Алаас симэҕэ (Хоро орто оскуолата)

Бикипиэдьийэ диэн сиртэн ылыллыбыт
Перейти к навигации Перейти к поиску


Алаас симэҕэ - Хоро орто оскуолатын үҥкүү-ырыа ансаамбыла.

Ансаамбыл тэриллиитэ[уларыт | биики-тиэкиһи уларытыы]

1990-91 с.с. үөрэх дьылыгар кулун тутар ыйга ансамблы тэрийэргэ диэн педсовет мунньаҕар быһаарыы ылыллыбыта. Ансамбылы «Алаас симэҕэ» диэн ааттыырга «Бочуот бэлиэтэ» орден кавалера, кырдьаҕас учуутал Тобуков Захар Захарович этиитэ ылыныллыбыта. Ансамблы тэрийии туһунан этиини киллэрбит дьонунан иитэр үлэни тэрийээччи Васильева Татьяна Лукинична уонна математика учуутала Догуева Александра Петровна этилэр.
Алаас симэҕэ» ансамбль 100-тэн тахса оҕону түмэн 5 хайысханан үлэтин саҕалаабыта, салайааччынан үҥкүүгэ дьоҕурдаах Догуева Александра Петровна үлэлээбитэ. Ансамбль үлэтэ нэһилиэк, оройуон иһигэр биллэн-көстөн барбыта. Араас хайысхаларга салайааччыларынан учууталлар Бабаранова Е.Н., Алексеева Н.Д., Догуева А.П., иитээччилэр Евдокимова А.Д., Тимофеева А.Д. үлэлэрэ оҕолор дьоҕурдарын сайыннарыыга ураты суолталаммыта. Оскуола, нэһилиэк олохтоохторун сынньалаҥнарын тэрийиигэ оҕолор активнайдык кытталлар, сыл аайы айар отчуоттара нэһилиэнньэ иннигэр ыытыллан улахан кэрэхсэбили ылар. Ансамбль оҕолоро оройуон, нэһилиэк үөрүүлээх дьаһалларыгар ыҥырыкка сылдьан киэргэтэллэр.