Үтүлүк ылыы, оонньуу
Үтүлүк ылыы - былыргы саха оҕолоро оонньуур оонньуулара.
Үтүлүгү сиргэ туруораллар. Икки илиини сис туттан, илиини араарбакка эрэ, тиэрэ түһэн, үтүлүгү ытыран ылыллыахтаах. Бу күрэхтэһиини атыннык эмиэ оонньууллар. Үтүлүгү туруоран баран, оонньооччу хаҥас илиитинэн уҥа кулгааҕын эминньэҕиттэн тутар, хаҥас атаҕын, уҥа атах кэннинэн илдьэн, уллуҥаҕыттан уҥа илиитинэн тутар уонна итини төлөрүппэккэ уҥа атаҕынан кылыйа сылдьан, умса түһэн, үтүлүгү ытыран ылар.