Кырынаастыыр, оонньуу
Кырынаастыыр - саха оҕолорун былыргы оонньуута.
Бу — уол оҕо барахсан уолугунан тыынан, атаҕын төбөтүнэн дугунан, этэ-хаана умайыктана сылдьар кэмигэр, кини төһө сымсатын, илиитигэр, сиһигэр төһө кыахтааҕын көрдөрөн ыстаҥалыыр оонньуута.
Кырынаастыыр киһи сиргэ икки илиитинэн уонна атаҕын төбөтүнэн тирэнэн турар. Өрө ыстанарыгар илиилэринэн анньынар уонна кулгаахтарын ытыстарынан таарыйан ылаат, илиитинэн сиргэ тирэнэ түһүөхтээх. Бу кэмҥэ тобуктарын бокутуо суохтаах. Ыстаҥалыыр киһи тохтоло суох, кулгаахтарын ытыстарынан охсо-охсо, утарылаһааччьггын кыайыар диэри ыстаҥалыахтаах.
Оонньууну ыытааччы икки хамаанданы утары туруорар. Икки киһи тэбис-тэҥҥэ ыстаҥалыы түһэллэр. Биирдэрэ эмэ кулгааҕын ытыһынан таарыйбатаҕына эбэтэр тобугун чиккэппэккэ, токуруппут буоллаҕына, тута туораан иһэр. Хайа хамаанда дьоно төһө уһуннук ыстаҥалаатаҕына, ха-маандатын дьонуттан үгүс өттө уһуннук ыс-таҥалаабыт буоллаҕына, ол хамаанда дьоно кыайыылааҕынан ааҕыллар.