Черных-Якутскай Петр Никодимович

Бикипиэдьийэ диэн сиртэн ылыллыбыт
Перейти к навигации Перейти к поиску
Черных-Якутскай Петр Никодимович

Черных-Якутскай Петр Никодимович (1882 - 1933), Саха сиригэр үөскээбит нууччалыы суруйбут поэт.

1882 сыл кулун тутар 26 күүгэр Лаамы байҕал кытылыгар Иня диэн сэлиэнньэҕэ төрөөбүт. Аҕата грузин, татаар уонна нуучча хааннааҕа, ийэтэ саха этэ[1]. 1894 сыллаахха Дьокуускайга олохсуйар онно бэйэтэ кэнники суруйбутунан "ийэтинээн наһа дьадаҥытык олорбуттара".

Духуобунай семинарияҕа үөрэммитэ, ол гынан баран ыалдьан бүтэрбэтэҕэ. Сахалыы бэркэ билэрэ.

1899 - 1912 сыллардаахха суруксутунан үлэлээбит. 1907 сылтан ыла бэчээттэнэр буолбута.

1921 сыллаахха Дьокуускайга олохтоох нуучча поэттарын "Огни Севера" диэн хомуурунньк тахсыбыт. Онно кини аҕыс хоһооно киирбит.

1926 - 1933 сыллардаахха ыарытыйар поэт Москва таһыгар Загорскай диэн куоракка (билигин Сергиев Посад) эмтэнэр соруктаах олорбута. Онно олорон "Родная Якутия" диэн улахан поэманы суруйар. Ойуунускай "Кыһыл Ойуун" поэматын нууччалыы тылбаастаабыта. Кириитиктэр билинэллэринэн кини нууччалыы суруйбут айар үлэтэ дьиҥ сахалыы тыыннаах.

1933 сыл ахсынньы 22 күнүгэр дойдутугар төннөн кэлэн баран өлбүтэ.

Ылыллыбыт сирэ[уларыт | биики-тиэкиһи уларытыы]

"Илин" 2001 сыл №2.

Быһаарыылар[уларыт | биики-тиэкиһи уларытыы]

  1. Аахтах аайы саҥалыы арыллар. П.Максимова. Чолбон, 2007,6