Андросов Иван Иннокентьевич

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Андросов Иван Иннокентьевич (1891—1922) — сылларга олорбут Бастакы Аан Дойду сэриитин кыттыылааҕа, икки Георгиевскай кириэс кавалера.

Байаҕантай улууһун Баайаҕа нэһилиэгэр 1891 сыллаахха төрөөбүт. Дьоно эрдэ өлөннөр убайыгар Дьокуускайга киирэргэ күһэллибит. Сэриигэ бэйэтэ тылланан 1915 сыллаахха барбыт. 44-с Сибиир полкатыгар ефрейтор сыбаанньалаах бүлүмүөччүк Андросов Иван өстөөх бүлүмүөтүн суох гыммыт, уонна Кревлянка үрэҕи нуучча сэриилэрэ туоруулларын хааччыйбыт диэн докумуон архыыпка баар[1].

1918 сыллаахха дойдутугар төннүбүт. Кыһыллар өттүлэригэр сэриилэспит. 1922 сыллаахха муус устар 8 күнүгэр разведкаҕа сылдьан сэриигэ өлбүт[2].

Быһаарыылар[уларыт | биики-тиэкиһи уларытыы]

  1. Приказ № 373 от 13 октября 1917 г. по 44 стрелковому Сибирскому полку
  2. «Байанай» сурунаал ситим-сирэ Архыыптаммыт 2017, Балаҕан ыйын 23 күнүгэр.