Анньа-Бөрдө
Анньа-Бөрдө - бу сайын тэлгэһэ таһыгар оонньонор оонньуу. Анньа, Бөрдө диэн биэстии киһилээх икки хамаанда баһылыктара. Бу баһылыктар бэйэлэрэ утарыта тэйиччи тус-туспа уйалаахтар. Оонньуу саҕаланарыгар Анньалаах Бөрдө уйаларыттан тэлгэһэ ортотугар утары хааман кэлэллэр уонна хаҥас сарыннарынан утары-та анньыһаллар. Ити бириэмэҕэ Анньалаах Бөрдө дьоно тэбис-тэҥҥэ уйаларыттан тахсан тэлгэһэ иһигэр сүурэ сылдьыахтаахтар. Анньалаах Бөрдө сарыннарынан анньыалаһалларын тохтотоот, Анньа Бөрдө дьонун, Бөрдө Анньа дьонун эккирэтэллэр.
Анньалаах Бөрдө дьонноро бу кэмҥэ уйаларыгар киириэ суохтаахтар. Баһылыктар эккирэтэн тиийэн, илиилэринэн таарыйдылар да, таарыллыбыт киһи баһылык уйатыгар түргэнник киириэхтээх. Холобура, Бөрдө Анньа киһитин илиитинэн таарыйда да, ол киһи Бөрдө уйатыгар барыахтаах. Ити курдук кылгас бириэмэҕэ хайа баһылык элбэх киһини тутар да, ол кыайыылааҕынан тахсар. Бу оонньуу киэҥ кулуупка, спортивнай саалаҕа оонньонуон сөп.