Чурапчы улууhун гимназията

Бикипиэдьийэ диэн сиртэн ылыллыбыт
Перейти к навигации Перейти к поиску

Координаталара: 61°59′48″ с. ш. 132°24′44″ в. д. / 61.9967° с. ш. 132.4123° в. д. / 61.9967; 132.4123 (G) (O) Макаров Степан Кузьмич аатынан Чурапчы гимназиятаЧурапчыга баар улуус бүттүүнүттэн дьоҕурдаах оҕону сүүмэрдээн үэрэтэр оскуола. Гимназия директора — Посельскай Юрий Павлович.

Историята[уларыт | биики-тиэкиһи уларытыы]

Арыллыан иннинэ Чурапчы орто оскуолатыгар гимназическай кылаас быһыытынан олохтоммута. 1995 сыллаахха дьоҕурдаах оҕолору биир сиргэ мунньан дириҥэтэн үөрэтэр табыгастаах диэн санаатын туруорсан, гимназия бастакы директора Иустинова Альбина Степановна математическай уонна гуманитарнай кылаастарын арыйбыта. Саха Сирин президенын оскуолаларын ситимигэр киирэр.

1995 сыл ахсынньы 23 күнүгэр Чурапчы улуустааҕы гимназията арыллыытын туһунан Саха Сирин үөрэҕин министиэристибэтин 61 № 01-06/506 уурааҕа тахсар. 1999 сылга техническай кылаас арыйыллар

2010 сыллаахха Саха Республикатын президенин уурааҕынан гимназия5а РСФСР уонна Саха АССР оскуолатын үтүөлээх учууталын, Чурапчы улууhун бастакы бочуоттаах гражданинын, Саха Маресьевынан ааттаммыт С. К. Макаров аата иҥэриллибитэ.

Директордара[уларыт | биики-тиэкиһи уларытыы]

Гимназия директордарынан үлэлээбиттэрэ:
1995 - 2002 с.с. Иустинова Альбина Степановна - Саха Республикатын үөрэҕэриитин үтүөлээх үлэhитэ, Российскай Федерация үөрэҕэриитин туйгуна, Чурапчы улууhун бочуоттаах гражданина.
2002 - 2004 с.с. Тобохов Семен Владимирович - Саха Республикатын үөрэҕэриитин туйгуна.
2004 - 2008 с.с. Гуляев Василий Васильевич - Саха Республикатын үөрэҕэриитин туйгуна.
2008 - 2012 с.с. Манасытова Марианна Алексеевна - педагогическай билим хандьыдаата, Российскай Федерация норуотун үөрэҕэриитин туйгуна, Дети Саха - Азия международнай фонда стипендията.
2012 с. Посельскай Юрий Павлович - СР үөрэҕэриитин туйгуна.

Үөрэҕин профиллара[уларыт | биики-тиэкиһи уларытыы]

Билигин гимназия математическай, гуманитарнай уонна техническай направлениялардаах.

Күн бүгүн гимназияҕа дойду биир бастыҥ учууталлара үлэлииллэр, ол курдук:

  • Федорова Акулина Петровна - Российскай Федерация үтүөлээх учуутала, Российскай Федерация норуотун үөрэҕэриитин туйгуна;
  • Хоютанова Мария Иустиновна - Российскай Федерация үтүөлээх учуутала, Российскай Федерация норуотун үөрэҕэриитин туйгуна, Россия чулуу учуутала, Династия пуондатын 5 төгүллээх стипендиата;
  • Болдовская Фекла Николаевна Саха Республикатын үтүөлээх учуутала, Российскай Федерация норуотун үөрэҕэриитин туйгуна, Россия чулуу учуутала, С. А. Новгородов аатынан государственнай бириэмийэ лауреата;
  • Сергеев Антон Антонович Саха Республикатын үтүөлээх учуутала, Россия чулуу учуутала, Российскай Федерация Бочуоттааx донора; уо.д.а.

Чинчийии үлэтэ[уларыт | биики-тиэкиһи уларытыы]

Оскуолаҕа хас сыл аайы бары «Билии — күүс» диэн үөрэнэччилэр конференциялара тэриллэр. Гимназия үөрэнэччилэрэ араас научно-практическай конференцияларга ситиһиилээхтик кытталлар.

Гимназияҕа атын тэрилтэлэр[уларыт | биики-тиэкиһи уларытыы]

Оскуола баазатыгар «Дьоҕур» республиканскай обществотын филиала үлэлиир. Ону тэҥэ гимназияҕа олоҕуран Чурапчы эдэр учууталларын бөлөҕө тэриллибитэ.

Бастыҥ выпускниктар[уларыт | биики-тиэкиһи уларытыы]

Тас сигэлэр[уларыт | биики-тиэкиһи уларытыы]