи уларытыы]

  • Саха Өрөспүүбүлүкэтин норуодунай артыыһа
  • Саха АССР үтүөлээх артыыһа

Өссө маны көр[уларыт | биики-тиэкиһи уларытыы]

Саха норуодунай артыыстарын тиһигэ

Быһаарыылар[уларыт | биики-тиэкиһи уларытыы]

  1. Энциклопедия культуры и искусства Якутии. — 2011. — ISBN 978-5-7696-3514-4

Сигэлэр[уларыт | биики-тиэкиһи уларытыы]