Хоро Г.Н. Чиряев аатынан орто оскуолата

Бикипиэдьийэ диэн сиртэн ылыллыбыт

Хоро орто оскуолата — Үөһээ Бүлүү улууһун биир бөдөҥ, дириҥ устуоруйалаах уонна биллэр оскуолаларыттан биирдэстэрэ.

Устуоруйата[уларыт | куодун уларытыы]

  • 1919 с. Тыымпы диэн Хоро урукку киин сиригэр (билиҥҥи бөһүөлэктэн 8 км сиргэ) Георгий Николаевич Чиряев диэн сэниэ ыал аҕа баһылыга бэйэтин дьиэтин биэрэн туран бастакы оскуоланы арыттарбыта. Кини Бодойботтон Асфер Тимофей Павлович диэн ааттаах бастакы учууталы аҕалбыта.
  • 1926 с. бастакы сүһүөх (начаалынай) оскуола буолар. Бу сылларга оскуолаҕа Дягилев Андрей диэн Гражданскай сэрии кыттыылааҕа үлэлээбитэ.
  • 1929 с. бастакы пионерскай дружина тэриллибитэ.
  • 1959 с. — сэттэ кылаастаах оскуола буолар.
  • 1961 с. — аҕыс кылаастаах оскуола буолар.
  • 1973 с. — орто оскуола стаатуһун ылар.
  • 1975 с. «Чэчир» үлэ-сынньалаҥ лааҕыра тэриллибитэ.
  • 1978 с. «Капуста», «Овощевод» лааҕырдар тэриллибиттэрэ.
  • 1983—1984 үөрэх сылыгар икки этээстээх саҥа оскуола аһыллыбыта.
  • 1990—1991 үөрэх сылыгар «Алаас симэҕэ» үҥкүү-ырыа ансаамбыла тэриллибитэ.
  • 2001 с. — улуустааҕы тыа оскуола-гимназията буолар.
  • 2004 с. — СӨ бэрэсидьиэнин 1484№ ыйааҕынан Г. Н. Чиряев аата иҥэриллибитэ.
  • 2005 с. Хоро оскуолата өрүс хаҥас биэрэгэр сытар оскуолалар тирэх кииннэрэ буолбута.
  • 2007 с. «Ыллык» научнай-чинчийэр лааҕыр аһыллыбыта.
  • 2008 с. атырдьах ыйыгар таас оскуола бастакы сваята түспүтэ.
  • 2009 сылтан Муниципальнай үөрэхтиир тэрилтэ «Хоро орто уопсай үөрэхтээһин Г. Н. Чиряев аатынан оскуолата» диэн аатырар.
  • 2010 с. саҥа таас оскуола үлэҕэ киирбитэ.[1]

Билиҥҥитэ[уларыт | куодун уларытыы]

2009/10 үөрэх сылыгар 306 үөрэнээччи баар этэ. Кылаас-комплектарын ахсаана 21., бастакы сүһүөх — 5, иккис — 11, 3-с — 5.

49 учуутал, 4 иитээччи (баспытаатал) үлэлииллэрэ.

2000/01 үөрэх сылыттан саҕалаан оскуола «Инникигэ хардыы» өрөспүүбүлүкэтээҕи научнай практическай конференцияҕа кыттан барбыта. Өрөспүүбулүкэ таһымыгар 2 оҕо лауреат, 8 оҕо дипломант буолбуттара, 2 оҕо бүтүн Арассыыйатааҕы финаал кыттыылаахтара, 1 оҕо «Инникигэ хардыы — Юниор» научнай техническэй быыстапка кыттыылааҕа буолбуттара.

2005 с. оскуола оҕолоро түүр омуктарын үөрэтиигэ кытталлар. 2007 с. икки оҕо «Түүр эйгэтэ» норуоттар ыккардыларынааҕы научнай конференцияҕа Улан-Баатарга кыттыбыттара.

Сылын ахсын «Экстрим» диэн ааттаах спортивнай кулууп кыттыылаахтара араас маршруттарынан сүүрүү тэрийэллэр (Хоро-Түҥ-Хоро, Хоро-Марха-Хоро). Салайааччы үрдүкү категориялаах физкультуура учуутала Васильев Савва Васильевич.

Нуучча тылын учуутала Попова Валентина Николаевна салалтатынан «Novitas» диэн ааттаах пресс-куруһуок үлэлиир.

Үтүөлээх учууталлар, Үөрэхтээһин туйгуннара, нэһилиэк Бочуоттаах олохтоохторо[уларыт | куодун уларытыы]

«Алаас симэҕэ» диэн ансаамбыл 6 хайысханан үлэлиир:

  • вокальнай (сал. Алексеева Н. Д.)
  • үҥкүү (сал. Иванова Т. В.)
  • «Сэһэн-Тэптэл» драма куруһуога (сал. Назарова А. Е.)
  • фольклор (сал. Бабаранова Е. Н.)
  • «Нарыйа» муода устуудьуйата (сал. Тарасова Г. В.)
  • спортивнай баал үҥкүүлэрэ (сал. Николаев Н. С.)[2]

Быһаарыылар[уларыт | куодун уларытыы]

  1. http://horososh.ucoz.ru/index/istorija_shkoly/0-12
  2. Үбүлүөйгэ анаммыт «1919-2009» буклеттан